Har du lyst til å jobbe med likestilling?

Stillinga varer ut 2020 og er plassert i seksjon for likestilling og kulturelt mangfald. Vi søker deg som har særleg interesse for og erfaring med kjønnslikestilling. Oppgåver med kjønnslikestilling innanfor utdanning og arbeidsliv er særleg aktuelle.

Eit godt kunnskapsgrunnlag er sentralt for politikkutviklinga, og du må derfor ha særleg erfaring med utvikling av kunnskapsgrunnlag og kjennskap til forsking på området.

• bidra til å utvikle ein strategi mot kjønnsdelt utdannings- og arbeidsmarked
• gje fagleg funderte råd som kan bidra til å utvikle politikkområdet kjønnslikestilling
• vurdere effektar av ulike tiltak og ordningar
• identifisere kunnskapshol på fagområdet
• bidra til å utvikle tiltak og strategiar innanfor feltet
• utføre andre oppgåver innanfor heile breidda av avdelinga sin portefølje

Vi ser etter deg som

• har utdanning på masternivå som er relevant for avdelinga sine arbeidsområder
• Lang relevant erfaring kan i nokre tilfelle vege opp for utdanningskravet.
• har kjennskap til politikkområdet kjønnslikestilling
• har kjennskap til forsking og særleg erfaring med utvikling av kunnskapsgrunnlag innanfor området

I tillegg ser vi at du

• er fleksibel, sjølvstendig og har svært gode samarbeidsevner

• har evne til strategisk og analytisk tenking
• har god forståing for forholdet mellom politikk og forvaltning og for embetsrolla
• har erfaring frå offentleg forvaltning, fortrinnsvis departementserfaring
• er initiativrik, utviklingsorientert og har gjennomføringsevne
• har svært god munnleg og skriftleg formidlingsevne på norsk og engelsk

Vi legg vekt på at du personleg høver til stillinga, og du må vere budd på å stille kompetansen din til disposisjon for andre seksjonar og avdelingar i departementet.

• spennande og fagleg utfordrande arbeidsoppgåver
• eit godt arbeidsmiljø med kunnskapsrike og kompetente kollegaer
• fleksibel arbeidstidsordning
• god pensjons- og forsikringsordning gjennom Statens pensjonskasse

Tilsetjing som rådgivar eller seniorrådgivar, avhengig av røynsle.

For å bli vurdert som seniorrådgivar må du normalt ha minimum 5 års røynsle som er direkte relevant for stillinga.

• Rådgivar frå kr 456 900 til kr 555 100 brutto per år
• Seniorrådgivar frå kr 524 200 til kr 680 000 brutto per år

For særleg kvalifiserte søkjarar kan høgare lønn bli vurdert.

Den statlege arbeidsstyrken skal i størst mogleg grad spegle mangfaldet i samfunnet. Det er derfor eit personalpolitisk mål å få til ei balansert samansetjing av tilsette på tvers av alder og kjønn, og å rekruttere personar med innvandrarbakgrunn, nedsett funksjonsevne og personar som har stått utanfor arbeid og utdanning i ein lengre periode. Opplysningar om dette kan bli brukt til registerformål.

Opplysningar om søkaren kan offentleggjerast sjølv om søkaren har bedt om å ikkje bli ført opp på den offentlege søkarlista. Departementet vil svare på krav om unntak frå den offentlege søkarlista før vi offentleggjer lista.

Vil du vite meir om stillinga, kan du ta kontakt med ekspedisjonssjef Hege Nygård på mobil 916 64 383.