Jurist til regelverksformidling i regelverkseininga
- Arbeidsgiver
- UDI - Analyse- og utviklingsavdelingen
- Stillingstittel
- Jurist til regelverksformidling i regelverkseininga
- Frist
- 03.02.2019
- Ansettelsesform
- Fast
Er du jurist og ønskjer å jobbe med regelverk og formidling i eit spennande miljø? Regelverkseininga i Analyse- og utviklingsavdelinga har ei ledig stilling i RVP-teamet knytt til arbeidet med regelverksportalene. Vi har for tida eit spennande utviklingsprosjekt for å leggje portalane inn i ei ny løysing. RVP-teamet er i prosjektet med på å utvikle arbeidsverktøyet sitt og tilby brukarane nye og gode løysingar.
Regelverkseininga ligg i Analyse- og utviklingsavdelinga i Utlendingsdirektoratet. Avdelinga har ei rekkje oppgåver i direktoratet. I tillegg til arbeid med regelverksformidling og koordinering av regelverksutvikling har avdelinga ansvar for budsjett, økonomi, innkjøp og verksemdsstyring, internasjonalt samarbeid, statistikk og analyse, og dessutan utviklings- og forbetringsarbeid. Avdelinga har omkring 65 medarbeidarar som er fordelte på seks einingar. Avdelinga samarbeider med andre fagmiljø i direktoratet og har mykje kontakt med eksterne samarbeidspartar og departement.
Regelverkseininga har ansvar for å samordne det strategiske arbeidet med regelverk i UDI. Dette omfattar til dømes å bidra til at UDI spelar ei aktiv rolle som leverandør av innspel til utviklinga av lover, forskrifter og instruksar, å vurdere konsekvensane av forslag til endringar i praksis eller regelverk, å samordne vurderingar frå UDI, å gi høyringsinnspel og å evaluere konsekvensane av endringar i regelverk. I tillegg skal vi bidra til å kvalitetssikre det juridiske arbeidet i UDI, slik at regelverket blir praktisert likt og i samsvar med dei overordna føringane.
Regelverkseininga har vidare eit særleg ansvar for å formidle informasjon om regelverk og praksis på utlendings-, statsborgar-, og mottaksfeltet gjennom to regelverksportaler, RVP og UDIregelverk.no. Dette arbeidet ligg til RVP-teamet i Regelverkseininga. RVP-teamet skal ha tre medarbeidarar. Hovudoppgåvene til teamet er
- å formidle korrekt og brukarvennleg informasjon om regelverk og praksis på utlendings-, statsborgar-, og mottaksfeltet gjennom to regelverksportaler, RVP og UDIregelverk.no
- å vere ein pådrivar i arbeidet med å oppdatere retningslinjene til UDI når rettskjeldebiletet på utlendingsfeltet blir endra
- å sikre at retningslinjene til UDI er brukarvennlege, tilgjengelege og i tråd med språkprofilen vår
Arbeidsoppgåver
- følgje med på og ha ei heilskapleg tilnærming til rettstilstanden på utlendings-, statsborgar- og mottaksfeltet
- setje i gang og publisere oppdatering av rettsinformasjon, rettskjelder, aktuelle dommar og anna
- kvalitetssikre forankring av praksisen til UDI ved endringar
- bidra til at UDI er ei open verksemd, ved å sørgje for at vår praksis er offentleg tilgjengeleg
- bidra i utviklingsprosjektet for nye regelverksportalar
- kunngjere endringar i vedlegg til utlendingsforskrifta
Kvalifikasjonar
- juridisk embetseksamen eller master i rettsvitskap
- svært god munnleg og skriftleg framstillingsevne
- god teknisk forståing
- erfaring med publiseringsverktøy (ønskjeleg)
- kunnskap om UDI og utlendingsforvaltinga (ønskjeleg)
Personlege eigenskapar
- Du må vere effektiv, strukturert og nøyaktig.
- Du tek initiativ til forbetringar og har evne til å gjennomføre dei.
- Du er fleksibel og kan handtere varierande arbeidspress og skiftande prioriteringar.
- Du er omgjengeleg og samarbeider godt med andre.
Vi tilbyr
- lønn som rådgivar (kode 1434) i lønnsspenn frå kr 464 800-524 200 (brutto per år), avhengig av kvalifikasjonar. For spesielt kvalifiserte kandidatar kan høgare lønn bli vurdert. To prosent trekk til Statens pensjonskasse sikrar deg gode ordningar for pensjon, lån og forsikring.
- fleksibel arbeidstid og sommartid
Utlendingsdirektoratet legg vekt på mangfald, og vi vil oppfordre alle som er kvalifiserte til å søkje hos oss, uansett alder, kjønn, funksjonsevne, nasjonal eller etnisk bakgrunn. Vi tilpassar arbeidsplassen om du har behov for det.
I samsvar med offentleglova kan namnet ditt som søkjar offentleggjerast sjølv om du har bede om å ikkje bli oppført på søkjarlista. Du vil i så fall bli varsla.
Om arbeidsgiveren
Utlendingsdirektoratet (UDI) gjennomfører regjeringa sin innvandrings- og flyktningpolitikk og gir faglege innspel til utvikling av politikken. Vi skal legge til rette for lovleg innvandring og hindre misbruk av regelverket. Vi tilbyr også innkvartering til asylsøkjarar, og bidreg til retur av personar utan lovleg opphald. Menneskeverd, profesjonalitet og heilskap er grunnleggjande verdiar i direktoratet. UDI ligg under Justis- og beredskapsdepartementet. Sjå også www.udi.no
- Sektor
- Offentlig
- Sted
- Hausmannsgate 21, 0032 Oslo
- Bransje
- Juridiske tjenester
- Stillingsfunksjon
- Jurist
Spørsmål om stillingen
- Kontaktperson
- Ina Knarvik Hørnes
- Stillingstittel
- Einingsleiar
- Telefon
- 40 70 65 82
Hausmannsgate 21, 0032 Oslo