Fast stilling som rådgjevar/seniorrådgjevar

Høgskulen har ledig stilling som rådgjevar/seniorrådgjevar ved Campus Sogndal. Stillinga vil få utfordrande og spanande oppgåver knytt til utvikling av studiekvalitet og systematisk kvalitetsarbeid og handsaming av studentsaker i høve gjeldande forskrifts- og regelverk.

Stillinga er ledig frå 1. desember 2017.

Kvalifikasjonar

Søkjarar bør ha fullført mastergrad, god kjennskap til høgre utdanning og erfaring med administrative arbeidsoppgåver. Den som vert tilsett må like å skrive, og kunne skrive godt på norsk og engelsk.

Høgskulen er for tida under omorganisering og organisatorisk plassering av stillinga blir avklart på nyåret 2018. Arbeidsstad vil vere Sogndal. 

Tilsetjingsvilkår

Stillinga er løna etter Statens lønsregulativ som rådgjevar/seniorrådgjevar etter ansiennitet og kompetanse.

Høgskulen har tenestepensjonsordning og det vert trekt lovfesta innskot til Statens pensjonskasse. Tilsetjing skjer på dei vilkår som følgjer av Lov om statens tenestemenn og dei reglement som til ei kvar tid gjeld i høgskulen. Me tilbyr fleksible arbeidsvilkår.

Den statlege arbeidsstyrken skal spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og å rekruttere personar med ulik nasjonal- eller etnisk bakgrunn. Høgskulen er ei IA bedrift. Me oppmodar derfor alle kvalifiserte til å søke. Arbeidsspråket er norsk.

Nærare informasjon om stillinga får du ved å venda deg til viserektor for utdanning Terje Bjelle, tlf 57676130/ 99168189 terje.bjelle@hvl.no. Du finn meir informasjon om høgskulen på www.hvl.no

Søknad med CV og vitnemål skal sendast elektronisk via (Søk denne stillinga) på denne sida.