Førsteamanuensis i pedagogikk/spesialpedagogikk/pedagogisk psykologi

12.11.2017

Universitetet i Stavanger søker etter førsteamanuensis i pedagogikk/spesialpedagogikk/pedagogisk psykologi.  Stillinga er organisatorisk knytt til Fakultet for utdanningsvitskap og humaniora, Nasjonalt senter for læringsmiljø og åtferdsforsking (Læringsmiljøsenteret), ved avdeling Stavanger. Stillinga er ledig snarast.

Arbeidsoppgåver og fagmiljø

Læringsmiljøsenteret er eit nasjonalt senter med oppgåver innan forsking, undervisning, nasjonalt formidlingsarbeid og arbeid retta mot praksisfeltet. Fagområdet for stillinga er læringsmiljø- og utviklingsarbeid med hovudvekt på skole.

Arbeidsoppgåvene vil vere knytt til nasjonale oppdrag og senterinitiert forskings- og utviklingsarbeid, i tillegg til undervisning, rettleiing og eksamensarbeid relatert til aktuelle fagområder ved UiS, samt administrative oppgåver.

Som førsteamanuensis vil du hovudsakleg undervisa og rettleia studentar på bachelor- master- og doktorgradsnivå innanfor pedagogikk/spesialpedagogikk eller pedagogisk psykologi, forska og formidla forskingsresultat innanfor relevante forskingsområde ved senteret, samt bidra til utvikling av samarbeid med arbeidslivet. Utvikling og bruk av varierte og digitale læringsmåtar i undervisninga, innovasjon og verdiskaping basert på resultat frå forsking og  fagleg utviklingsarbeid inngår i stillinga. Stillingsomtala gir ei nærmare forklaring av fagområde og aktuelle oppgåver for førsteamanuensis.

Frå 1.1.2018 går senteret inn i ein ny spennande fase. Det faglege ansvaret, som i dag ligg hos senterets styre, vert då overført til Universitetet i Stavanger(UiS). Senterets oppgåver vil bli definert av UiS i samsvar med universitets- og høgskulelova. Senterets strategiske utvikling vil bli lagt under UiS sin overordna strategi. Forsking og undervisning vil vere sentrale område, samt at praksisretta kompetanse- og kvalitetsutvikling i barnehagar og skular vil fortsette i samsvar med UiS sin strategiske utvikling av samarbeid med samfunns-, kultur- og næringsliv.

Kompetansekrav

Vi søker etter førsteamanuensis med doktorgrad eller tilsvarande kompetanse innanfor fagområdet. Søkjarar med spesialisering innanfor pedagogikk/spesialpedagogikk eller pedagogisk psykologi vert føretrekt, men søkjarar med spesialisering innanfor nærliggjande område kan også vera aktuelle kandidatar. Det vert lagt vekt på god kjennskap til norsk skulesektor, pedagogisk-psykologisk teneste eller tilsvarande. 

Du må kunne dokumentera pedagogisk og didaktisk kompetanse knytt til høgare utdanning eller gjennomføra universitetspedagogisk kurs innan ein periode på to år frå tiltreding. Universitetet vil tilby kurset. Retningslinjer for vurdering av undervisningskompetanse kan fås ved henvendelse. Det er ønskelig at søker har gode generelle formidlingsevner, også i høve til store forsamlingar. 

Vidare vert det lagt vekt på at du har:

• Ein reflektert og bevisst haldning til eiga undervisnings- og rettleiingsverksemd.
• Evne til å involvere og engasjere studentane i undervisning der utdanninga sitt mål, innhald og vurderingssituasjonar heng nøye saman.
• Erfaring med og/eller interesse for utvikling og bruk av varierte læringsmåtar og digitale reiskapar i undervisninga.
• Formidla forskingsresultat i anerkjende norske og internasjonale publiseringskanalar, og at du kan vise til progresjon i forsking og publisering.
• Erfaring med og evne til å initiere, skaffe ekstern finansiering til, leie og gjennomføre forskings- og utviklingsprosjekt.
• Erfaring frå samarbeid med arbeidslivet.
• Erfaring med og evne til å bygge og ivareta nettverk-regionalt, nasjonalt og internasjonalt.
• Erfaring med nyskaping, innovasjon og kommersialisering av forsking.
• Høg arbeidskapasitet og motivert for å utvikla ny kunnskap saman med andre.
• Gode samarbeids- og kommunikasjonsevner, og evne til å bidra til eit konstruktivt arbeidsmiljø.

