Fagsjef for farmasøytiske tenester
Sjukehusapoteka Vest HF
- Frist 2.9.2018
- Ansettelsesform Fast
Fagsjef for farmasøytiske tenester
Stilling som fagsjef for farmasøytiske tenester er lagt til Fagavdelinga i Føretaksadministrasjonen i Bergen og rapporterer til Fagdirektør. Stillinga har òg ei sentral rolle i arbeid med forsking og utvikling på tvers av fagområda i Sjukehusapoteka Vest.
Farmasøytane i Avdeling for farmasøytiske tenester samarbeider tett med sjukehusavdelingane om mellom anna rådgjeving, samstemming, legemiddelgjennomgangar, revisjonar og undervising. Fleire av våre tilsette deltek i forskings- og utviklingsprosjekt. Vi har mål om at vårt forskings- og utviklingsarbeid skal støtte opp om kvalitet av pasientbehandling i sjukehusa og bidra til å utvikle sjukehusapoteket sin rolle i spesialisthelsetenesta.
Arbeidsoppgåver
- Leie arbeid med farmasifagleg utvikling, kvalitet og kompetanseutvikling på området farmasøytiske tenester i føretaket
- Ha prosesseigarskap for arbeidsprosessar tilknytt ansvarsområdet
- Holde seg oppdatert på og følgje opp beste praksis på området
- Nasjonalt samarbeid om vidareutvikling av fagområdet
- Legge planar for, koordinere og vere pådrivar for føretaket sitt arbeid med forsking, utvikling og innovasjon på alle fagområder.
- Utarbeide årlege mål og handlingsplanar for ansvarsområda i samsvar med føretaket sin strategiplan, årleg styringsdokument og kunden sine behov
- Koordinere og støtte i arbeid med søknader om midlar til forsking og utvikling.
- Deltaking i prosjektarbeid
- Sakshandsaming for føretaksleiing og styre
Kvalifikasjonar
- Vi ønskjer deg som er farmasøyt, har leiarerfaring og minst 5-10 års relevant arbeidserfaring, gjerne frå større organisasjonar
- Erfaring frå forskings- eller utviklingsarbeid
- God IKT-kompetanse og systemforståing
- PhD er ein fordel men ikkje eit krav
Utdanning
- Farmasi og apotekteknikk
- Farmasøyt
- Høgskule/universitet, diplom-/ bachelorgrad
- Høgskule/universitet, hovudfag / mastergrad
Eigenskapar
- Vi ønskjer ein medarbeidar som er ansvarleg, handlekraftig, endringsvillig, kommuniserande, inspirerande og heilskapstenkjande
- Du er ein nytenkande og framoverlent lagspelar som ønskjer å delta i utforming av sjukehusapoteket sin rolle på legemiddelområdet i spesialisthelsetenesta
- Rette personlege eigenskaper vil bli lagt vekt på ved tilsetting
Vi tilbyr
- Stillingsbrøk: 100%
- Føretaksadministrasjonen held til i moderne lokale i Møllendalsbakken 9 og har eit godt og uformelt arbeidsmiljø
- Vestlandet sitt største farmasifaglege miljø
- Fleksibel ordning for arbeidstid og god pensjons- og forsikringsordning
- Løn etter avtale
Om arbeidsgiveren
Sjukehusapoteka Vest (SAV) er eit helseføretak i Helse Vest med om lag 300 tilsette som leverer legemiddel, apotekvarer og farmasifaglege tenester til spesialisthelsetenesta på Vestlandet. Føretaket har administrasjon i Bergen, og driv sjukehusapotek i Førde, Bergen, Haugesund og Stavanger. Sjukehusapoteka Vest satsar på nye teknologiske løysingar og på tenester som bidreg til auka pasienttryggleik, betra kvalitet og meir effektive tenester i sjukehusa. Ein viktig del av dette er gode publikumsutsal.
Sjukehusapoteka Vest HF skal så langt råd er avspegle mangfaldet i befolkninga.
Sjå nettsida vår for meir informasjon www.sjukehusapoteka-vest.no
- Sektor: Offentlig
- Sted: Møllendalsbakken 9, 5021 Bergen
- Bransje: Farmasi og legemiddel
- Stillingsfunksjon: Farmasøyt
- FINN-kode 126912780
- Sist endret