Har du erfaring med sakshandsaming og interesse for høgare utdanning?
- Arbeidsgiver
- Norges Handelshøyskole (NHH)
- Stillingstittel
- Seniorkonsulent
- Frist
- 06.01.2019
- Ansettelsesform
- Fast
NHH har ledig ei fast stilling i 100 prosent som seniorkonsulent. Stillinga er plassert i Seksjon for eksamen, som er ein del av Studieadministrativ avdeling. Totalt er vi 11 tilsette ved seksjonen.
Som vår nye medarbeidar vil du delta aktivt i sakshandsaming av komplekse studentsaker. Du vil også delta i planlegging, gjennomføring og etterarbeid knytt til eksamen, og ha ansvar for oppdatering av våre nettsider.
Vi søkjer ein engasjert og dyktig medarbeidar med interesse for høgare utdanning, erfaring med sakshandsaming og som kan dokumentere gode kommunikasjons- og samarbeidsevner.
Hovudansvar og oppgåver
- Sakshandsaming
- Vitnemålsproduksjon
- Eksamensavvikling
- Vedlikehald av seksjonen sine nettsider
Andre oppgåver kan bli lagt til ved behov.
Kvalifikasjonskrav
- Relevant høgare utdanning på minimum bachelornivå. Relevant realkompetanse kan i særskilte unnatakstilfelle erstatte utdanningskravet
- Minst tre års relevant arbeidserfaring
- Solid sakshandsamings- og forvaltningskompetanse
- Svært gode kommunikasjonsevner, både skriftleg og munnleg på norsk og engelsk
- Gode IT-kunnskapar
Det er ein føremon at du har:
- Kjennskap til studieadministrativt arbeid
- Kjennskap til FS og P360
- Erfaring med CMS-system, og kjennskap til organisering og publisering av tekst på nett
Personlege eigenskapar:
- Evne til å tenke nytt og ha fokus på prosessforbetring og -utvikling
- Evne til å jobbe sjølvstendig så vel som i team
- Evne til å jobbe godt og systematisk under press og meistre høgt tempo med knappe fristar
- Serviceinnstilt og imøtekommande
NHH tilbyr:
- Varierte og utfordrande oppgåver
- Eit triveleg arbeidsmiljø med gode kollegaer
- Fleksibel arbeidstidsordning
- Gode forsikrings-, pensjons- og låneordningar i Statens pensjonskasse
- Inkluderande arbeidsliv
- Velferdsgode som subsidiert trening, bedriftshytte og gratis parkering
Stillinga har kode 1363- seniorkonsulent og er løna etter lønsregulativet til staten med kr 496 600 - 544 000 per år avhengig av kvalifikasjonar. For særleg kvalifiserte søkjarar kan høgare løn bli vurdert. Eit innskot på to prosent til Statens pensjonskasse blir trekt frå løna.
Generell informasjon
Den statlege arbeidsstyrken skal i størst mogleg grad spegle mangfaldet i befolkninga. Difor er det eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Vi oppmodar personar med innvandrarbakgrunn om å søkje.
Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.
Dersom du ønskjer meir informasjon om stillinga, kan du ta kontakt med kontorsjef Inger Dagestad, 55 95 92 09, inger.dagestad@nhh.no.
Søknadsfrist: 6. januar 2019.
Om arbeidsgiveren
Noregs handelshøgskole (NHH) er mellom dei leiande handelshøgskolane i Europa. NHH har eit internasjonalt akta forskingsmiljø og er førstevalet for studentar som skal ta økonomisk-administrativ utdanning i Noreg. NHH har 3400 studentar og 400 tilsette.
- Sektor
- Offentlig
- Sted
- Helleveien 30, 5045 Bergen
- Bransje
- Forskning, utdanning og vitenskap,
- Økonomi og regnskap
- Stillingsfunksjon
- Saksbehandler