Førsteamanuensis/ førstelektor

Om stillingane:

Vi søkjer personar som kan bidra med fagleg, kreativ og innovativ kompetanse innretta mot arbeid i skule og barnehage. Den eine stillinga kan eventuelt delast i deltidsstillingar. Stillingane har arbeidsstad ved ein av våre campus Bergen, Stord eller Sogndal. Det må påreknast noko reising i stillingane. For ein av stillingane kan det vere aktuelt å tilsetje i kvalifiseringstilling.

Stillingane vil primært bli knytt til arbeid i etter- og vidareutdanningane ved instituttet. Arbeidsoppgåvene vil vere forsking, undervisning, rettleiing, vurdering og anna oppfølging av studentar. Nokre av studietilboda er samlingsbaserte studium på ein eller fleire av våre campus, medan til dømes etterutdanningsbasert kompetanseheving i skule og barnehage i hovudsak føregår lokalt i kommunane.

Stillinga inneber også forsking og utviklingsarbeid. Fakultetet har 5 strategiske forskingsprogram (Kunst, kreativitet og kulturelle praksisar; Språk, kommunikasjon og læring; Praksisnær profesjons- og utdanningsforsking; Berekraft, medverknad og mangfald og Idrett, fysisk aktivitet og kosthald) og det blir forventa at dei tilsette bidreg med forsking innretta mot eitt eller fleire av programma.

Dei tilsette må også delta i fagleg og administrativt arbeid på instituttet.

Avhengig av søkjarane sin kompetanse og instituttet sitt behov vil oppgåver og ansvar bli avtala nærmare.

• Søkjarane må ha doktorgrad eller førstelektorkompetanse innanfor pedagogisk eller samfunnsvitskapleg fagområde
• Søkjarane må ha kompetanse innafor leiing i skule og/eller barnehage
• Søkjarane må meistre norsk eller eit anna skandinavisk språk, samt kunne bruke engelsk skriftleg og munnleg
• Søkjarane må ha gode kommunikasjons- og samarbeidseigenskapar og kunne arbeide sjølvstendig

Følgjande vil telje positivt i vurderinga:

• Erfaring frå relevante forskings- og utviklingsprosjekt
• Pedagogisk kompetanse og relevant erfaring frå barnehage, grunnskule, vidaregåande opplæring eller høgare utdanning
• Internasjonal erfaring

Dersom det ikkje melder seg fullt ut kvalifiserte søkjarar  vil instituttet vurdere å tilsetje i midlertidig kvalifiseringsstilling i inntil tre år i ein av stillingane. Ved oppnådd kompetanse, seinast innan tre år frå tiltredinga, vil den tilsette få tilbod om fast stilling. Ved søknad på kvalifiseringsstilling, må søkjar leggje fram ein realistisk framdriftsplan for å oppnå kompetanse på førstestillingsnivå.

Aktuelle kandidatar blir innkalla inn til intervju med prøveforelesning. Søkjarane må oppgi i søknaden ynskje om arbeidsstad

Kriteria for tilsetjing i stilling som førsteamanuensis/førstelektor går fram av forskrift om tilsetjing og opprykk i undervisnings- og forskarstillingar fastsett av Kunnskapsdepartementet: https://lovdata.no/dokument/SF/forskrift/2006-02-09-129          

Høgskulepedagogikk/ rettleiing:

Dersom den som blir tilsett ikkje har praktisk pedagogiske kompetanse på grunnlag av utdanning eller undervisning og rettleiing, må vedkommande kvalifisere seg via kurs i høgskulepedagogikk og rettleiing innan to år frå tilsettingsdato.

Sakkyndig vurdering:

Søkjarar til vitskaplege stillingar blir vurdert av ein sakkyndig komité. Bedømminga skjer på bakgrunn av dokumentert kompetanse og inntil 5 vitskaplege arbeid. Tilsettingsorgan er tilsettingsutval ved Høgskulen på Vestlandet.

Send søknad og CV ved å klikke på knappen merka "Søk stilling" på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjars ansvar å sørgje for at alle relevante vedlegg er lagt inn innan fristen, her dei vitskaplege arbeida (inntil 5 stk.), fullstendig publikasjonsliste, attestar og vitnemål. Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsettjingar. Hvis vedlegga overstig 15 MB må dei komprimerast før opplasting eller leggjast ved som lenke.

Søknadane vert sendt elektronisk til det sakkyndige utvalet. På bakgrunn av komiteens innstilling vil aktuelle søkjarar verta innkalt til intervju og prøveforelesning. Søknadar kan ikkje sendast på e-post til enkeltpersonar ved høgskolen.

• Gode pensjons-, forsikrings-, og låneordningar i Statens pensjonskasse

• Spennande fagmiljø med moglegheit for kompetanseheving - og utvikling

• Moglegheiter for trening i arbeidstida
•  
• Moglegheiter for dekning av flyttekostnader jfr. Særavtale om dekning av flyttekostnader

Stillinga som førsteamanuensis/ førstelektor  er lønna etter Statens lønnsregulativ, i stillingskode 1011/ 1198

Frå løna vil det bli trekt 2 % innskot til Statens pensjonskasse.

Vi gjer merksam på at jfr. offentlegheitslova kan opplysningar om søkjaren bli offentliggjort sjølv om søkjaren har bedt om ikkje å bli oppført på søkarlista. Søkjaren vil bli varsla dersom ynskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning, rekruttere personer med minoritetsbakgrunn og personer med nedsett funksjonsevne. Høgskulen på Vestlandet er ei IA-verksemd.

Heimeside

Assisterande instituttleiar Erik Bulie, tlf. 53491415 eller ebu@hvl.no

Samspel, berekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil. 

Les meir på våre heimesider.

Video: https://www.youtube.com/watch?v=z-Py_In-Eyg&feature=youtu.be