Utløpt

Psykologspesialist/erfaren psykolog

Arbeidsgiver: Helse Bergen - Kronstad distriktspsykiatriske senter (DPS), Ambulant akutteam
Stillingstittel: Psykologspesialist/erfaren psykolog
Frist: 31.08.2018
Ansettelsesform: Fast

Bli kjent med Haukeland universitetssjukehus

Kronstad Distriktpsykiatriske Senter (DPS) har ansvar for 3 bydelar i Bergen, Bergenhus, Årstad og Ytrebygda. Kronstad DPS er lokalisert i eit nytt og moderne bygg på Danmarksplass.

Ønskjer du ein variert og spennande arbeidsdag? Då kan dette vere noko for deg! Vi søkjer no etter psykologspesialist/erfaren psykolog.

Kronstad DPS har siste året satsa på kompetanseoppbygging og styrking av spesialistkompetanse i Ambulant Akutteam (AAT). AAT er p.t. no bemanna med overlege, psykologspesialist, psykolog og seksjonsleiar/psykiatrisk sjukepleiar. AAT er ei poliklinisk teneste som gjev rask hjelp til pasientar i psykisk krise. Ei av hovudmålsetjingane med oppfølging av AAT er å unngå unødig innlegging på sjukehus og bidra til å gjere utskriving frå døgnbehandling tryggare og betre. AAT kan tilby samtalar både heime og ved poliklinikken og har anledning til å følgje opp pasientar i avgrensa behandlingsforløp.

AAT tar i mot tilvisingar frå legevakt, poliklinikk, fastlegar, sjukehus og private spesialistar. AAT har hovudansvar i akutthjelpsordninga ved Kronstad DPS med daglege akuttvurderingar. AAT deltar på fellesundervising, fagutvikling og anna samhandling ved Kronstad DPS. Det er etablert eigen spesialistrettleiing, samt moglegheit for forsking.

Arbeidsoppgåver

Delta i det daglege teamarbeidet i AAT
Planleggje vidare organisatorisk og fagleg utvikling av AAT saman med teamet og i tråd med sentrale føringar og lokale retningsliner
Samarbeide med sengepostar i DPS og akuttavdelingar i sjukehuset for å sikre betre ivaretaking ved utskriving og kunne vere eit alternativ til døgn
Vurdering av pasientar tilvist akuttime i poliklinikken
Følgje opp pasientar i avgrensa behandlingsforløp

Kvalifikasjonar

Psykologspesialist/erfaren psykolog med erfaring innan psykisk helsevern for vaksne
Erfaring frå allmennpsykiatri og akuttpsykiatri er ein fordel
Du må ha interesse for å utvikle akutte og ambulante tenester og ha erfaring med arbeid i team
Norsk autorisasjon
Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad (gjeld berre for helsepersonell).

Utdanning

Psykologi
Psykologspesialist/erfaren psykolog
Vidareutdanning / Tilleggsutdanning utover oppnådd grad

Eigenskapar

Du må ha gode samarbeidsevner, vere fleksibel og arbeide sjølvstendig
Ønskje om å utvikle teamet til det beste for pasientane
Trivast med varierte arbeidsoppgåver og teamarbeid

Vi tilbyr

Stillingsbrøk: 100%
Varierte og spennande arbeidsoppggåver
Anledning til å delta i utforminga vidare av AAT og i Kronstad DPS
Eit stort fagleg fellesskap med høg kompetanse
Lønn etter avtale

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Fjøsangerveien 36, 5054 Bergen
Bransje: Helse og omsorg
Stillingsfunksjon: Helsepersonell / Psykolog