Miljøterapeut ved Vartun oppfølgingsteneste

Ved Vartun oppfølgingsteneste er det ledig 100% stilling frå 01.06.2019. Stillinga er i turnus med arbeid 3.kvar helg, for tida med langvakter.

Arbeidsstad
Vartun Oppfølgingsteneste tilbyr tenester til personar med rusavhengighet. Hovudmål for Vartun er å fremja livskvalitet for tenestemottakarane og å førebyggja at brukarar vert utan bustad. Vartun Oppfølgingsteneste samarbeider med andre aktuelle tenester kring rehabilitering. Målet er å betra livskvaliteten for rusavhengige med fokus på å redusera fysiske skadeverknader, betra den psykiske helsa og redusera sosiale skadar. Vi ønskjer å leggja til rette for at kvar einskild brukar skal kunna ha moglegheit for endring og utvikling. Dette gjer vi gjennom tryggleik, miljøterapeutiske tiltak og ulike aktivitetar. Vi tilbyr brukarar ein aktiv kvardag gjennom friluftsaktivitetar, fotball, lavterskel arbeid etc.

Vartun har ansvar for LAR - legemiddelassistert rehabilitering, prosjekt "Livskvalitet" og "Baksio" - lågterskel møtestad for rusavhengige.

Arbeidsoppgåver
- Bidra til at brukarane får nødvendig hjelp og gode tenester basert på avtalar, lover og forskrifter
- Bistå brukarane i daglege gjeremål og i ulike aktivitetar
- Primærkontaktarbeid, utarbeida planar og delta i ansvarsgrupper
- Delta i LAR-behandling
- Miljøterapi og praktiske oppgåver

Kvalifikasjonar
- Helse- og sosialfagleg høgskuleutdanning, evt. anna relevant høgskulekompetanse
- Det vert lagt vekt på personlege eigenskapar
- Du må evne å sjå potensialet for utvikling og vera fleksibel i møte med brukarar
- Du må ha gode kommunikasjonsferdigheiter og evne til å byggja gode relasjonar
- Det er ønskjeleg med erfaring frå arbeid med kommunalt rusarbeid

Utanlandsk utdanning må vere NOKUT godkjend.

Vi gjer merksam på at du må leggja fram politiattest.

Vi tilbyr
Faglege og personlege utfordringar i eit godt og inspirerande arbeidsmiljø.
Gode pensjons- og forsikringsordningar og løn etter gjeldande tariff.