Arbeids- og undervisningsspråket er norsk og engelsk. Dersom du ikkje meistrar norsk eller eit anna skandinavisk språk, må du tileigna deg norskkunnskapar tilsvarande nivå B2 innan ein periode på to år frå tiltreding. Om nødvendig vil du få tilbod om norskkurs betalt av universitetet.

Dersom det ikkje melder seg søkjarar med tilstrekkeleg vitskapeleg kompetanse, kan det verta aktuelt å tilsetja midlertidig for inntil tre år med sikte på kvalifisering og fast tilsetjing. Søkjar må ha føresetnad om å skaffa seg nødvendige kvalifikasjonar i løpet av tilsetjingsperioden.

Vi tilbyr:

• Varierte arbeidsoppgåver i ein stor, spennande og samfunnsviktig organisasjon.
• Eit ambisiøst arbeidsfellesskap i positiv utvikling. Vi arbeider for å inkludere tilsette på alle nivå i strategiske avgjerder, fremme ein uformell atmosfære og ein flat organisasjonsstruktur.
• Kollegabasert rettleiingsprogram det første året du underviser ved UiS, NyTi.
• Lønn etter statens lønnsregulativ, l.pl 17.510, kode 1011, kr 499 600 - 623 900 bto. pr år. I særskilte tilfelle kan høgare lønn verta vurdert.
• Medlemskap i Statens pensjonskasse som sikrar gode pensjonsrettar. Medlem kan søke bustadlån til gunstige vilkår.
• Gunstig medlemskap på treningssenter og bedriftsidrettslag.
• Tilsetting i IA-bedrift som er opptatt av å redusera sjukefråværet, auke talet på tilsette med redusert arbeidsevne og auke yrkesaktiviteten for eldre arbeidstakarar.
• Hjem-jobb-hjem, kollektivtransport til og frå jobb til gunstig pris.
• Som arbeidstakar i Noreg vil du ha tilgang til eit svært godt helsesystem, gode pensjonar og sjenerøs fødsels-/foreldrepermisjon. Barnehageplass er garantert og rimeleg, offentleg skole er gratis.
• Relocation-program ved flytting til Noreg, inkluderer bl.a. støtte og språkkurs for partnarar.

Generell informasjon

Søknaden din vil bli vurdert av ein sakkyndig komité. Hovudvekta i den sakkyndige vurderinga vert lagt på bedømming av innsende vitskaplege arbeid og dokumentert undervisningskompetanse. Erfaring frå popularisering/formidlingsverksemd, fagpolitisk og fagadministrativt arbeid og eventuelt andre dokumenterte kvalifikasjonar med relevans for stillinga, vil også bli vurdert av dei sakkyndige.

Dersom det melder seg svært mange søkarar, kan det bli aktuelt å avslå søknader før søknadspapira vert sende til sakkyndig komité for vurdering. Dette vil vera aktuelt for søkarar som ikkje tilfredsstiller sentrale delar av kompetansekrava.

På bakgrunn av utsegn av sakkyndig komité vil aktuelle søkarar bli innkalla til intervju. Før det vert gjeve endeleg innstilling, vert kandidatane i tillegg beden om å halde ei prøveforelesing. I den samla vurderinga av søkarane vil og personlege eigenskapar bli lagt vekt på.

Det er ein føresetnad at den som vert tilsett, buset seg slik at vedkommande kan vere til stades ved, og tilgjengeleg for, fagmiljøet på arbeidsplassen i ordinær arbeidstid.

Nærmare opplysningar

Stillingsomtala gir nærmare greie for fagområde og aktuelle arbeidsoppgåver. Nærmare opplysningar om stillinga får ein ved å vende seg til senterleiar Tarja Tikkanen, tlf 5183 1288/4131 4343, epost tarja.tikkanen@uis.no.

Opplysningar om tilsetjingsprosessen får ein ved å venda seg til HR-rådgjevar Grete Marnburg, tlf 5183 3545, epost grete.marnburg@uis.no.

