Ruskonsulent - 100 % fast stilling

Har du interesse og engasjement for å arbeide innan rus- og psykisk helsearbeid og ønskjer å bidra til Os kommune sitt kommunale rusarbeid?

Eining Helsetenester har ledig 100 % fast stilling som ruskonsulent.

Arbeidsoppgåver

I eining Helsetenester inngår oppfølgingstenester innan psykisk helsearbeid og rusomsorg, lågterskel rustiltak, LAR-utdeling (legemiddelassistert rehabilitering), ruskonsulent, kommunepsykolog, SLT-koordinator, samt ergo- og fysioterapitenesta.

Stillinga arbeider tett saman med fleire tenesteområder, og sentrale arbeidsoppgåver vil vere å bidra til tidleg innsats for ungdom i faresona, følgje opp vaksne med rus- og psykiske helseutfordringar og delta i systemarbeid, planarbeid og utvikling av samarbeidsrutiner.

Som ruskonsulent vil du få ansvar for:

- Kartlegging og innsøking til rusbehandling

- Individuell oppfølging av pasientar med rus- og psykiske helseutfordringar

- Veiledningsoppgåver mot andre tenester i kommunen

- Informasjonsoppgåver mot andre einingar og innbyggjarar i Os

- Deltaking i samarbeidsmøter og ansvarsgrupper for pasientar med rus- og psykiske helseutfordringar

- Koordinering av kontakt med dei kommunale tenestene som pasienten tek del i

- Deltaking i tenesta Tidleg Innsats, retta mot ungdom i faresona

- Pårørandearbeid

- Å vere bindeledd mellom kommunale tenester og spesialisthelsetenesta

- Deltaking, og eventuelt koordinering, av fagutvikling på tvers av tenester (gjennom t.d. fagdagar og kurs/seminar)

- Utvikling av amarbeid med brukar- og pårørandeorganisasjonar

Stillinga har hovudsakleg arbeidstid på dagtid, men noko arbeid på kveld og revidert vaktplan kan bli aktuelt.

Kvalifikasjonar

- Helse- og sosialfagleg høgskulekompetanse med vidareutdanning innan rus- og psykisk helsearbeid

- Klinisk kompetanse og/eller veiledningskompetanse er ønskjeleg

- Erfaring frå rus- og psykisk helsearbeid

- Er kreativ og heilskapstenkjande

- Likar utfordringar, tek initiativ til å jobbe for forbetringar og gode løysingar

- Evne til å arbeide målretta og ha god struktur

- Evne til å bygge gode relasjonar både overfor brukarar og kollegaer

- Det vert lagt særskild vekt på personlege eigenskapar

Som medarbeidar må du like å arbeide sjølvstendig, men samstundes vera fleksibel og god på samarbeid i tverrfagleg team. Vi har ansvar for kommunale tenester med stor bredde i arbeidsoppgåver, og det er til tider hektiske kvardagar. Hos oss har vi ein kultur der alle bidreg ved behov. Du som søkjer desse stillingane må difor trivast med mange og varierte arbeidsoppgåver i ein travel kvardag.

Må ha førarkort klasse B. Det er ønskjeleg at du sporadisk kan disponere bil.

Menn vert oppmoda om å søkje.

Utanlandsk utdanning må vere NOKUT godkjent.

Vi gjer merksam på at du må leggja fram politiattest.

Vi tilbyr

Faglege og personlege utfordringar i eit godt og inspirerande arbeidsmiljø.

Gode pensjons- og forsikringsordningar og løn etter avtale.

Slik søkjer du

Klikk på "søk på stilling" og følg vidare instruksjonar.

Eksterne søkjarar må oppretta brukarnamn og passord før dei loggar seg på første gang.

Tilsette i kommunen er allereie definert som brukar i systemet, og skal ikkje registere seg på nytt. Dersom du ikkje har internt brukarnamn og passord, kan du få dette tilsendt på e-post via funksjonen "Glemt brukernamn/passord" eller ta kontakt med personalkontoret.