Stipendiat i fagdidaktikk
Universitetet i Bergen
- Frist 23.4.2018
- Ansettelsesform Engasjement
Stipendiat i fagdidaktikk
Ved Institutt for fysikk og teknologi er det ledig ei stilling som stipendiat i fagdidaktikk. Stillinga er for ein åremålsperiode på 3 år, knytt til midlar frå Norges forskingsråd.
Om prosjektet/arbeidsoppgåver
Stipendiaten vil arbeide på prosjektet "Allmenndannande realfag gjennom utforsking med ekte og nære tall (ARGUMENT). Målet i prosjektet er å utvikle forskingsbaserte undervisningsressursar som legg til rette for elevar si utforsking og bruk av reelle måledata, samt utvikling av kompetansar knytt til kritisk tenking, argumentasjon og dybdeforståing. Ressursane skal utviklast i samarbeid mellom lærarar og forskarar og elevar si utvikling og læring skal analyserast gjennom forsking.
Prosjektet er eit samarbeid mellom Bergen kommune, Universitetet i Bergen og Høgskulen på Vestlandet. ARGUMENT skal utvikle metodar og strategiar i nært samarbeid med skular, skuleeigarar og lærerutdanninga ved lærestadene. Nærmare informasjon om prosjekt og arbeidsmetodar finst i prosjektbeskrivinga på argument.uib.no.
Kvalifikasjonar og eigenskapar
- Søkjarar må ha oppnådd mastergrad eller tilsvarande i realfagdidaktikk, matematikk eller eit naturvitskapleg fag, eller ha levert masteroppgåva til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje.
- Søkjarar må ha minst 30 studiepoeng i eit naturvitskapleg fag.
- Det er ein føremon at søkjarar har matematikk i fagkrinsen.
- Kompetanse innan bruk av informasjons- og kommunikasjonsteknologi er eit krav.
- Praktisk-pedagogisk utdanning (PPU) eller anna relevant skuleerfaring er ein føremon.
- Søkjarar må kunne arbeide sjølvstendig, strukturert og målretta og ha gode samarbeidsevner.
- Søkjarar må ha gode skriftlege og munnlege engelskkunnskapar.
- Søkjarar må ha svært gode norskkunnskapar.
Personlege og mellommenneskelege eigenskapar vil bli lagt vekt på. Erfaring med utviklingsarbeid i skulen vil også telle ved vurdering av kandidatane.
Om stipendiatstillinga
Samla stipendperiode er 3 år. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.
Om forskarutdanninga
Som stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Endeleg plan for gjennomføringa av forskarutdanninga skal vere godkjent av fakultetet innan tre månader etter at du har teke til i stillinga. Det er ein føresetnad at du fyller krava for opptak til ph.d.- studiet ved Universitetet i Bergen.
Vi kan tilby
- eit godt og fagleg utfordrande arbeidsmiljø
- løn etter lønssteg 50 (kode 1017 /LR20, alternativ 8) i det statlege lønnsregulativet. Dette utgjer ei årsløn på kr 436 900,- brutto. Vidare opprykk skjer etter tenesteansiennitet.
- medlemskap i Statens pensjonskasse
- stilling i ei inkluderande arbeidslivsverksemd (IA-verksemd)
- gode velferdsordningar
Søknaden skal innehalde
- ei kort utgreiing om søkjaren sine forskingsinteresser og motivasjonen for å søkje stillinga
- namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.
- CV
- karakterutskrifter og vitnemål for bachelor- og mastergrad, alternativt ei stadfesting av at mastergradsoppgåva er levert
- relevante attestar
- eventuell liste over vitskaplege arbeid (publikasjonsliste)
- eventuelle publikasjonar
Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.
Generell informasjon
Utfyllande opplysningar om stillinga kan ein få ved å vende seg til:
Professor Stein Dankert Kolstø, Institutt for fysikk og teknologi, e-post stein.dankert.kolstoe@uib.no tlf. 55 58 48 39 eller Rådgiver Janneke Tangen, Bergen kommune, e-post Janneke.Tangen@bergen.kommune.no tlf. 55 56 24 78.
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.
Om arbeidsgiveren
- Sektor: Offentlig
- Sted: Christiesgt. 18, 5020 Bergen
- Bransje: Forskning, utdanning og vitenskap, Offentlig administrasjon
- Stillingsfunksjon: Forskning/Stipendiat/Postdoktor
- FINN-kode 116507036
- Sist endret