Rekneskapskonsulent
Universitetet i Oslo
- Frist 16.5.2018
- Ansettelsesform Fast
Det humanistiske fakultet
Om stillinga
Ei fast stilling som rekneskapskonsulent (førstekonsulent SKO 1408/seniorkonsulent SKO 1363) er ledig ved Det humanistiske fakultet.
Fakultetet gir fellestenester til institutta innanfor verksemdområda IT, personal/HR, kommunikasjon og økonomi. Økonomifunksjonen ved fakultetet har 13 medarbeidarar fordelt på tre faggrupper: økonomistyring/budsjett (verksemdstyring), eksternt finansierte prosjekt og transaksjons- og bilagshandtering. I tillegg har nokre av institutta ved fakultetet rekneskapsoppfølging lokalt. Den utlyste stillinga vil inngå i gruppa for transaksjons- og bilagshandtering. Stillinga vil òg vere til hjelp for institutta og vil kunne få koordinerande oppgåver.
Også andre økonomioppgåver ved fakultetet kan bli lagt til stillinga.
Arbeidsoppgåver- behandling av inn- og utgåande fakturaer
- lønnsbilag
- refusjonar og reiserekningar
- handtering av elektronisk betalingsløysing
- avstemming av valutakonti
- kontrollprogram rekneskap
- kontrollprogram lønn
- generell saksbehandling innanfor økonomi- og kontrollfunksjonar
Også andre økonomioppgåver ved fakultetet kan bli lagt til stillinga.
Kvalifikasjonskrav- relevant økonomi- og rekneskapsfagleg utdanning frå universitet eller høgskule, minimum tilsvarande bachelornivå. Relevant realkompetanse kan kompensere for utdanningskravet
- gode kommunikasjonsevner
- god munnleg og skriftleg framstillingsevne på norsk og engelsk
- gode IT-kunnskapar (MS Office - spesielt Excel)
- relevant erfaring frå tilsvarande arbeid innanfor universitets- og høgskulesektoren er ein fordel
Vi legg òg vekt på om søkaren er godt personleg skikka for stillinga.
Personlege eigenskaparVi ser etter søkarar som:
- har god talforståing og er nøyaktige
- er sjølvstendige, initiativrike og løysingsorienterte
- er gode lagspelarar
- er serviceinnstilte
- trivst med høgt tempo og varierte arbeidsoppgåver
- har evne til å arbeide målretta og strukturert
- årslønn frå kr 436 900 til kr 499 600 per år, avhengig av ansiennitet og kompetanse for stilling som førstekonsulent
- årslønn frå kr 474 700 til kr 548 200 per år, avhengig av ansiennitet og kompetanse for stilling som seniorkonsulent
- eit hyggeleg og stimulerande arbeidsmiljø
- god pensjonsordning i Statens Pensjonskasse
- stilling i ei IA-verksemd, gode velferdsordningar og høve til trening i arbeidstida
Vi søker i utgangspunktet etter ein førstekonsulent. Ved eventuell tilsetting i stilling som seniorkonsulent vil det bli stilt større krav til sjølvstende og kompetanse.
Søknaden skal innehalde:
- søknadsbrev
- CV
Søknad med vedlegg må sendast inn via det elektroniske rekrutteringssystemet vårt, klikk ?Søk stillinga".
Andre opplysningarI høve til Offentleglovas § 25 2. ledd kan opplysningar om søkaren bli offentleggjort sjølv om søkaren har bede om ikkje å bli oppført på søkarlista.
Vi viser òg til regelverk for teknisk-administrativt tilsette.
UiO har ein overtakingsavtale for alle tilsette med formål å sikre rettane til forskingsresultat m.m.
UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.
I tillegg ønskjer UiO at medarbeidarane våre i størst mogleg grad gjenspeglar mangfaldet i befolkninga. Vi oppmodar derfor kvalifiserte søkarar med redusert funksjonsevne til å søkje stillinga. Som IA-bedrift vil vi leggje tilhøva til rette for medarbeidarar med nedsett funksjonsevne.
KontaktinformasjonØkonomikonsulent Jannike Clausen
Personalkonsulent Vita Kvedaraite
Om arbeidsgiveren
Universitetet i Oslo er den eldste og høgst rangerte forskings- og utdanningsinstitusjonen i Noreg, med 28000 studentar og 7000 tilsette. Fagleg breidde og internasjonalt anerkjende forskingsmiljø gjer UiO til ein viktig samfunnsaktør.
Det humanistiske fakultetet (HF) ved Universitetet i Oslo er det største humanioramiljøet i Noreg og eit av dei beste humanistiske fakulteta i Norden.
Fakultetet har om lag 6000 studentar og tilbyr 14 bachelorprogram, 22 masterprogram, 18 årseiningar og meir enn 70 fag innanfor områda språk, kultur, historie, medium, litteratur og idéfag. På Det humanistiske fakultetet jobbar i overkant av 700 tilsette på sju institutt, to senter og einfakultetsadministrasjon. HF er vertsfakultet for den nye tverrfakultære satsinga UiO:Norden, og har òg to senter for framifrå forsking (SFF).
- Sektor: Offentlig
- Sted: Boks 1072 Blindern, 0316 Oslo
- Bransje: Forskning, utdanning og vitenskap, Museer, gallerier og kulturminne, Offentlig administrasjon
- Stillingsfunksjon: Økonomi og regnskap
- FINN-kode 119080419
- Sist endret