Ønskjer du å gjere ein forskjell for barn og unge?

Tenkjer du at det kan vere fint å ha ein gjevande jobb der du får moglegheit til å gjere ein forskjell for barn og unge, og har interesse av å samarbeide tverrfagleg for å oppnå det beste resultatet?

Sidan to av våre tilsette no går av med pensjon, er det kanskje deg vi søkjer til ei 100 % fast stilling som psykolog/spesialpedagog og ei 100% fast stilling som spesialpedagog i PP-tenesta for snarleg tiltreding.

PPT- kontora i Fjaler og Askvoll er ein del av PPT-regionen Ytre Sogn og -Sunnfjord, og har 11,5 fagstillingar med felles fagleg leiar. Kontorplassering og arbeidsgjevaransvar for stillinga som psykolog/spesialpedagog er i Fjaler, og for stillinga som spesialpedagog i Askvoll, men alternativ kan diskuterast. Ein må rekne med å ha arbeidsoppgåver for alle kommunane som PPT-kontoret dekkar.

PP-tenesta i regionen har tett fagleg samarbeid, faste møtedagar på skulane og i barnehagane, og arbeider både på individ- og på systemnivå.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.

Arbeidsoppgåver

• Utgreiing og sakkunnig vurdering av barn og unge med særskilte opplæringsbehov
• Konsultasjon, rettleiing og rådgjeving
• Opplæringsmålet i regionen er nynorsk

Kvalifikasjonar

• Psykolog/psykologspesialist eller spesialpedagog med mastergrad
• Testkompetanse og erfaring frå arbeid i PPT er ønskeleg
• Den som vert tilsett må ha førarkort klasse B og disponere eigen bil
• Godkjend politi- og tuberkulinattest må leggast fram før tiltreding

Personlege eigenskapar

• Vi ønsker oss medarbeidarar med motivasjon og interesse for å gå inn i tverrfagleg samarbeid
• Det vil bli sett høge krav til fleksibilitet, god arbeidskapasitet og gode samarbeidsevner

Vi tilbyr

• Introduksjonsprogram for nytilsette
• Løn etter utdanning og erfaring
• Gode pensjons- og forsikringsordningar