Rådgjevar/ seniorrådgjevar
- Arbeidsgiver
- Fylkesmannen i Sogn og Fjordane
- Stillingstittel
- Rådgjevar/ seniorrådgjevar
- Frist
- 14.10.2018
- Ansettelsesform
- Fast
Har du erfaring frå og engasjement for utdanningssektoren? Då høyrer vi gjerne frå deg!
Fylkesmannen har ledig to faste stillingar som rådgjevar/seniorrådgjevar i utdanningsavdelinga, med kontorstad Leikanger. Utdanningsavdelinga har ansvaret for rettleiing, tilsyn og forvaltningsoppgåver innan barnehage- og skulesektoren i fylket. Vi skal sjå til at nasjonale mål for barnehage- og utdanningspolitikk vert følgt opp.
Arbeidsoppgåvene i stillingane vil i hovudsak vere innan:
- Tilsyn etter tre lovverk (barnehagelova, opplæringslova og introduksjonslova)
- Oppgåver overfor vidaregåande- og vaksenopplæring
- Klagehandsaming etter barnehagelova og opplæringslova
- Informere og rettleie kommunar som skuleeigar og barnehagemyndigheit og andre om den nasjonale utdanningspolitikken, lov og regelverk.
- Anna arbeid på avdelinga sitt område.
Kvalifikasjonar:
- Høgare utdanning, du kan til dømes vere pedagog/jurist/samfunnsvitar
- Ønskjeleg med erfaring frå offentleg sektor
- Kunnskap om kommunesektor og offentleg forvaltning
Personlege eigenskapar, du er:
- Fagleg trygg og har heilskapsperspektiv
- Initiativrik og løysingsorientert
- Målretta og sjølvstendig
- God til å samarbeide
- God på skriftleg og munnleg formidling
Fylkesmannen i Sogn og Fjordane brukar som hovudregel nynorsk som skriftspråk.
Som tilsett hos Fylkesmannen får du:
- Arbeide i eit kunnskapsrikt og mangfaldig fagmiljø
- Fagleg og personleg utvikling i ein organisasjon med både regionalt og nasjonalt engasjement
- Omfattande kontakt med kommunar og andre samarbeidspartar
- Medlemskap i offentleg tenestepensjonsordning
- Fleksibel arbeidstid
Stillingane er løna som rådgjevar eller seniorrådgjevar i lønsspenn mellom kr 460 000 og kr 590 000 etter kvalifikasjonar. For særskilt kvalifiserte søkjarar kan vi vurdere høgare lønn. Det blir trekt innskot til Statens pensjonskasse, og det er seks mnd. prøvetid.
Fylkesmannen ønskjer mangfald, og vi oppmodar difor alle kandidatar som er kvalifiserte, til å søkje utan omsyn til alder, kjønn, funksjonshemming, nasjonal eller etnisk bakgrunn. Søkjarlista er offentleg.
Nærare opplysningar om stillinga får du hos utdanningsdirektør John Ole Vange, telefon 971 96 593 og e-post fmsfjov@fylkesmannen.no
Om arbeidsgiveren
Fylkesmannen er statens representant i fylket, og har ansvar for å følgje opp vedtak, mål og retningslinjer frå Stortinget og Regjeringa. Fylkesmannen skal dessutan fremje fylket sine interesser, og kan dermed ta initiativ både lokalt og overfor sentrale styresmakter. Fylkesmannen i Sogn og Fjordane og Fylkesmannen i Hordaland blir ein organisasjon frå 1. januar 2019.
- Sektor
- Offentlig
- Sted
- Njøsavegen 2, 6863 Leikanger
- Bransje
- IT,
- Offentlig administrasjon
- Stillingsfunksjon
- Samfunnsviter,
- Undervisning og pedagogikk / Andre pedagoger,
- Undervisning og pedagogikk / Rektor / Ass. Rektor