Rådgjevar internasjonalisering

Ved Avdeling for forsking og internasjonalisering er det ledig fast 100% stilling som rådgjevar for internasjonalisering

Stillinga er knytt til Avdeling for forsking og internasjonalisering ved Høgskulen på Vestlandet (HVL) som er under etablering. Arbeidsstad er campus Sogndal, men arbeidsoppgåvene vil dels omfatte heile HVL.

Arbeids- og ansvarsområder

Arbeidsoppgåvene vil vere administrasjon og rådgjeving mot HVL si internasjonale verksemd innan utdanning og forsking med særskilt vekt på støtte til fagmiljø og leiing.

Stillinga vil innebere utviklingsarbeid knytt til HVL sine strategiske ambisjonar, støtte til fakultet og leiing i utvikling av internasjonaliseringsverksemda, og informasjon og rettleiing om eksternfinansierte programordningar og søknadsprosessar. Prosjektutvikling og koordinering av oppgåver knytt til seksjonen ligg også til stillinga.

Kvalifikasjonskrav

Søkaren må ha utdanning på minimum mastergradsnivå. Vedkomande må ha god kjennskap til norsk høgare utdanning og det vert stilt krav til gode engelskkunnskapar (munnleg og skriftleg) og god digital kompetanse. Annan relevant språkkompetanse er ønskeleg. Me søkjer etter ein person som er systematisk, utviklingsretta og sjølvstendig og som har strategiske og analytiske ferdigheiter. Personlege eigenskapar som gode samarbeidsevner vert vektlagt. Det vil også bli vektlagt erfaring frå norsk universitets- og høgskulesektor, kjennskap til internasjonalt utdannings- og forskingssamarbeid og erfaring med prosjektutvikling. Noko reiseverksemd må påreknast.

Aktuelle kandidatar til stillinga vert kalla inn til intervju.

Vi tilbyr:

Stillinga som rådgjevar er lønna etter Statens lønnsregulativ, i stillingskode 1434. Frå lønna vert det trekt lovfesta 2% innskot til Statens pensjonskasse.

Elles tilbyr vi:

• Gode pensjons-, forsikrings- og låneordningar frå Statens pensjonskasse
• Spanande fagmiljø med moglegheit for kompetanseheving- og utvikling
• Fleksible arbeidsvilkår i samsvar med Særavtale om fleksibelarbeidstid i Staten.
• Moglegheiter for trening i arbeidstida
• Moglegheiter for dekking av flyttekostnadar, i samsvar med Særavtale om dekking av flyttekostnadar

Korleis søke stillinga?

Søknad og CV sendast elektronisk via søk denne stillinga på denne sida.

Vi gjer merksam på at søknadar vert vurdert utifrå den informasjonen som vert lagt inn i www.jobbnorge.no ved søknadsfristens utløp. Det er søkars ansvar å sørgje for at alle relevante vedlegg er lagt inn innan fristen, som attestar og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv syte for å laste opp attesterte omsetjingar. Dersom vedlegga overskrid 15 MB må dei dei komprimerast før dei lastast opp eller leggast ved som ei lenke.

Søknader skal ikkje sendast på e-post til tilsette ved høgskulen.

Generell informasjon:

I samsvar med offentleglova kan opplysingar om søkjar bli unnateke i offentleg søkjarliste, dersom søkaren sjølv ber om det. Søkaren vert varsla dersom oppmodinga ikkje blir teken til følgje. 

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlege arbeidsstyrken skal spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og å rekruttere personar med ulik nasjonal- eller etnisk bakgrunn. Høgskulen er ei IA-bedrift. Me oppmodar derfor alle kvalifiserte til å søke. Arbeidsspråket er norsk.

Du finn meir informasjon om høgskulen på www.hvl.no 

Kontaktperson ved Høgskulen på Vestlandet er:

1) Elin Kvaale, kontorsjef Internasjonalt kontor campus Bergen

telefon: (+47) 55 58 55 52/ 412 01 796                                        

2) Torunn Stornes Kittelsen, leiar Internasjonalt kontor Stord/Haugesund

Telefon: (+47) 52 70 27 07