Vi søker erfaren jurist med interesse for finansmarknaden og betalingstenester
- Arbeidsgiver
- Finanstilsynet - IT og betalingstjenester
- Stillingstittel
- Jurist (rådgivar/seniorrådgivar) innen IT og betalingstjenester - Seksjon for IT og betalingstenester
- Frist
- 28.01.2018
- Ansettelsesform
- Fast
Finanstilsynet arbeider for at finansføretak og finansmarknader fungerer trygt og effektivt til beste for samfunnet og brukarane av finansielle tenester. Vi har om lag 270 tilsette og held til i moderne lokale i Oslo sentrum.
Finanstilsynet har mellom anna ansvar for regelverk og fører tilsyn med at norske finansføretak har ei hensiktsmessig og trygg verksemd når det gjeld bruk av informasjons- og kommunikasjonsteknologi (IKT) og tilbod av betalingstenester. Vidare digitalisering vil prege finansnæringa/-sektoren framover. Det skjer ei omfattande utvikling når det gjeld teknologiske løysingar i betalingssystemet og i finansføretaka sin bruk av IKT generelt, og digital sårbarheit aukar.
For deg som har lyst til å jobbe innan eit område i rask utvikling og av sentral betyding for verkemåten til finansmarknadene og betalingssystema, har vi ledig ei fast stilling som rådgivar/seniorrådgivar. Den aktuelle stillinga er knytt til arbeid med forvalting og utvikling av norsk regelverk som tilsvarer EUs betalingstenestedirektiv (PSD 2) og regelverk når det gjeld bruk av IKT i føretak under tilsyn. Stillinga gir gode moglegheiter for fagleg utvikling på eit område som er i stadig endring.
Arbeidsoppgåver
Arbeidsoppgåvene omfattar mellom anna:
-
Å bidra til å vidareutvikle rammevilkåra for norske betalingsføretak og nye føretakstypar som tek til å gjelde med innføring av PSD2. Dette omfattar førebuingar til gjennomføring av EU-reglar i norsk rett.
-
Kontakt med utanlandske tilsynsmyndigheiter, særleg knytt til utanlandske føretak si verksemd i Noreg, eventuelt òg deltaking i arbeidsgrupper i europeiske tilsynsorganisasjonar.
-
Å behandle søknader om etablering, samanslåingar m.m. og vidareutvikle Finanstilsynets prosessar på dette området.
-
Juridisk bistand ved tilsyn og oppfølging av føretak som yter betalingstenester og av finansføretaka sin bruk av IKT generelt.
-
Generell saksbehandling knytt til dette tilsynsområdet.
Kvalifikasjonar
-
Cand.jur./master i rettsvitskap med gode resultat og med interesse for funksjonsmåten til finansmarknadene.
-
Solid kunnskap om finansnæringa.
-
Relevant bransjeerfaring frå bank eller finansføretak, advokatkontor/konsulentverksemd eller offentleg forvalting.
Personlige eigenskapar
-
Du er initiativrik, tek ansvar for eigne arbeidsprosessar og arbeider strukturert, målretta og nøyaktig.
-
Du har gode analytiske ferdigheiter og god gjennomføringsevne.
-
Du har gode samarbeidsevner og er komfortabel med teamarbeid.
-
Du har god skriftleg og munnleg framstillingsevne på norsk og engelsk.
-
Det blir lagd vekt på at du er personleg eigna.
Vi tilbyr
-
Utfordrande arbeidsoppgåver og gode moglegheiter for utvikling i eit miljø med høg fagkompetanse.
-
Gode velferdsordningar og ein generelt fleksibel personalpolitikk, også når det gjeld vidareutdanning, kurs og opplæring.
-
Pensjonsordning og moglegheit for lån i Statens pensjonskasse.
-
Fleksibel arbeidstid og betalt overtid.
-
Treningsfasilitetar.
-
Tiltreding og lønn etter avtale.
Anna:
-
Etter at søknadsfristen er gått ut, vil det bli utarbeidd offentleg søkarliste.
-
Vi utfører bakgrunnssjekk på personen som blir tilsett i stillinga.
-
For nærmare omtale av Finanstilsynet, sjå www.finanstilsynet.no.
- Sektor
- Offentlig
- Sted
- Revierstredet 3, 0151 Oslo
- Bransje
- Bank, finans og forsikring
- Stillingsfunksjon
- Jurist,
- Saksbehandler
Spørsmål om stillingen
- Kontaktperson
- Olav Johannessen
- Stillingstittel
- Seksjonssjef
- Telefon
- 22 93 99 60
- Kontaktperson
- Kristin Schjønsby Kværnø
- Stillingstittel
- Tilsynsrådgiver
- Telefon
- 22 93 96 70
Revierstredet 3, 0151 Oslo