Søknad

Søk stillinga elektronisk via Søk stillinga på denne sida. Her registrerast søknadsbrev, relevant utdanning og erfaring. Følgjande dokument lastast opp som vedlegg til søknaden, i separate filer:

• CV med fullstendig oversikt over utdanning og erfaring
• Relevante vitnemål og attestar
• Fullstendig liste over vitskaplege arbeid.
• Inntil 10 arbeid som dokumenterer undervisnings- og utdanningsfagleg kompetanse, sjå Retningslinjer for vurdering av undervisningskompetanse
• Inntil 10 vitskapelege arbeid som er sentrale i forskingsproduksjon din
• Dokumentasjon på annan aktivitet som vurderast relevant i forhold til stillingas krav.

Dokumentasjonen må vere på eit skandinavisk språk eller engelsk. Dersom vedlegga overskrid 30 MB til saman, må dei komprimerast før dei vert lasta opp.

Opplysningar og dokumentasjon som det skal tas omsyn til ved vurderinga, må vere registrerte innan søknadsfristens utløp. Kontaktinformasjon til tre referansepersonar må førast opp i søknaden eller på førespurnad.

Vi gjer merksam på at opplysningar om søkar kan bli offentleggjort sjølv om søkar har bede om ikkje å bli oppført på offentleg søkarliste, jf. offentlighetsloven § 25.

Stillingsomtale - førsteamanuensis i pedagogikk/spesialpedagogikk/pedagogisk psykologi

Læringsmiljøsenterets strategi for 2017-2020 bygger på arbeidet på fire tematiske hovudområde: (i) mangfald og inkludering, (ii) læringsmiljø og psykisk helse, (iii) innovasjonsarbeid i læringsmiljø, og (iv) læringsmiljø og barnehage. Den som vert tilsett må ha erfaring i eit av dei tre første områda. Det er særleg ønskeleg med erfaring i områda (i) mangfald og inkludering og (ii) læringsmiljø og psykisk helse.

Senteret har fleire spennande forskings- og utvikiklingsprosjekt i gang innan dei fire strategiske satsingsområda. Alle prosjekta våre bygger på samarbeid, både internt og eksternt, nasjonalt og i aukande grad internasjonalt. Den som vert tilsett vil inngå i eit tverrfagleg team med forskarar og praktikarar. I læringsmiljøsenterets arbeid nyttast det eit mangfald av metodar og tilnærmingar, og den som vert tilsett må vere open for ulike metodar i forsking og praksis.

Stillinga krev gode samarbeidsevner, fleksibilitet og ein positiv haldning og vilje til å bidra til eit konstruktivt arbeidsmiljø.

Fagområde

Fagområdet for stillinga er pedagogikk/spesialpedagogikk/pedagogisk psykologi, med arbeidsoppgåver retta mot forskings- og utviklingsarbeid innan læringsmiljø med hovudvekt på skule, samt oppdragsverksemd for nasjonale myndigheiter. Søkaren må dessutan ha kunnskap og røynsle med kvantitative og kvalitative forskingsmetodar, inkludert systematiske observasjonar. Røynsle med undervisning, samt rettleiing av studentar er viktig, i tillegg til skuleutviklingsarbeid knytt til tematikken som det er synt til.

Senteret har ulike oppgåver som krev prosjektleiing, og dette kan kome til å bli aktuelt også for denne stillinga. FoU-arbeid vil bli ein del av arbeidsoppgåvene. Det er ein fordel om søkaren har erfaring fra søknadsskriving til eksternt finansiert FoU-arbeid. Den som vert tilsett, vil i samarbeid med kollegar rettleie skular i deira arbeid med utvikling av eit godt læringsmiljø, samt å utviklie digitalt materiell og nettressursar. Den som vert tilsett må ha god kjennskap til det norske utdanningssystemet. Senteret sitt oppdrag kan over tid endre seg, og den tilsette må vere villig til å setje seg inn i og arbeide mot andre områder innan utdanningsløpet.

Den som bler tilsett, skal saman med kollegar yte dei tenester som senteret tek på seg. Det vil innebere både faglege og administrative oppgåver. Det vil vere noko reiseverksemd knytt til stillinga.

Organisatorisk plassering

Tilsettinga gjeld generelt ved Universitetet i Stavanger. Stillinga er organisatorisk plassert ved Fakultet for utdanningsvitskap og humaniora, Læringsmiljøsenteret avdeling Stavanger.

