Førstekonsulent
Universitetet i Bergen
- Frist 15.7.2018
- Ansettelsesform Fast
Førstekonsulent
Ved Det medisinske fakultet, Institutt for global helse og samfunnsmedisin, Senter for tverrprofesjonell samarbeidslæring (TVEPS), er det ledig ei fast stilling som førstekonsulent (100 %).
Om instituttet/senteret
Institutt for global helse og samfunnsmedisin (www.uib.no/igs) er eit av fem institutt under Det medisinske fakultet. På instituttet er det for tida 60 faste vitskaplege tilsette og 25 faste teknisk/administrative tilsette. Instituttet har omlag 20 postdoktorar, 150 stipendiatar/doktorgradsstudentar og om lag 160 mastergradsstudentar.
Administrasjonen ved instituttet har ansvar for studieadministrasjon, forskingsadministrasjon, HR og økonomi. I studieadministrasjonen er det no ledig ei fast stilling som førstekonsulent med spesielt ansvar for koordinering av TVEPS. Administrasjonssjefen ved instituttet har personalansvar for stillinga. Den som vert tilsett vil arbeide tett med den vitskaplege leiaren for TVEPS.
TVEPS (www.uib.no/tveps) er eit samarbeid mellom Universitetet i Bergen (Det medisinske fakultet, Det psykologiske fakultet), Høgskulen på Vestlandet (Fakultet for helse- og sosialvitskap) og helse- og sosialtenestene i Fjell og Bergen kommune.
TVEPS si hovudoppgåve er å trene helse- og sosialfags-studentar i Bergen i tverrprofesjonelt samarbeid. Studentane er i siste del av utdanninga si og kjem frå fagområda medisin, farmasi, tannpleie, odontologi, psykologi, ernæring, logopedi, sjukepleie, ergoterapi, fysioterapi, vernepleie, omsorgsteknologi, og sosialt arbeid. I tillegg har vi studentar frå musikkterapi (Fakultet for kunst, musikk og design ved Universitetet i Bergen), juss (Det juridiske fakultet ved Universitetet i Bergen), og barnehagelærar-utdanninga (Høgskulen på Vestlandet).
TVEPS praksis inneber at studentar blir sett saman i tverrprofesjonelle grupper og sendt ut til ein praksisstad for ein utgreiingsdag. Praksisstader er ofte sjukeheimar eller heimesjukepleiesoner, men kan og vere NAV eller barnehagar.
Senteret vart starta i 2012, og to hundre studentar har kvart år til no fått trening i tverrprofesjonelt samarbeid hjå oss. Frå hausten 2019 vert TVEPS praksis obligatorisk for alle helse- og sosialfags-studentar ved UiB og HVL. Dette inneber at omlag åtte hundre studentar kvart år skal ut i TVEPS praksis, og senteret er dermed inne i ein svært spanande utviklingsfase.
Hovudoppgåver
- assistere senterleiaren og koordinere dagleg drift av TVEPS
- forankre obligatorisk TVEPS praksis i alle involverte studieprogram og etablere nye praksisarenaer
- kommunikasjon med studentar, studieprogram og praksisarenaer
- planleggje og organisere TVEPS praksis i forkant av kvart semester
- leggje til rette for arrangement, kurs og møter
- ha ansvar for oppdatering av nettsider og mediekontakt
- andre studieadministrative og administrative oppgåver kan ved behov leggjast til stillinga
Utfyllande opplysningar om stillinga kan ein få ved å vende seg til leiar for TVEPS, Ane Johannessen, tlf.: 934 33 520, e-post: ane.johannessen@uib.no.
Kvalifikasjonar og personlege eigenskapar
- søkjar må ha bachelor grad, men mastergrad vil vere ein føremon. For interne søkjarar kan relevant realkompetanse kombinert med relevant etter- og vidareutdanning i særskilte høve kompensere for utdanningskravet
- relevant praksis er eit krav
- det er ein føremon med erfaring frå forskings- eller studieadministrasjon
- kjennskap til primærhelsetenesta og til sjukeheimssektoren er eit spesielt ønskje
- god evne til å kommunisere skriftleg og munnleg på norsk og engelsk og god administrativ IT-kompetanse
- engasjement og interesse for tverrprofesjonelt samarbeid i helsesektoren
- evne til å jobbe sjølvstendig og strukturert i eit miljø med kontakt på tvers av fag-, utdannings- og institusjonsgrenser
- nitiativrik, serviceinnstilt og god gjennomføringsevne
- evne og vilje til raskt å setje seg inn i nye saksfelt og vere kvalitetsbevisst
Ved vurdering av søkjarane vil personlege eigenskapar som er naudsynte for stillinga bli vektlagt.
Vi kan tilby
- eit godt og fagleg utfordrande arbeidsmiljø
- stilling som førstekonsulent (kode 1408) i lønssteg 47-53 (for tida kr 421 700 - 464 800). For særs kvalifisert søkjar kan høgare løn vurderast. Løn er under justering
- medlemsskap i Statens pensjonskasse
- stilling i ei inkluderande arbeidslivsverksemd (IA-verksemd)
- gode velferdsordningar
Du kan lese meir om kva Universitetet i Bergen kan tilby som arbeidsgivar ved å gå inn på nettsida:
http://www.uib.no/poa/74687/hva-kan-universitetet-tilby-sine-medarbeidere
Om rekruttering i statlege stillingar
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning og tilsetje personar med innvandrarbakgrunn og personar med nedsett funksjonsevne. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Den som vert tilsett må rette seg etter dei retningslinene som til kvar tid gjeld for stillinga.
Nærare om tilsettingsprosessen her.
Søknad
Send CV og søknad med vedlegg elektronisk via lenkja Søk stillingen på denne sida.
Søknaden skal innehalde:
- søknadsbrev der du seier noko om din motivasjon, kvifor du søkjer og kvifor du passar til stillinga
- attesterte kopiar av vitnemål og relevante attestar
- to referansar (namn og kontaktinformasjon)
Søknadane vert sendt elektronisk til nemnda som skal vurdere desse.
Vi gjer merksam på at søknadar vert vurdert med den informasjonen som ligg føre i Jobbnorge når søknadsfristen går ut.
Om arbeidsgiveren
- Sektor: Offentlig
- Sted: Kalfarveien 31, 5009 Bergen
- Bransje: Forskning, utdanning og vitenskap, Offentlig administrasjon
- Stillingsfunksjon: Saksbehandler
- FINN-kode 122988169
- Sist endret