Avdelingsingeniør

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Ved Det medisinske fakultet, Klinisk institutt 2, er det ledig ei mellombels stilling som avdelingsingeniør i ti (10) månader. Stillinga er finansiert av Norges forskningsråd og knytt til prosjektet Next generation leukemia diagnostics and therapy through p53 isoform analysis .

• stillinga inneber kvalifiserte spesialoppgåver/utviklingsoppgåver knytt til studiar av p53 isoformer i diagnostikk og terapi-utvikling
• prosjektet er omhandlar forsking på leukemi og kreft, og inkluderer bistand til rekruttering og opplæring av masterstudentar og ph.d.-kandidatar. Stillinga vil inngå i eit team og laboratorium på Klinisk institutt 2
• forskingsprosjektet er eit samarbeid med Centre for Cancer Biomarkers CCBIO, og involverer studiar på pasientmateriale og dyremodellar for  blodkreft. Informasjon om Centre for Cancer Biomarkers CCBIO: https://www.uib.no/en/ccbio

• søkjar må ha mastergrad innanfor relevant fagområde som medisinsk cellebiologi, molekylærbiologi, eksperimentell immunologi/hematologi og proteomikk.
• søkjar må har erfaring med arbeid knytt til tumor suppressor p53, og mestre forskingsmetodar for å studere regulering av p53. Dette omfattar avansert immunoblot/Western av proteiner, handtering av genmodifiserte cellelinjer og behandlingsforsøk av cellelinjer
• omfattande relevant praksis er eit krav, og erfaring innan prøvehandtering og biobanking av pasientmateriale vil bli vektlagt
• det er krav om gode språkkunnskapar og evne til å kommunisere munnleg og skriftleg på norsk og engelsk
• evne og interesse for å organisere laboratoriedrift og å arbeide i eit team vil bli vektlagt

Ved vurdering av søkjaren vil vi leggje vekt på dei personlege eigenskapane som er naudsynte for stillinga.

• eit godt og fagleg utfordrande arbeidsmiljø
• stilling som avdelingsingeniør (kode 1085) i lønssteg 51-53 (for tida kr 449 400 - 464 800). For særs kvalifisert søkjar kan høgare løn vurderast.
• medlemsskap i Statens pensjonskasse
• gode velferdsordningar

Søknaden skal innehalde:

• søknadsbrev der du seier noko om din motivasjon for stillinga, kvifor du søkjer og kvifor du passar til stillinga
• attesterte kopiar av vitnemål og relevante attestar
• to referansar (namn og kontaktinformasjon)

Utfyllande opplysningar om stillinga kan ein få ved å vende seg til: Professor Bjørn Tore Gjertsen, e-post: Bjorn.Gjertsen@uib.no eller mobil: 415 66 248.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.