Informasjon om eininga kan ein finna på nettsidene våre. Førsteamanuensis vil kunna delta i forskingsfellesskap på tvers av organisatoriske einingar.

Aktuelle oppgåver

Førsteamanuensis skal saman med det andre vitskapelege personalet ivareta:

Utdanning

• Bidra til utvikling av fagleg sterke og relevante utdanningsprogram.
• Vidareutvikla og styrkja dei faglege omdøma til utdanningsprogramma gjennom å gi undervisning og rettleiing av høg kvalitet, på bachelor-, master- og doktorgradsnivå.
• Bidra i og utvikla aktuelle etter- og vidareutdanningstilbod.
• Legge til rette for læringa til studentane i tråd med studieprogrammas læringsmål.
• Drive pedagogisk utvikling og læremiddelproduksjon.
• Inngå i kontinuerlege kompetansehevingsprosessar knyta til undervisning og rettleiing.
• Bidra ved utvikling av nye undervisningsmetodar og bruk av ulike digitale læringsressursar.
• Gjennomføra studentevalueringar og driva kontinuerleg utvikling av kvaliteten til utdanninga.

Forsking og innovasjon

• Forske, drive fagleg utviklingsarbeid innanfor fagområdet.
• Initiere, skaffe ekstern finansiering til, leie og gjennomføre forskings- og utviklingsprosjekt.
• Drive aktuell næringsretta, profesjonsretta og/eller samfunnsrelevant forsking, også på oppdrag frå, og i samarbeid med samfunns- og arbeidsliv.
• Delta i og utvikla forskingsfellesskap frå universitetet - programområde eller forskargrupper.
• Involvere studentar i forskings- og utviklingsarbeid
• Bidra til innovasjon og verdiskaping basert på resultat frå forsking og fagleg utviklingsarbeid.
• Involvere studentane i entreprenørskapsaktivitetar og bidra til å utvikle deira entreprenørskapskompetanse.
• Etablere nettverk og samarbeid med forskarar nasjonalt og internasjonalt

Formidling og samfunnskontakt

• Formidle forskingsresultat i norske og internasjonale publiseringskanalar.
• Drive populærvitskapeleg formidling.
• Bidra på fagleg anerkjende konferansar, nasjonalt og internasjonalt.
• Delta i fag- og samfunnsdebatten.
• Bidra til utvikling av samarbeid med samfunns-, kultur- og arbeidsliv
• Bygge og ivareta eit breitt nettverk med privat og offentleg sektor, nasjonalt og internasjonalt

Administrasjon

• Delta i fagstrategisk arbeid og ved å utarbeida nye undervisningsemne/fagfelt.
• Legge til rette for eksamen, delta ved sensur.
• Delta i sakkyndige komitear og interne vurderingskomitear.
• Ta vare på verv i nasjonalt og internasjonale komitear, samt i råd og utval ved UiS.

Det forventast at den som blir tilsett støttar opp om og deltar i restn av aktiviteten ved fakultetet og kan ta på seg oppgåver på tvers av senter/institutt- og fakultetsgrenser.

Fordeling av arbeidsoppgåver vert fastsett årleg i arbeidsplanm dette i samsvar med universitetet sine retningslinjer for arbeidsplanlegging.

Kompetanseutvikling

UiS forventar at alle vitskapeleg tilsette driv kontinuerlig kompetanseheving av eiga undervisnings- og forskingsverksemd.

Førsteamanuensis skal det første året delta på universitetet sitt kollegabaserte rettleiingsprogram, NyTi.

Førsteamanuensis som ikkje kan dokumentera tilstrekkeleg pedagogisk og didaktisk kompetanse knytt til høgare utdanning, må delta på universitetspedagogisk kurs innan to år frå tiltreding.

Førsteamanuensis som ikkje kan norsk eller eit anna skandinavisk språk, må tileigna seg norskkunnskapar tilsvarande nivå B2 (i samsvar med felles europeisk rammeverk for språk) innan ein periode på to år frå tiltreding.

Førsteamanuensis kan søkja forskingstermin med lønn i samsvar med universitetet sine Retningslinjer for tildeling av forskingstermin .

Førsteamanuensis kan søkja kvalifikasjonsopprykk til professor i samsvar med Forskrift om ansettelse og opprykk i undervisnings- og forskerstillinger § 2-2