Engasjement som seniorrådgjevar i avdeling for omsorgstenester
- Arbeidsgiver
- Helse- og omsorgsdepartementet
- Stillingstittel
- Engasjement som seniorrådgjevar i avdeling for omsorgstenester
- Frist
- 20.08.2018
- Ansettelsesform
- Engasjement
Om stillinga
Stillinga er i omsorgstenesteavdelinga (OTA), som har eit hovudansvar for statleg politikk knytt til dei kommunale omsorgstenestene forankra i lov om kommunale helse- og omsorgstenester, mellom anna helsetenester i heimen, personleg assistanse, herunder praktisk hjelp og opplæring og støttekontakt, og plass i institusjon, herunder sjukeheimar.
Stillinga er knytt til utvikling av ein pårørandestrategi, attåt oppfølging av Nasjonal strategi for frivillig arbeid på helse- og omsorgsfeltet (2015-2020). Vidare ligg det til stillinga å hjelpe til i arbeidet med å greie ut vidareføring av Kompetanseløft 2020, som oppfølging av regjeringsplattforma.
Kvalifikasjonskrav
- relevant høgare utdanning på masternivå, helst helsefagleg utdanning
- kjennskap til og kunnskap om dei kommunale helse- og omsorgstenestene
- innsikt og forståing for samspelet mellom politikk, fag og administrasjon både nasjonalt, regionalt og lokalt
- god munnleg og skriftleg framstillingsevne
Personlege eigenskapar
Du er:
- fleksibel og raus
- pliktoppfyllande, sjølvstendig og med god gjennomføringsevne
- har godt humør og gode samarbeidsevner
- god på å skape oppslutning og engasjement for saker du arbeider med både internt og eksternt
- flink til å finne løysingar i komplekse saker med ulike interesser
- robust, og taklar høgt arbeidspress
Vidare må du ha interesse for samfunnsspørsmål og politiske prosessar. Vi legg vekt på om du høver som person.
Vi tilbyr
- Engasjement til 31.12.2020
- Stillingsbrøk: 100 %
- Spennande arbeidsområde med gode høve til utvikling
- Eit godt arbeidsmiljø med kompetente, engasjerte og trivelege kollegaer
- Løn kr 600 000-750 000. For særskilt kvalifiserte søkjarar kan høgare løn vurderast
- Trening i arbeidstida
- God pensjonsordning
- Fleksibel arbeidstid
HOD har som personalpolitisk mål å oppnå ein balansert alders- og kjønnssamansetnad, å rekruttere personar med innvandrarbakgrunn, å rekruttere personar med nedsett funksjonsevne, og å rekruttere uavhengig av livssyn og seksuell orientering. Vidare ønskjer vi oss fleire menn på arbeidsplassen vår, og oppmodar difor menn til å søkje.
Det er ønskjeleg med snarleg tiltreding.
Nærare opplysningar får du hjå konstituert avdelingsdirektør Hans Jacob Sandsberg, tlf. 91629349
Om arbeidsgiveren
Helse- og omsorgsdepartementet (HOD) har det overordna ansvaret for at folk får gode og likeverdige helse- og omsorgstenester. Departementet har ansvar for folkehelsepolitikken og for dei kommunale helse- og omsorgstenestene og spesialisthelsetenesta, inkludert e-helse, helserett og eigarskapsforvalting av helseføretaka. Departementet har 210 tilsette.
Les meir om oss på regjeringa.no.
- Sektor
- Offentlig
- Sted
- Teatergata 9, 0180 Oslo
- Bransje
- Offentlig administrasjon
- Stillingsfunksjon
- Saksbehandler