Står du på ekstra for kundane?

SERVICEINENIØRAR
EVOTEC AS – ULSTEINVIK

Er du ein ung, eventyrlysten og teknisk kunnskapsrik person?

Vi søkjer no etter Serviceingeniørar for snarleg tilsetjing.
Vedkommande vi søkjer er ein motivert og strukturert medarbeidar som er proaktiv, tek ansvar og er villig til å ha sentral rolle i gjennomføring av små og store jobbar ifbm. oppstartar og serviceoppdrag ute hjå kunde.

Kandidaten vi søkjer bør ha ei grunnleggande god utdanning, og finn motivasjon i å være i første linje for å løyse kunden sine utfordringar, drive generell service og vedlikehald, eller ta del i oppstart av leveransar frå Evotec AS.

Du må vere eventyrlysten og klar til å kunne reise ut på kort varsel når behovet er der.
Vi leverer prosjekt og har kundar rundt heile verda, og skal vi vinne framtida må vi sørge for at desse vert tatt godt vare på gjennom tenestene vi tilbyr.

Vi søkjer serviceingeniørar innanfor ulike disiplinar, både mekanikk/hydraulikk og automasjon/elektro/kontrollsystem

Men; kan du vise til god kunnskap på tvers av disiplinane, eksempelvis automasjon/elektro med god forståing og interesse for mekanikk og hydraulikk, så vil dette telje positivt i søknadsvurderinga.
Det same gjeld å kunne vise til noko erfaring i liknande industri og stilling.

Du må fungere både som lagspelar i team, og ute på serviceoppdrag åleine, og elles har personlege eigenskapar som gjer deg til ein god ambassadør for oss i kontakt med kundar.
Du må ha kommersiell teft som både tek omsyn til kostoptimale løysingar for kundane, og det å skulle tene pengar på tenestene og produkta vi tilbyr.

Stillinga er primært ei stilling som inneheld og krevjer mykje reising, men i perioder utan slike oppdrag vil det krevjast at ein deltek i anna arbeid i bedrifta, eksempelvis montering og testing i eigen produksjon.

Stillinga vil rapportere til Customer Support Manager.

Søknad med CV via Finn.no søknadsportal innan 28.02.2019