Samtaleterapeut

Samtaleterapeut

100% stilling, engasjement ut juli 2020.

AiR-klinikk skal med tverrfagleg kompetanse bidra til at pasientar med samansette plager og nedsett arbeidsevne får auka livskvalitet og arbeidsdeltaking gjennom individuell rettleiing og gruppeundervisning.

·      AiR-klinikk har fire team som består av samtaleterapeut/psykolog, lege, fysioterapeut, arbeidskonsulent og idrettspedagog.

·      Kvart team har ansvar for opptil 17 deltakarar.

·      Opphaldet for kvar gruppe er døgnbasert og går over fire veker.

Me ser etter desse kvalifikasjonane:

·      Kunnskap og interesse for kognitiv terapautisk tilnærming

·      Erfaring med individuelle samtaleforløp

·      Engasjement i tverrfagleg samarbeid

·      God kommunikasjons- og samarbeidsevne som kan bidra til eit utviklande fagmiljø

·      God skriftleg og munnleg framstillingsevne 

·      Personlege eigenskapar blir vektlagt

·      Aktuell fagbakgrunn kan vera psykolog, sjukepleiar med vidareutdanning innan psykisk helsearbeid eller tilsvarande

Arbeidsoppgåver:

·      Individuell rettleiing

·      Undervising av deltakarar i grupper

·      Gjennomføring av kartleggings – og vurderingssamtaler

·      Primærkontakt med ansvar for generell rettleiing

·      Ha kontakt med NAV, arbeidsgjevarar og/eller andre involverte

·      Arbeid med epikrise for deltakar

Me tilbyr:

·      Høve til fagleg utvikling internt i organisasjonen og gjennom kurs og etterutdanning

·      Høve til å bidra til eit utviklande fagmiljø innan fagfeltet arbeidsretta rehabilitering

·      Arbeidstid: Kvardagar kl. 08.00-15.30

·      Konkurransedyktige løns- og pensjonsvilkår

·      Hjelp til å skaffe møblert bustad

Om du er interessert i natur og friluftsliv kan omgjevnadane i Vinje kommune og Vest-Telemark gje deg rike opplevingar i alle årstider.

Me ser fram til å høyre frå deg.

Søknadsfrist 25. november 2019