Leiar digitalisering og IT
Voss kommune
- Frist 10.4.2019
- Ansettelsesform Fast
Er du klar for å digitalisere Voss herad?
Kommunen er i inne i ei spennande tid med mange viktige prosessar innanfor digitalisering. I Voss herad vert rådmannen sin stab organisert som tre stabsavdelingar; innbyggjarservice, strategi og styring og HR og innovasjon. Digitalisering og IT blir ein del av HR og innovasjon som mellom anna vil ha ansvar for oppgåver knytt til HR, organisasjonsutvikling og digitalisering. Staben blir ei kompetanseavdeling og ein støttefunksjon for innovasjons- og endringsarbeidet som vil vera påkravd for å imøtekomme aukande krav og forventningar til offentleg sektor og skal bidra til å oppfylla krav og ambisjonar om å fornya, forenkla og forbetra heradet, samtidig som innbyggjarar og næringsliv har forventningar om ein enklare kvardag. Avdelinga vil kartlegga trendar og ny teknologi og støtta opp om og leggja til rette for endringsarbeidet i stabs- og kommunalavdelingane. Leiar for digitalisering og IT vert sentral i dette arbeidet.
Arbeidsgjevarpolitikken vår utviklar organisasjonen og byggjer eit godt lag gjennom leiarar som kan, vil og tør. Voss herad skal vera ein innovativ og endringsdyktig organisasjon tufta på høgt meistringsklima og ein kultur for kontinuerleg forbetring. Me skal vera skapande og inkluderande med myndiggjorte leiarar og medarbeidarar.
Arbeidsoppgåver
- Leiing og driftsansvar for IT-avdelinga
- Planlegging av IT-infrastruktur og driftsform
- Ansvarleg for avtalar og ein pådrivar ovanfor leverandørar
- Syta for at brukarane opplever høg servicegrad og at tenestene til avdelinga tilfører verdi
- Ansvar for digitalisering i kommunen i tett samarbeid med kommunalavdelingane
- Rådgjevar for kommunen i digitalisering
- Gevinstrealisering for digitaliseringsprosjekta til kommunen
- Utarbeida og følgja opp digitaliseringsstrategien i nært samarbeid med tenesteeigarane
Me ynskjer at du har
- Relevant høgare utdanning frå høgskule eller universitet
- IKT-kompetanse
- Leiarerfaring
Personlege eigenskapar
- Tenkjer strategisk og er målretta
- Evne til å skapa og utvikla nye idear
- Tillitsvekkande og samlande
- God på kommunikasjon, relasjonsbygging og samarbeid
- Løysingsorientert
- Gjennomføringskondis
- Har systematisk tilnærming til utviklingsarbeid
Personlege eigenskapar vil verta vektlagt.
Me tilbyr
- Ein trygg og god arbeidsstad med spennande oppgåver
- Mektig natur, ski- og fritidsterreng med aktivitetar frå fjord til fjell
- Ei levande kulturbygd med gode oppvekst- og utdanningsvilkår
- Høve til å påverka eigen arbeidskvardag
- Ein inkluderande arbeidsplass der me legg til rette for fagleg og personleg utvikling
- Gode forsikrings- og pensjonsordningar
- Løn etter kommunalt avtaleverk
Søknad
Voss kommune ynskjer eit større aldersmangfald mellom dei tilsette, og oppmodar difor yngre arbeidstakarar om å søkje. Kommunen har eit personalpolitisk mål om at arbeidsstaben skal gje eit bilete av folkesetnaden generelt, både når det gjeld kjønn og kulturelt mangfald.
Søk på stillinga ved å klikke på knappen til høgre. Hugs å gje opp referansar. Attestar og vitnemål skal leggjast ved elektronisk eller sendast Voss kommune, boks 145, 5701 VOSS, merka med stillingsreferanse. Søknadspapira vert ikkje returnerte. Ifølgje Offentleglova § 25 skal det svært gode grunnar til for å skjerme søkjarar frå offentleg søkjarliste.
Om arbeidsgiveren
Voss kommune og Granvin herad slår seg saman til Voss herad frå 2020. Det nye heradet får om lag 15.500 innbyggjarar, med Vossevangen som regionssenter. Bygda vår er senter for utdanning i regionen og har eit godt utbygd næringsliv. Voss er eit knutepunkt langs stamvegen aust - vest, og har godt togsamband til Bergen og Oslo.
Voss herad får om lag 1350 tilsette. Administrasjonsmålet i kommunen er nynorsk. Kan du identifisera deg med verdiar som profesjonell, påliteleg, skapande og inkluderande, kan du bli ein del av laget vårt. På vanleg vossa-vis går me for å bli verdas beste herad.
- Nettverk: Facebook, LinkedIn, X
- Sektor: Offentlig
- Sted: UTTRÅGATA 9, 5700 Voss
- Bransje: IT, Offentlig administrasjon
- Stillingsfunksjon: Drift/Operations, Ledelse, Utvikler (generell)
Nøkkelord
ledelse, driftsansvar, infrastruktur, digitalisering, strategi
(1/3)
- FINN-kode 142947946
- Sist endret