Utløpt

Nkom søkjer ingeniør til å arbeide med 5G

Arbeidsgiver: Nasjonal kommunikasjonsmyndighet (Nkom)
Stillingstittel: Nkom søkjer ingeniør til å arbeide med 5G
Frist: 02.09.2018
Ansettelsesform: Fast

Frekvensressursar er ein føresetnad for mobilkommunikasjon og all anna trådlaus kommunikasjon det moderne samfunnet er avhengig av for å fungere. Nkom har mellom anna ansvar for å arbeide med tilrettelegging for neste generasjons mobilnett (5G), og no leiter vi etter ein engasjert ingeniør som skal vere med i dette spennande arbeidet.

Spektrumsavdelinga planlegg bruken av, og tildelar, radiofrekvensar i Noreg. Frekvensar er ein avgrensa og verdifull naturressurs som forvaltast av myndigheitene slik at bruken skal gje mest mogleg samfunnsnytte. Vi deltek i internasjonale fora knytt til bruken av frekvensressursar, gjev faglege innspel og greier ut aktuelle problemstillingar knytt til bruk av frekvensar.

I 2016 vedtok Stortinget ein nasjonal plan for elektronisk kommunikasjon kor det er sett ei rekkje overordna mål for utviklinga innanfor elektronisk kommunikasjon. Som ein del av dette har Nkom mellom anna i oppdrag å arbeide med tilrettelegging for neste generasjons mobilnett (5G), og difor har vi behov for å styrke oss med ein ingeniør.

Du vil vere ein del av seksjon for spektrumsplanlegging som er ein av to seksjonar i spektrumsavdelinga. Seksjonen består per i dag av 12 kollegaer med teknisk, økonomisk og juridisk kompetanse.

Arbeidsoppgaver

planleggje og tildele frekvensressursar til ulike typar radiosystem, med særleg ansvar for offentlege mobilnett og 5G
delta i gjennomføring av frekvensauksjonar
gjennomføre dekningsberekningar av mobilnett
følgje opp tildelingar og ha tilsyn med vilkår i tildelte frekvensløyve
koordinere frekvensressursar på tvers av landegrenser
delta i nasjonale og internasjonale fora

Kvalifikasjoner

fortrinnsvis mastergrad innanfor eit relevant fagområde (radiokommunikasjon, teleteknikk, eller liknande)
god munnleg og skriftleg framstillingsevne på norsk og engelsk
god evne til raskt å setje deg inn i nye dataverktøy
Det er ønskjeleg med:
erfaring innanfor dei relevante fagområda
erfaring med planlegging av radionettverk
erfaring med prosjektleiing

Egenskaper

evne til å sjå heilskap og samanhengar
engasjert, initiativrik, open og omgjengeleg
analytisk, strukturert, kvalitetsbevisst og serviceorientert
evne til å arbeide nøyaktig og ryddig både sjølvstendig og saman med andre
god arbeidskapasitet og ein pådrivar
god til å dela innsikt og kompetanse

Vi tilbyr

Stillinga er lønna som senioringeniør frå kr 560 000 - 670 000, avhengig av kvalifikasjonar. For særleg kvalifiserte søkjarar kan høgare lønn vurderast.
Nyutdanna er også velkommen til å søkje, og vert då lønna som overingeniør frå kr 470 000 til kr 575 000.
Frå lønna trekkast to prosent innskott til Statens pensjonskasse.

Om arbeidsgiveren

Nkom skal leggje til rette for og sikre god konkurranse i marknadene for breiband, telefoni, kringkasting og post.

Vi definerer og påverkar rammevilkår og lovverk nasjonalt og internasjonalt, og vi representerer Noreg i det mangesidige arbeidet mellom anna med internett og frekvensforvaltning. Sikkerheit og beredskap i nett er ein vesentleg del av ansvaret vårt.

Nkom er lokalisert i Lillesand. Meir informasjon finn du på www.nkom.no.

Vi ønskjer kvinner og deg med innvandrarbakgrunn spesielt velkomen til å søkje.

Opplysningar om kven som har søkt denne stillinga, kan offentleggjerast sjølv om søkjarar har reservert seg mot å stå på offentleg søkjarliste. Søkjarar vil bli varsla i forkant dersom ønsket om reservasjon ikkje blir tatt til følgje.

Sektor: Offentlig
Sted: Nygård 1, 4790 Lillesand
Bransje: Telekommunikasjon
Stillingsfunksjon: Ingeniør