Rådgivar/seniorrådgivar innen IT og betalingstjenester - Seksjon for IT og betalingstenester
Finanstilsynet - IT og betalingstjenester
- Frist 28.1.2018
- Ansettelsesform Fast
Har du lyst til å jobbe med tilsyn med IKT og system for betalingstenester?
Finanstilsynet arbeider for at finansføretak og finansmarknader fungerer trygt og effektivt til beste for samfunnet og brukarane av finansielle tenester. Vi har om lag 270 tilsette og held til i moderne lokale i Oslo sentrum.
Finanstilsynet har mellom anna ansvar for regelverk og fører tilsyn med at norske finansføretak har ei hensiktsmessig og trygg verksemd når det gjeld bruk av informasjons- og kommunikasjonsteknologi (IKT) og tilbod av betalingstenester. Vidare digitalisering vil prege finansnæringa/-sektoren framover. Det skjer ei omfattande utvikling når det gjeld teknologiske løysingar i betalingssystemet og innanfor finansføretaka sin bruk av IKT generelt, og digital sårbarheit aukar.
Seksjonen fører tilsyn med IKT- og betalingstenesteområdet. Gjennom tilsynsverksemda har seksjonen eit nært og tverrfagleg samarbeid med dei andre fagområda i Finanstilsynet og representerer Finanstilsynet i møte med føretak under tilsyn, andre myndigheiter og andre aktørar nasjonalt. Seksjonen deltek òg i internasjonalt samarbeid når det gjeld IKT-tilsyn, betalingsområdet og regelverksutvikling. For deg som er oppteken av IKT-sikkerheit i samfunnet og har lyst til å jobbe med tilsyn på eit område av sentral betyding for verkemåten til finansmarknadene og betalingssystema, har vi ledig ei fast stilling som rådgivar/seniorrådgivar ved seksjon for IT og betalingstenester. Stillinga gir gode moglegheiter for fagleg utvikling på eit område som er i stadig endring.
Arbeidsoppgåver
Seksjonen sine arbeidsoppgåver omfattar hovudsakeleg:
-
Å gjennomføre stadlege IT-tilsyn med føretaka sin bruk av IKT og betalingstenester. Tilsynsopplegget er basert på internasjonalt aksepterte metodar, med stor vekt på prosessorientering og risikovurderingar.
-
Å gjennomføre ein årleg risiko- og sårbarheitsanalyse (ROS) knytt til finansføretaka sin bruk av IKT.
-
Oppfølgingsoppgåver knytte til meldeplikt ved hendingar, av ny eller endra utkontraktering av IKT og ved nytt eller endra system for betalingstenester.
-
Utgreiingar og fråsegner på høyringar frå departementet og andre myndigheiter.
-
Forvalting og utvikling av regelverk knytte til både finansføretaka sin bruk av IKT og innanfor betalingstenesteområdet.
-
Overvaking av utviklinga i betalingstenestemarknaden, finansføretaka sin bruk av IKT, digital sårbarheit og IKT-sikkerheit generelt.
Kvalifikasjonar
-
Vi søker etter ein person med brei IKT-kompetanse og fortrinnsvis erfaring frå arbeid med internkontroll på IT-området/IT-revisjon og/eller erfaring frå arbeid med betalingssystem. Erfaring frå IKT-sikkerheitsarbeid og/eller finansføretaka sin bruk av IKT vil vere ein fordel.
-
Høgare relevant utdanning, minimum bachelor.
Personlege eigenskapar
-
Gode samarbeidsevner og høg grad av sjølvstende.
-
Analytisk, systematisk og med god gjennomføringsevne.
-
God munnleg og skriftleg framstillingsevne, både på norsk og engelsk.
-
Det blir lagd vekt på at du er personleg eigna.
Vi tilbyr
-
Utfordrande arbeidsoppgåver og gode moglegheiter for utvikling i eit hyggeleg, sosialt miljø med høg fagkompetanse.
-
Gode velferdsordningar og ein generelt fleksibel personalpolitikk, også når det gjeld vidareutdanning, kurs og opplæring.
-
Pensjonsordning og moglegheiter for lån i Statens pensjonskasse.
-
Fleksibel arbeidstid og betalt overtid.
-
Treningsfasilitetar.
-
Tiltreding og lønn etter avtale.
Anna
-
Etter at søknadsfristen er gått ut, vil det bli utarbeidd offentleg søkarliste.
-
Vi utfører bakgrunnssjekk på personen som blir tilsett i stillinga.
-
For nærmare omtale av Finanstilsynet, sjå www.finanstilsynet.no.
- Sektor: Offentlig
- Sted: Revierstredet 3, 0151 Oslo
- Bransje: Bank, finans og forsikring
- Stillingsfunksjon: Annet, IT-sikkerhet, Saksbehandler
- FINN-kode 111921408
- Sist endret