Utløpt

Leveransekoordinator - det store biletet

Arbeidsgiver: Helse Vest IKT
Stillingstittel: Leveransekoordinator - det store biletet
Frist: 10.03.2019
Ansettelsesform: Fast

Vi trenger eit nytt lyst hovud. Vi trenger eit menneske som kan snakke med controlleren om innkjøpsavtalar, teknikaren om TCP/IP-utfordringane i byggeprosjektet, og forvaltaren om siste patch - på same utpust.
Vi trenger nokon som ser det store biletet, og sikrar alle leveransar frå tenesteproduksjon og ut i prosjekta: ein leveransekoordinator.

Sidan 2004 har Helse Vest IKT totallevert IT-utstyr og -løysingar til heile Helse Vest, og vi aukar jamleg trykket på innovasjon og nyvinningar til forenkling av pasientkvardagen. Vi ser at sjølv om prosjekta våre berre vert fleire og større har prosjektkoordinatorane våre stålkontroll på sine eigne prosessar. No trengst det nokon som kan hauste ut vinsten og kunnskapen frå eitt prosjekt, og implementere det i neste, før dobbeltarbeidet er eit faktum.

Det betyr at du må vere multidisiplinær som få, helst med ein IKT-bakgrunn, og helst med erfaring frå prosjektarbeid, men aller viktigast - du må ha ein koordinasjonsprosessor i kvanteligaen!

Arbeidsoppgåvene til strekke seg frå mindre prosjekt, som oppgradering av små software-system, og like til utfasing av heile serverløysingar, og implementering av nye. (Du vil aldri kjede deg, det garanterar vi.)

Vi har sett utdanningsnivået til diplom-/bachelorgrad for denne stillinga, men vi har ein mistanke om at dette kanskje ikkje er det viktigaste. Høyrest det ut som om du har kvalitetane og erfaringa som trengst, så søk!

Kvalifikasjonar

Bakgrunn frå IKT-fag
Erfaring med prosjektarbeid
Erfaring med koordinering på tvers av fagdisiplinar (frå USB-C til trykkluftbor)

Utdanning

Høgskule/universitet, diplom-/ bachelorgrad

Språk

Norsk

Eigenskapar

Evne til å snakke lidenskapeleg om teknologi til folk vert vassne i auga
Evne til å skifte fagspråk like kjapt som Kristian Valen skiftar dialekt
Evne til å strukturere din eigen arbeidskvardag, tidsrammer og prioriteringar er avgjerande
Ryggrad til å melde frå om status og tiltak, om det er gode er dårlege nyheiter
Evne til å katalogisere og hente fram kunnskap frå andre prosjekt, for å heve dagens til neste nivå
Ein imøtekommande personlegdom
Namnet Sid Meier gjer deg glad
Du får bensin på bålet av gode resultat og måloppnåing

Vi tilbyr

Eit postivt og løysingsorientert arbeidsmiljø
Frontlinja av IT-utvikling for helsevesenet (les: Innovasjon med stor I)
Valfri arbeidsstad mellom perlene på Vestlandet
Stort fagmiljø, kort tenesteveg, smidig organisasjon
Løn etter avtale, offentlege tenestegoder

Om arbeidsgiveren

Helse Vest IKT AS vart etablert i november 2004, og er eigd 100 prosent av det regionale helseføretaket - Helse Vest RHF. Selskapet leverer IKT-tenester til helseføretaka i Helse Vest RHF, samt til private, ideelle institusjonar. Helse Vest IKT har i dag dryge 550 tilsette fordelt på kontor i Stavanger, Haugesund, Bergen og Førde. Vi deltek aktivt i nasjonalt arbeid innanfor IKT i helsesektoren, og skal så langt som råd avspegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetnad, og å rekruttere kvalifiserte personar med innvandrarbakgrunn.

Sektor

Offentlig

Antall stillinger

Sted

Ibsens gate 104, 5053 Bergen

Flere arbeidssteder