Er du vår nye Senior kundeansvarleg innan landbruk?

Teknologien er i ferd med å endre rekneskapsbransjen radikalt. Det krev noko av oss. Med dei beste folka i bransjen og ein solid eigar, har vi viljen –  og evna, til å nå nye høgder. Vi tilbyr våre kundar kompetent rådgiving og dei beste og mest framtidsretta løysingane. På grunn av aukande oppdragsmengde på landbrukssida søker vi no etter ein erfaren rekneskapsrådgivar innan fagfeltet landbruk.

I dag er vi det største fagmiljøet innan rekneskapsfaget i Midt-Noreg, og vi veks framleis kraftig. Vi jobbar kvar dag for å vere den mest ettertrakta samarbeidspartnaren for kundane våre. Det betyr at den vi ser etter er tett på kunden, forstår næringa og klarer å kommunisere moglegheiter og løysingar til kunden på ein god måte.

Vi søker deg som er engasjert og har fleire års erfaring med rekneskapsrådgiving innan landbruksområdet. Vi set pris på at du er nysgjerrig og sjølv sett deg i førarsetet for vidare utvikling, slik at kundane får ei enda betre oppleving.

Hovudarbeidsoppgåver:

• Rekneskap og rådgiving for våre landbrukskundar på søre Sunnmøre.
• Forstå kunden si drift, kartlegge moglegheiter og gir råd til kunden for vidare utvikling.

Om deg:

• Engasjert og har fleire års erfaring med rekneskapsrådgiving innan landbruk (inkl. årsavslutning)
• Interessert i teknologi, utvikling og dine kundar.
• Du er den føretrekte  sparringspartnaren for kunden.
• Har evne til å trekke ut kva som er mest relevant informasjon i rekneskapsrapporteringa
• Ambisiøs, og har eit ynskje om å jobbe i eit selskap med høge mål og gjennomføringskraft

Ver venleg og legg ved CV, attestar og karakterutskrifter i søknaden.

Vi er meir enn ein tradisjonell tilbydar av rekneskapstenester. Hjå oss vil du jobbe i eit stort tverrfagleg miljø der rekneskapsførerar, programvareutviklerar, IT-konsulentar og fagspesialistar innan økonomi jobbar mot same mål. Saman er vi Midt-Noregs største miljø innan rekneskap og økonomi.

Hjå oss set vi eigen og andre si utvikling høgt, og har årlege samlingar og kurs for å styrke kompetansen til våre tilsette. Kundane våre er bransjemessig og geografisk spreidd, så oppgåvene dine må ofte løysast med stor variasjon.