Fagarbeidarar - Kraftverksgruppe Sogn

Region Midt-Noreg har ansvar for drift og vedlikehald av Statkraft sine vindkraft- og vasskraftsanlegg i Sogn og Fjordane, Møre og Romsdal og Trøndelag. Anlegga blir drifta av fem kraftverksgrupper i samarbeid med regionkontoret i Gaupne.

Kraftverksgruppe Sogn har ansvar for drift av Statkraft sine kraftverk i Sogn og Fjordane og har 31 tilsette. Kraftverksgruppa har tre vedlikehaldsgrupper; Høyanger, Vikfalli og Jostedal.

Me søkjer etter to engasjerte fagarbeidarar til kraftverkgruppe Sogn. Den eine stillinga er fast, den andre er mellombels, men kan bli omgjort til ei fast stilling.

Som fagarbeidar skal du arbeide i team med erfarne og dyktige kollegaer og med hovudfokus på drift og vedlikehald av kraftverk og tilhøyrande installasjonar.

Oppmøteplass for stillingane er vedlikehaldsgruppe Høyanger

Oppgåver og rolle:

• Førebyggjande vedlikehald, reparasjonar og nymontasje
• Tilsyn, tilstandsvurderingar og feilsøking på produksjonsanlegg
• Du vil utvikle din kompetansen gjennom aktiv deltaking i prosjekt eller større vedlikehaldsarbeid i eiga kraftverksgruppe eller andre kraftverksgrupper
• Vedlikehaldsarbeid skal dokumenterast som fastsett i interne rutinar

Profil:

• Teknisk fagskule eller fagbrev som energimontør, elektromontør gr. L, automatikar, industrimekanikar, tømrar eller betongfag
• Gjerne erfaring frå drift og vedlikehald av kraftverk
• Søkjarar med annan relevant bakgrunn vil òg bli vurderte
• God evne til å jobbe sjølvstendig i arbeidet
• Du må ha gode haldningar til helse, miljø- og tryggleik, være fleksibel og læreviljug, og vise evne og vilje til samarbeid på tvers av einingar

Statkraft forvaltar kritisk infrastruktur både i Noreg og andre land. Aktuelle søkjarar må difor kunne klarerast med tanke på tryggleik og autorisasjon.

Statkraft tilbyr:

• Fagleg og personleg utvikling i eit konsern som er i sterk vekst
• Eit godt arbeidsmiljø prega av høg kompetanse og nyskaping
• Mangfald med omsyn til kjønn, alder og kulturell bakgrunn
• Konkurransedyktige vilkår og gode velferdsordningar