Er du vår nye rådgivar/seniorrådgivar innan samfunnsøkonomi?

Vi søker etter ein engasjert og samarbeidsorientert medarbeidar som kan bidra til å styrke arbeidet med samfunnsøkonomiske vurderingar i direktoratet. Hos oss vil du få spennande oppgåver som å utforme nytte-kostnadsanalysar og andre samfunnsøkonomiske analysar. Arbeidet er i hovudsak prosjektorganisert og knytt til direktoratet si rådgiving til Klima- og miljødepartementet. Stillinga er fast.

Miljøøkonomiseksjonen er ein av fem seksjonar i Naturavdelinga. Seksjonen har ansvar for samfunnsøkonomiske vurderingar knytta til direktoratet sine arbeidsoppgåver innan både forureining og naturforvalting. Vi arbeidar på tvers i organisasjonen, er rådgivarar for fagavdelingane og har oppgåver på dei fleste av direktoratet sine miljøområder, som klima, naturmangfald, miljøgiftar, luftkvalitet og avfall.

Organiseringa av naturforvaltningsarbeidet er for tida under vurdering, og organisatoriske endringar kan kome som følge av dette.

Seksjonen har tolv dyktige medarbeidarar og er organisert med medarbeidarar både på Brattøra i Trondheim og på Helsfyr i Oslo. Geografisk plassering av den utlyste stillinga er i Oslo.

Hovudansvarsområda for stillinga

• utforming av konsekvensvurderingar og annan samfunnsøkonomisk analyse på klimaområdet og direktoratets øvrige arbeidsområder
• bidra til å utvikle god samfunnsøkonomisk kompetanse i seksjonen
• gi råd til fagavdelingane om samfunnsøkonomiske vurderingar i større enkeltsaker
• bidra til opplæring i miljøøkonomi for fagavdelingane

Kvalifikasjonar

• du må ha utdanning på mastergradnivå innan samfunnsøkonomi, siviløkonomi eller tilsvarande. Samfunnsøkonomiske tema må være ein vesentleg del av utdanninga.
• du må være fagleg dyktig og kunne anvende faget på praktiske problemstillingar
• du må ha god munnleg og skriftleg formuleringsevne på norsk
• erfaring frå arbeid med samfunnsøkonomiske analysar er ein fordel
• det er en fordel med erfaring frå offentleg forvalting

 Eigenskapar

• du finn heilskapelege løsningar på fagleg sammensette problemstillingar
• du har god rolleforståing
• du samarbeider godt på tvers av dei ulike fagområda
• du kan arbeide sjølvstendig, målretta og du tek ansvar for eigne leveransar
• du må ha høg arbeidskapasitet
• du er ein dyktig formidlar med god skriftleg framstillingsevne

Personleg dugleik vil tilleggast vekt i vurderinga av riktig kandidat til stillinga.

Vi tilbyr

• fast stilling som rådgivar/seniorrådgivar
• utfordrande arbeidsoppgåver på eit viktig samfunnsområde
• gode høve til fagleg og personleg utvikling
• eit breitt tilbod av sosiale, kulturelle og sportslege aktivitetar, inkludert trening i arbeidstida
• fleksible arbeidstidsordningar og gode pensjons- og bustadlånordningar i Statens pensjonskasse
• løn som rådgivar frå kr. 464 800 (ltr. 53) til kr. 576 100 (ltr. 65), eller som seniorrådgivar frå kr. 524 200 (ltr. 60) til kr. 658 300 (ltr. 72) etter erfaring og kvalifikasjonar. Særskild kvalifiserte søkjarar kan lønnsplasserast høgare.

Kontaktperson for stillinga er seksjonsleiar Hans Aasen på telefon 988 29 416/ hans.aasen@miljodir.no eller seniorrådgivar Espen Langtvet på telefon 97629058/ espen.langtvet@miljodir.no.

Som IA-bedrift ønsker vi ei balansert alders- og kjønnssammensetjing og å rekruttere fleire personar med redusert funksjonsevne og personar med innvandrarbakgrunn.

Vi ber deg om å sende søknad med vitnemål og attestar elektronisk gjennom Jobbnorge.

Det vil bli utarbeidt offentleg søkjarliste ved søknadsfristen sitt utløp. Opplysingar om søkjaren kan bli offentleggjord sjølv om søkjaren har bedt om ikkje å bli ført opp på søkjarlista, jmf. offentleglova §25. Dersom oppmodinga ikkje vert etterkomme, skal søkjaren ha melding, og få høve til å trekke søknaden sin.

Her er lenke til vår personvernerklæring.

Referanse: 51-2018 NMI                                                             Søknadsfrist: 09.09.18