Prosjektleiar/leiar NAV Alver

NAV leverer arbeids- og velferdstenester til Norges befolkning og har 19 000 medarbeidarar fordelt over heile landet. NAV skal gje menneske moglegheiter, og vårt hovudmål er å få fleire i arbeid. Vi ser etter deg med pågangsmot og engasjement som ynskjer meiningsfulle og varierte arbeidsoppgåver.

Alver kommune søkjer i samarbeid med Arbeids- og velferdsetaten prosjektleiar for etablering av NAV-kontoret. Prosjektleiar si oppgåve blir først å leie prosjekt som fører fram til felles organisering av  NAV-tenestene frå og med 01.01.2020.  Prosjektleiar blir så leiar for NAV Alver og statleg leiar for Region Nordhordland. Det er utarbeidd retningsliner for prosjektarbeid både i statleg og kommunal line som skal følgjast, og det er vektlagt stor grad av medbestemmelse og medverknad frå dei tilsette.

Det er semje mellom Arbeids- og velferdsetaten og kommunane at prosjektleiaren og seinare leiaren for NAV Alver skal ha kommunalt tilsettingstilhøve. Prosjektleiar vert formelt tilsett i Lindås kommune og overført til Alver kommune frå 01.01.2020.

Arbeidsoppgåver

• Administrativt og fagleg ansvar for eininga
• Sikre målet om effektiv drift og utvikling av velferdstenestene med særleg fokus på brukarane sine behov
• Resultatansvar knytt til målet om fleire i arbeid/aktivitet og færre på stønad
• Medverke til å realisere NAV reforma i samarbeid med kommunen
• Utvikle kontoret og medarbeidarane
• God økonomi- og budsjettstyring
• Aktiv kontakt med næringslivet, offentlege etatar og organisasjonar

Kompetanse

• Minimum3-årig utdanning frå høgskule eller universitet innan relevante område som samfunnsfag, økonomi eller juridiske fag. Særleg relevant erfaring kan kompensere for noko av utdanningskravet
• Leiarerfaring frå omstillingsprosessar
• Erfaring med prosjektleiing
• Erfaring frå strategisk planarbeid, budsjettarbeid og økonomistyring
• Erfaring frå samhandling med dei tilsette sine representantar
• Dokumentert resultatoppnåing, gjennomføringsevne- og vilje
• Det er ein fordel om du har kompetanse innan IKT, saksbehandling og offentleg forvaltning

Ønskt kompetanse

• Den rette kandidaten er nytenkjande og visjonær og må vere drivkraft i prosjekt frå ide til gjennomføring
• Kandidaten må vere visjonær, løysingsdyktig og ha god gjennomføringskraft
• Kandidaten må vere raus, fleksibel og open for endringar og nye initiativ som kan skape betre løysingar.
• Ha forståing for arbeids- og velferdspolitikken i eit samfunnsperspektiv
• Ha stort engasjement for å utvikle tenester til innbyggjarar og arbeidsliv
• Ha gode kommunikasjonsevner og fleksibilitet
• Vere tydeleg og strukturert
• Ha stor arbeidskapasitet og gjennomføringsevne
• Ha evne til å skape gode samarbeidsrelasjonar internt og eksternt, herunder handtere dei leiarmessige utfordringane som er knytt til den todelte leiarmodellen

Vi tilbyr

• Utfordrande og spennande arbeidsoppgåver innanfor eit viktig samfunnsområde
• Godt arbeidsmiljø og kompetente medarbeidarar
• Fleksibel arbeidstid
• Tilsetting i ei IA-verksemd
• God pensjonsordning
• Løn- og tilsettingsvilkår i samsvar med lov- og avtaleverk.

Vi er opptekne av mangfald, og oppfordrar alle kvalifiserte kandidatar til å søkje jobb hos oss uavhengig av alder, kjønn, funksjonshemming, nasjonal eller etnisk bakgrunn.

For meir informasjon, logg deg inn på Lindås kommune si heimeside www.lindås.kommune.no