Ledige stillingar ved barnevernsutdanninga
- Arbeidsgiver
- Høgskulen på Vestlandet
- Stillingstittel
- Førsteamanuensis / førstelektor / høgskulelektor i barnevern
- Frist
- 19.05.2019
- Ansettelsesform
- Fast
Begge stillingane er knytt til høgskulen si bachelorutdanning i barnevern.
Arbeidsstad for stillingane er campus Sogndal.
Ansvars- og arbeidsoppgåver:
Undervisning innanfor fagområdet barnevern
Oppfølging og rettleiing av studentar
Skriftleg og munnleg tilbakemelding på studentarbeid, samt sensurarbeid
Forsking og fagutvikling i barnevernsfaglege problemstillingar
Koordinering av studiar, emneansvar og internasjonaliseringsarbeid
Samarbeid internt i høgskulen og med andre utdanningsinstitusjonar og samarbeidspartar både nasjonalt og internasjonalt
Sjølv om stillinga er knytt til bachelorutdanninga i barnevern, vil den som vert tilsett kunne få undervisnings- og rettleiingsoppgåver ved dei andre sosialfaglege studietilboda i instituttet.
Kvalifikasjonskrav:
Formell utdanning og kompetanse
- For tilsetting som førsteamanuensis er kravet avlagt Ph.D grad. Utdanning som er tatt utanfor Norge skal vera godkjend og stadfesta av NOKUT
- For tilsetting som førstelektor må NOKUT sine krav til førstekompetanse vere dokumentert
- For tilsetting som høgskulelektor må søkjar ha relevant mastergrad som spesifisert nedanfor
- Søkjar må dokumentera fordjuping i relevante fagområde innanfor barnevern
- Pedagogisk erfaring
- Interesse for og/eller erfaring med pedagogisk utviklingsarbeid og internasjonaliseringsarbeid
- God skriftleg og munnleg framstillingsevne på norsk eller anna skandinavisk språk, samt engelsk
- God IKT-forståing
- Til stilling nr. 1 ønskjer vi søkjarar med mastergrad i barnevern. Anna relevant sosial-/samfunnsvitskapleg mastergrad kan vera aktuell dersom søkjaren har profesjonsutdanning i barnevern
- Til stilling nr. 2 ønskjer vi søkjarar med mastergrad i sosialfag eller pedagogikk, og erfaring med / kompetanse innan miljøterapeutisk arbeid med barn og unge
Dersom den som blir tilsett ikkje har praktisk pedagogisk kompetanse på grunnlag av utdanning eller tidlegare undervisningserfaring og rettleiing, er det krav om at vedkommande må kvalifisere seg via kurs i høgskulepedagogikk innan to år frå tilsettingsdato.
Ønska kvalifikasjonar
- Praksis frå barnevernsfagleg arbeid
- Erfaring frå undervisning og rettleiing i høgare utdanning
Personlege eigenskapar
- Kunne arbeide sjølvstendig, være ansvarsfull og ha evne til å ta initiativ
- Ha gode samarbeidsevner
- God formidlingsevne
Korleis søke på stillinga?
Send søknad og CV ved å klikke på knappen merka "Søk stilling" på denne sida.
Me gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjars ansvar å sørgje for at alle relevante vedlegg er lagt inn innan fristen, her dei vitskaplege arbeida (inntil 15 stk.), fullstendig publikasjonsliste, attestar og vitnemål. Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsettjingar. Hvis vedlegga overstig 15 MB må dei komprimerast før opplasting eller leggjast ved som lenke.
Søknadane vert sendt elektronisk til det sakkyndige utvalet. På bakgrunn av komiteens innstilling vil aktuelle søkjarar verta innkalt til intervju og prøveforelesning. Søknadar kan ikkje sendast på e-post til enkeltpersonar ved høgskolen.
Vi tilbyr:
Gode pensjons-, forsikrings-, og låneordningar i Statens pensjonskasse
Spennande fagmiljø med moglegheit for kompetanseheving - og utvikling
Høve for trening i arbeidstida
Stillingane er løna etter Statens lønsregulativ i tråd med kompetansekrava for stillinga, i stillingskode 1011, førsteamanuensis / i stillingskode 1198, førstelektor / i stillingskode 1008, høgskulelektor.
Frå løna vil det bli trekt 2 % innskot til Statens pensjonskasse.
Generell informasjon:
Vi gjer merksam på at jfr. ny offentlegheitslov kan opplysningar om søkjaren bli offentliggjort sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ynskje ikkje vert teke til følgje.
Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.
Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning, rekruttere personer med minoritetsbakgrunn og personer med nedsett funksjonsevne. Høgskulen på Vestlandet er ei IA-verksemd.
Kontaktperson(ar) ved Høgskulen på Vestlandet er:
1) Fagsekjsonsleiar, Marita Brekke Skjelvan, telefon 57 67 61 74, e-post marita.brekke.skjelvan@hvl.no
2) Instituttleiar, Svanaug Fjær, telefon 55 58 57 53, e-post svanaug.fjer@hvl.no
Samspel, berekraft og nyskaping
Samspel, berekraft og nyskaping skal kjenneteikne alt vi gjer.
Vi skal bli eit universitet med ein tydeleg profesjons- og arbeidslivsretta profil.
Les meir på våre heimesider.
Video: https://www.youtube.com/watch?v=z-Py_In-Eyg&feature=youtu.be
Om arbeidsgiveren
Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi og samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Fakultet for helse- og sosialvitskap har om lag 370 tilsette og om lag 4500 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram. Fakultetet har ein vitskapleg ambisjon om å styrke forskingsbasert undervisning, rettleiing og praksis innan områda helse,
funksjon og deltaking.
Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena. Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.
Ved Institutt for velferd og deltaking er vi omlag 90 tilsette og kring 1000 studentar fordelte på studiestadane Bergen og Sogndal. Vi tilbyr bachelorutdanningar i sosialt arbeid, vernepleie og barnevern, og tverrfaglege masterutdanningar i samfunnsarbeid og psykisk helse og rus. Vi har også fleire etter- og vidareutdanningar. Forskinga ved instituttet er fleirfagleg og rettar seg mot heile det helse - og sosialvitskaplege feltet. Både forsking og undervisning ved instituttet har sosial deltaking som kjerneverdi. Det gjeld deltaking gjennom involvering av tenestemottakarar, samt deltaking i sivilsamfunnet, arbeidslivet og i eigen individuell prosess.
- Sektor
- Offentlig
- Antall stillinger
- 2
- Sted
- Sogndal, 6856 Sogndal
- Bransje
- Forskning, utdanning og vitenskap,
- Offentlig administrasjon
- Stillingsfunksjon
- Barnevernspedagog,
- Sosionom,
- Undervisning og pedagogikk / Lærer/Lektor