Seniorrådgjevar/ rådgjevar - jurist

Helse, sosial og barnevern har ledig to fast stillingar for snarleg tilsetjing.

Avdelinga har ulike rådgjevings- og forvaltningsoppgåver, og fører tilsyn med barnevern, helse-, omsorg- og sosialtenestene i Hordaland og Sogn og Fjordane. Fylkeslegen leier avdelinga som har tilsette med barnevern-, sosial-, helse-, juridisk-, pedagogisk-, samfunnsfagleg og administrativ kompetanse.

Avdelinga har brei kontakt med kommunar, spesialisthelsetenester og nasjonale styresmakter. Vi behandlar enkeltsaker og fører tilsyn med kommunar, helseføretak og institusjonar, gir råd og rettleiing og medverkar til gjennomføring av nasjonale mål. 

Avdelinga har tre seksjonar og kontorstader på Leikanger og i Bergen. Stillinga er knytt til seksjon sosial og barnevern. Kontorstaden er Leikanger.  Oppgåvene er i hovudsak behandling av saker innan fagområdet barnevern, rettleiing og informasjon til brukarar, tilsette og leiarar i tenestene. Andre oppgåver kan bli tildelt etter avtale med seksjonssjef.  Arbeidet er variert og i stor grad tverrfagleg.

• juridisk embetseksamen/master i rettsvitskap
• erfaring frå og interesse  for offentleg sektor og forvaltning
• kunnskap om aktuelle lovverk

Personen vi søkjer, må ha interesse for barne- og familierett og kunne formidle kompliserte problemstillingar på ein god måte.

God munnleg og skriftleg formidlingsevne på nynorsk og bokmål er ein grunnleggjande føresetnad. Vi ber om å få lagt fram arbeid som viser dette i praksis. Aktuelle søkjarar til stillinga blir bedt om å gjennomføre ein skriveprøve.

Dei som får stillingane, må kunne arbeide systematisk og sjølvstendig innan dei fristane som er sett og vere innstilte på å samarbeide nært med kollegaer. Dette gjeld tildelte saker og i avdelinga sitt samla arbeid. Gode samarbeidsevne, evne til systematisk arbeid, fleksibilitet og omstilling blir vektlagt.

• interessante arbeidsoppgåver
• ein arbeidsplass i utvikling
• eit kompetent og godt tverrfagleg arbeidsmiljø
• fleksibel arbeidstid

• medlemskap i offentleg tenestepensjonsordning

Stillinga er lønna i stillingskode 1434 rådgjevar/1364 seniorrådgjevar, frå kr 460 000,- til 600 000,- brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn.   

Fylkesmannen ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonal eller etnisk bakgrunn. Embetet er IA-verksemd, og vil leggje til rette for arbeidstakarar med nedsett funksjonsevne.

Dei første seks månadane er prøvetid.

Tenestemålet er nynorsk.

Vitnemål og attestar må leggjast ved søknaden.

Søkarlista er i utgangspunktet offentleg. Du kan be om unntak dersom vilkåra i lova er til stades.

Nærare informasjon om stillinga får du hjå fylkeslege Helga Arianson, fmhohar@fylkesmannen.no, tlf. 970 33 108, og seksjonssjef Øystein Breirem Jacobsen, fmhoobj@fylkesmannen.no, tlf. 55 57 22 13.