Fagansvarleg IT-drift

Os og Fusa kommunar slår seg saman til Bjørnafjorden kommune frå 1. januar 2020. Den nye kommunen vil ha eit folketal på 24.000 og vere i sterk vekst. Bjørnafjorden vil ha om lag 1.900 tilsette fordelt på 80 arbeidsstader, spreidde utover eit stort geografisk område.

Vi har no ei nyoppretta stilling som fagansvarleg for IT-drift.

Arbeidsstad
Stillinga inngår i IT-avdelinga (10-12 personar), som er kommunen sin IT-driftsleverandør. Avdelinga arbeider med systemforvaltning, drift av serverar, klientmiljø, brukarstøtte, databasar og diverse infrastruktur. Avdelinga arbeider tett med heile organisasjonen for å levere gode IT-løysingar til tilsette og innbyggarar.

Arbeidsoppgåver
-Overordna fagleg ansvar for IT-drifta i kommunen. Vedlikehald og utvikling av IT-løysingar for innbyggarar og tilsette. 
-Teknisk prosjektleiaransvar i avdelinga.
-Dagleg drift.

Du vil ha det operasjonelle ansvaret og vere ei viktig brikke i digitaliseringsarbeidet i kommunen. Du skal samarbeide tett med fagmiljøet for verksemdsarkitetur i Bergen kommune og i det regionale kommunesamarbeidet på IT-sida. Du vil òg kunne bli beden om å bidra som prosjektleiar/-deltakar i relevante prosjekt.

Vi søkjer deg som forstår og ser samanhengane mellom forretnings-, applikasjons- og teknisk lag. Du evnar å sjå ting frå brukaren sin ståstad og er engasjert i både faget ditt og menneska rundt deg. Du bretter gjerne opp erma for å ta din
del av dei operative arbeidsoppgåvene, når det er nødvendig.

Vi er midt i ein prosess med mange moglegheiter og spennande utfordringar. Er du rett person, vil du kunne bidra sterkt til utvikling av både Bjørnafjorden kommune, regionen vår og Kommune-Noreg.

Stillinga vil rapportere til IT-leiar i kommunen.

Kvalifikasjonar
-Relevant IT-utdanning på universitets- eller høgskulenivå. Relevant erfaring kan kompensere for manglande utdanning.
-Minimum fem års erfaring frå tilsvarande arbeid.
-God i munnleg og skriftleg norsk. Nynorsk er administrasjonsmålform i Bjørnafjorden kommune.

Utanlandsk utdanning må vere NOKUT godkjent.

Vi ser òg gjerne at du har
-Spesialkompetanse innan eitt eller fleire IT-relaterte område, som til dømes Microsoft server-/klient-portefølje, Cisco-produkt, Google, IT-sikkerheit eller kontrakt/innkjøp.
-Erfaring som prosjektleiar.
-Kjennskap til offentleg sektor og forståing for korleis det heile heng saman.
-Kunnskap om rammeverk innan arkitektur og prosjektleiing som Togaf, Prince2, PMP og ITIL.
-Sertifikat klasse B og disponerer bil.

Personlege eigenskapar
-Du er løysingsorientert, effektiv og strukturert.
-Du likar å jobbe med både menneske og teknologi, og ser verdien av gode relasjonar og godt arbeidsmiljø.
-Du er tydeleg og seier frå når det er nødvendig.
-Du tar initiativ når du ser nye moglegheiter.

Vi legg vekt på personlege eigenskapar.

Vi tilbyr
-Utfordrande, varierte og interessante arbeidsoppgåver i eit godt arbeidsmiljø.
-Fagleg og personleg utvikling i ein spennande vekstkommune med innovasjons- og digitaliseringsfokus.
-Ei unik moglegheit til å vere med å bygge ein heilt ny kommune.
-Eit godt etablert fagmiljø der du får vere med å påverke og utvikle både deg og kommunen.
-Samarbeid med fagmiljøet for verksemds- og løysingsarkitektur i Bergen kommune. Du vil vere bindeledd mellom regionalt fagmiljø for digitalisering og Bjørnafjorden kommune. 
-Lønn etter avtale.
-Gode forsikrings- og pensjonsvilkår.