Engasjert samfunnvitar

Stiftelsestilsynet sitt samfunnsoppdrag er å skape tryggleik og tillit til stiftelsesforma. Dette gjer vi gjennom å godkjenne endringar i vedtekter,føre tilsyn med stiftelsar og informere brukarane våre og samfunnet elles.Avdelinga har 15 tilsette.

Stiftelsestilsynet jobbar med eit rettsområde i utvikling og søkjer no etter ein engasjert samfunnsvitar som har lyst til å vere med på å drive fram eit moderne tilsynsområde. Vi ønskjer å verei front i utviklinga av risikobaserte og innovative tilsyn som gir meirverdifor brukarane. Sakshandsaming og tilsyn med stiftelsar er kjerneoppgåverved avdelinga, men i tilsynsverksemd er det stadig viktigare med aktivutvikling og formidling av kunnskap til stiftelsar og samfunnet elles. Vi ønskjerno å tilsette ein samfunnsvitar med erfaring frå og interesse for analyse- ogstatistikkarbeid, utgreiing, kunnskapsformidling og kommunikasjon.

Stillinga blir lyst ut som rådgjevar/seniorrådgjevar.

Arbeidsoppgåver

• statistikkarbeid, analyse og utgreiing på stiftelsesområdet
• tilsyn etter stiftelseslova
• rettleiing og sakshandsaming
  

Ved behov må du også rekne med å jobbe med andre oppgåver i tilsynet.

Kvalifikasjonar

• mastergrad i samfunnsvitenskaplege fag
• god munnleg og skriftleg formuleringsevne, gjerne med erfaring frå rettleiing og formidling
• erfaring frå statistikk- og analysearbeid og kunnskapsformidling
• fordel med erfaring frå prosjektarbeid
• fordel med erfaring frå kommunikasjonsarbeid 

Personlege eigenskapar

• strukturert og analytisk
• evne til å tenke heilskapleg 
• evne til å arbeide både sjølvstendig og i team
• gode kommunikasjonsevner
• fleksibel og serviceinnstilt

Vi tilbyr

• tverrfagleg arbeidsmiljø med breitt samansett kompetanse og erfaringsbakgrunn
• positive og engasjerte medarbeidarar med stor interesse for sine fagområde
• varierte og utfordrande arbeidsoppgåver der du kan påverke din eigen arbeidskvardag
• gode velferdsordningar og ein generelt fleksibel personalpolitikk, også når det gjeld vidareutdanning, kurs og opplæring
• medlemskap i Statens Pensjonskasse, som gjev gunstige pensjons- og lånevilkår
• fleksibel arbeidstid og betalt overtid
• moderne kontorbygg i Førde sentrum, m.a. med eige treningsrom og kantine
• IA-bedrift
• lønsplassering skjer på grunnlag av kvalifikasjonar og ansiennitet.

Rådgjevar blir løna i stillingskode 1434, og seniorrådgjevar i stillingskode 1364. Frå løna blir det trekt 2 prosent til innskot i Statens pensjonskasse. Stillinga har seks månaders prøvetid. Lotteri- og stiftelsestilsynet er opptatt av mangfald, og vi oppmodar difor alle kvalifiserte kandidatar til å søkje uavhengig av alder, kjønn, funksjonsevne, nasjonalitet eller etnisk bakgrunn. Om du ønskjer å reservere deg frå oppføring på offentleg søkjarliste, må du opplyse om dette og grunngje det i søknaden. Opplysingar kan bli offentleggjorde sjølv om du har bedt om ikkje å bli oppført på søkjarlista. Du vil bli varsla dersom di oppmoding om reservasjon ikkje vert teken til følgje.