Utløpt

Nkom søkjer jurist til forvaltning av Noregs frekvensressursar

Arbeidsgiver: Nasjonal kommunikasjonsmyndighet (Nkom)
Stillingstittel: Nkom søkjer jurist til forvaltning av Noregs frekvensressursar
Frist: 02.09.2018
Ansettelsesform: Fast

Frekvensressursar er ein føresetnad for mobilkommunikasjon og all anna trådlaus kommunikasjon det moderne samfunnet er avhengig av for å fungere. I spektrumsavdelinga deltek juristane våre breitt, og særlig innanfor tildelingsprosessar og tilsynsarbeid. No søkjer vi ein ny jurist til spennande arbeid i grenselandet mellom jus, teknologi og økonomi.

Spektrumsavdelinga planlegg og tildelar radiofrekvensar i Noreg. Frekvensar er ein avgrensa og verdifull naturressurs som forvaltast av myndigheitene slik at bruken skal gje mest mogleg samfunnsnytte. Vi deltek i internasjonale fora knytt til bruken av frekvensressursar, gjev faglege innspel og greier ut aktuelle problemstillingar knytt til bruk av frekvensar.

Nkom er, saman med Samferdselsdepartementet, ansvarleg for spektrumsforvaltninga i Noreg. Aukande etterspurnad og merksemd rundt frekvenstildelingar har i det siste auka trykket på våre juridiske ressursar.

Du vil vere ein del av seksjon for spektrumsplanlegging som er ein av to seksjonar i spektrumsavdelinga. Seksjonen består per i dag av 12 kollegaer med teknisk, økonomisk og juridisk kompetanse.

Arbeidsoppgaver

juridisk kvalitetskontroll og rådgjeving
vurdere ekomlova sine ulike kriterier og vilkår knytt til tildelingar
utvikle og utarbeide ekomregelverket slik at det er i samsvar med samfunnets behov og med internasjonalt regelverk
gje råd ved tilsynssaker og sanksjonere etter tilsyn som avdekker ulovlige forhold
juridiske vurderingar opp mot teknologisk utvikling

Kvalifikasjoner

mastergrad i rettsvitskap eller juridisk embetseksamen (cand. jur)
relevante juridiske kunnskapar, erfaring og godt juridisk skjønn
god munnleg og skriftleg framstillingsevne på norsk og engelsk
Det er ønskjeleg med:
erfaring frå offentleg forvaltning
kunnskap innanfor konkurranserett og EØS-rett
erfaring med ressursforvaltning

Egenskaper

engasjert, initiativrik, open og omgjengeleg
analytisk, strukturert, kvalitetsbevisst og serviceorientert
evne til å arbeide nøyaktig og ryddig både sjølvstendig og saman med andre
god til å dela innsikt og kompetanse
interessert i teknologi

Vi tilbyr

Stillinga er lønna som seniorrådgivar frå kr. 560 000 til kr. 670 000, avhengig av kvalifikasjonar. For særleg kvalifiserte søkjarar kan høgare lønn vurderast.
Nyutdanna er også velkommen til å søkje og vert da lønna som rådgivar frå kr 470 000 til kr 575 000.
Frå lønna trekkast to prosent innskot til Statens pensjonskasse.

Om arbeidsgiveren

Nkom skal leggje til rette for og sikre god konkurranse i marknadene for breiband, telefoni, kringkasting og post.

Vi definerer og påverkar rammevilkår og lovverk nasjonalt og internasjonalt, og vi representerer Noreg i det mangesidige arbeidet mellom anna med internett og frekvensforvaltning. Sikkerheit og beredskap i nett er ein vesentleg del av ansvaret vårt.

Nkom er lokalisert i Lillesand. Meir informasjon finn du på www.nkom.no.

Vi ønskjer kvinner og deg med innvandrarbakgrunn spesielt velkomen til å søkje.

Opplysningar om kven som har søkt denne stillinga, kan offentleggjerast sjølv om søkjarar har reservert seg mot å stå på offentleg søkjarliste. Søkjarar vil bli varsla i forkant dersom ønsket om reservasjon ikkje blir tatt til følgje.

Sektor: Offentlig
Sted: Nygård 1, 4790 Lillesand
Bransje: Offentlig administrasjon
Stillingsfunksjon: Jurist