Ledig vikariat som seniorrådgivar i Familie- og oppvekstavdelinga

Familie- og oppvekstavdelinga har ledig eit vikariat i seksjon for oppvekst og førebygging. Avdelinga arbeider med eit breitt spekter av saker på områda barn og foreldre, familie, adopsjon og barne- og ungdomspolitikk.

Den som vert tilsett skal arbeide med oppgåver innanfor området oppvekst og levekår for barn og unge, mellom anna med å setje i verk og følgje opp nasjonal og internasjonal politikk. I denne stillinga vil du ha eit overordna ansvar for å greie ut, og å utvikle avgjerdsgrunnlag for politisk leiing basert på forsking og kunnskap på det barne- og ungdomspolitiske feltet. Du vil bidra i politikkutforminga og i å initiere egna pedagogiske og økonomiske verktøy til hjelp for å gjennomføre politikken. Samarbeid med andre departement og koordinering av arbeidet mot utsette barn og unge ligg til stillinga. Stillinga er knytt til utgreiingar på avdelinga sitt område med særleg vekt på levekåra til barn og unge. Etatstyring for å nå konkrete mål i fylker og kommunar inngår og i stillinga.

Vi krev at du:

• har høgare utdanning innanfor samfunnsvitskap, humaniora eller utdanningsvitskap
• har erfaring frå utgreiingsarbeid i eit departement
• har erfaring frå arbeid med å koordinere og organisere prosessar med mange involverte partar
• har erfaring frå avdelinga sine fagområde
• kan uttrykka deg svært godt både munnleg og skriftleg på norsk og engelsk
• har gode analytiske evner
• har gode samarbeidsevner

Vi søkjer etter ein person som:

• evner å utvikle avgjerdsgrunnlag for politisk leiing basert på kunnskap og forsking
• er strukturert og kan arbeide effektivt under stramme tidsfristar
• har erfaring frå utvikling av pedagogiske verkemiddel
• har evne til å arbeide sjølvstendig og målretta
• har erfaring frå samarbeid med internasjonale aktørar

Det vil bli lagt vekt på at du har god rolle- og systemforståing, interesse for arbeid med politiske prosessar, og har evne til å raskt sette deg inn i nye problemstillingar.

Vi tilbyr:

• spennande og utfordrande oppgåver i skjeringsfeltet mellom fag og politikk
• engasjerte og fagleg dyktige kollegaer
• fleksibel arbeidstidsordning

Løn etter Staten sitt lønsregulativ. Frå kr 517 700 til kr 686 900. For å bli tilsette som seniorrådgjevar krevst minimum 4 års relevant erfaring. For særleg kvalifiserte søkjarar kan høgare løn vurderast.

Vikariatet har varigheit til 31.12.2018. Snarleg tiltreding er ønskjeleg.

BLD som arbeidsgjevar ynskjer å spegle mangfaldet i samfunnet. Derfor oppfordrar vi alle kvalifiserte kandidatar uavhengig av bakgrunn og tilhøyring til å søkje jobb i BLD. Vi er ei IA-verksemd, og i dette ligg det mellom anna at vi vil sørgje for å leggje til rette på arbeidsplassen dersom det er behov for det.

Vi gjer merksam på at opplysningar om søkjaren kan bli offentleggjorde, sjølv om søkjaren har bedt om ikkje å bli ført opp på den offentlege søkjarlista. Søkjar vil i tilfelle bli informert før offentleggjøring.

Har du spørsmål til stillinga, så ta gjerne kontakt med avdelingsdirektør Eli Grut (eli.grut@bld.dep.no).
Søknadsfrist: 03.01.2018