Utløpt

Vil du være med på å utvikle tal for norsk økonomi?

Arbeidsgiver: Statistisk sentralbyrå - Avdeling for nasjonalregnskap og næringsstatistikk
Stillingstittel: Seksjon for nasjonalrekneskap
Frist: 07.04.2019
Ansettelsesform: Fast

I Seksjon for nasjonalrekneskap søkjer vi etter ein dyktig medarbeidar i stilling som førstekonsulent/rådgivar/seniorrådgivar.

Seksjonen har i overkant av 30 tilsette som arbeider med drift og utvikling av årleg og kvartalsvis nasjonalrekneskap, utanriksrekneskap, fylkesfordelt nasjonalrekneskap, arbeidskraftrekneskap, miljørekneskap og ulike andre såkalla satellittrekneskap. I tillegg arbeider seksjonen med informasjon og handsaming av data for store og komplekse multinasjonale verksemder.

Arbeidsoppgåver

Oppgåvene er knytt til realrekneskapet (årleg og kvartalsvis) og vil omfatte berekningar, dokumentasjon og analyser
Ta del i ulike utredningar og utviklingsarbeid, inklusive systematisk kvalitetsarbeid
Delta i revisjonar av nasjonalrekneskapssystemet
Arbeidsoppgåvene vil endrast over tid

Kvalifikasjonar

Relevant økonomisk utdanning, samfunnsøkonom eller siviløkonom (med vekt på samfunnsøkonomi)
Kjennskap til IT og statistikk
God skriftleg framstillingsevne på norsk
Relevant arbeidserfaring kan kompensere for krav til utdanning

Utdanning

Høgskule/universitet, hovudfag/mastergrad
Samfunnsøkonomi
Siviløkonomi

Eigenskapar

Analytiske evner
Sjølvstendig
Systematisk og målretta
Like å jobbe i team
Evne til nytenking
Gode samarbeidsevner

Vi tilbyr

Lønn som førstekonsulent/rådgivar/seniorrådgivar, kr. 449 400 -695 500 etter kvalifikasjoner. Høgare lønn kan vurderast for søkarar som er særleg godt kvalifiserte
Fleksibel arbeidstid og god pensjonsordning
Lyse og trivelege lokalar i Oslo
Et godt fagleg miljø som gir gode høve for eigenutvikling
Ein kunnskapsrik organisasjon, utfordrande arbeidsoppgåver, og eit hyggeleg og uformelt arbeidsmiljø
Generelt:
Attestar/vitnemål skal registrerast/leggjast ved i søknadsportalen innan søknadsfristen. Vi ber søkarar som blir kalla inn til intervju, om å ta med originalar eller bekrefta kopiar av attestar og vitnemål. Vi kontrollerer dokumenta.
Vi gjer merksame på at opplysningar om søkaren kan bli offentleggjorde sjølv om søkaren har bede om ikkje å bli ført opp på søkarlista. Dersom ønska reservasjon ikkje blir tatt omsyn til, vil søkaren bli varsla om dette før offentleg søkarliste blir laga.
Søkarar som gjer til kjenne at dei har nedsett funksjonsevne, må vere klar over at denne opplysninga kan bli brukt til registreringsføremål jf. regjeringas arbeid med inkluderingsdugnaden.
I SSB ønskjer vi mangfald blant medarbeidarane våre. Vi oppfordrar difor blant anna personar med innvandrarbakgrunn til å søkje.

Om arbeidsgiveren

Statistisk sentralbyrå − tal som fortel

Statistisk sentralbyrå (SSB) har hovudansvaret for offisiell statistikk i Noreg og har ei omfattande forskings- og analyseverksemd. Vi har rundt 850 medarbeidarar lokaliserte i Oslo og Kongsvinger, i tillegg til intervjuarar over heile landet.

SSB publiserer dagleg statistikk og analysar på ssb.no og har eit stort kontaktnett, òg internasjonalt.

Vi er ei kompetansebedrift med fagleg utfordrande arbeidsoppgåver, som satsar målretta for å modernisere SSB og byggje ein framtidsretta organisasjon

Sektor: Offentlig
Sted: Akersveien 26, 0177 Oslo
Bransje: Økonomi og regnskap,; Offentlig administrasjon
Stillingsfunksjon: Analyse,; Kvalitetssikring,; Økonomi og regnskap / Samfunnsøkonomi