Administrativ koordinator (rådgjevar) ved Senter for internasjonal helse og Globale samfunnsutfordringar

Ved Senter for internasjonal helse, Institutt for global helse og samfunnsmedisin, er det ledig ei fast 100 % stilling som administrativ koordinator for tverrfaglege aktivitetar knytt til Senter for internasjonal helse og det strategiske satsingsområdet Globale samfunnsutfordringar ved Universitet i Bergen. Det er ynskjeleg med snarleg tilsetting.

Senter for internasjonal helse (SIH) er etablert som eit tverrfagleg og interfakultært senter ved Det medisinske fakultet (MED), lokalisert ved Institutt for global helse og samfunnsmedisin. SIH har i dag om lag tjue tilsette i vitskaplege stillingar i Bergen, og i tillegg mange forskarar tilknytt prosjekt i utlandet. Sentralt ved SIH er undervisning av medisinstudentar i global helse, forskarskulen i global helse, med ca. 70 doktorgradskandidatar og 40 mastergradskandidatar. Arbeidet på SIH er for ein stor del knytt til kompetansebygging ved samarbeidsuniversitet i Afrika og Asia. SIH har eit senter for framifrå forsking, Centre for Intervention Science in Maternal and Child Health (CISMAC).

Globale samfunnsutfordringar er eit av tre strategiske hovudsatsingsområder ved Universitetet i Bergen, fram mot 2022. Satsinga er forankra ved Det medisinske fakultet, Institutt for global helse og samfunnsmedisin, Senter for internasjonal helse. Denne stillinga er sentral i denne nye satsinga og skal bidra til å tilrettelegging for støttefunksjoner for relevante fagmiljø på tvers av fakultetsgrensene. Faglege hovudtema i den strategiske satsinga er migrasjon, helse og ulikheit.

Sentrale arbeidsoppgåver

• Administrativ koordinering av den strategiske satsinga Globale samfunnsutfordringar i samhandling med Senter for internasjonal helse

• Arbeidsleiaransvar for dei administrativt tilsette ved IGS som har arbeidsoppgåver knytt til desse to einingane ved instituttet.

• Støtte leiar ved SIH i å koordinere sentret si verksemd i samsvar med vedtak i styringsgruppa for SIH og strategigruppa for den strategiske satsinga

• Ta del i planlegging og drift av aktuelle oppgåver for satsinga av senteret, til dømes forskningsadministrasjon; prosjektgjennomføring og prosjektstyring , Ressurs-senteret som drives i samarbeid med CMI, Bergen Summer Research School og nettverket Global Helse Norge.

• Andre administrative oppgåver kan også leggjas til stillinga

• Arbeidet krev tett samarbeid med administrasjonssjefen ved IGS, som er næraste overordna, men på daglig basis skal den som får stillinga rapportera til leiar for SIH.

Kvalifikasjonskrav:

• Høgare utdanning på mastergradnivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.

• Leiarerfaring og erfaring frå administrativt arbeid relatert til globale utfordringar .

• Kjennskap til og erfaring frå administrativt arbeid i universitet- høgskule-/instituttsektoren, god organisasjons- og rolleforståing, god forståing for vitskapeleg verksemd og erfaring frå samarbeid mellom institusjonar nord/sør.

• Gode kommunikasjonsferdigheter på både engelsk og norsk.
  

Personlege eigenskapar

Søkjar må ha gode samarbeidsevner, og må kunne arbeide sjølvstendig, strukturert og målretta, og må ha evne til å organisere, koordinere og prioritere eit bredt spekter av oppgåver. Ho/han må vere fleksibel og serviceorientert. Søkjar må trivast i ein hektisk arbeidskvardag i eit internasjonalt miljø, til tider med stort arbeidspress. I periodar kan det verta noko reiseverksemd i inn- og utland. I vurderinga av søkjarane vert det lagt stor vekt på dei personlege kvalifikasjonane som trengst i stillinga.

Vi kan tilby:

• Løn som rådgjevar (kode 1434) i lønssteg 57-60 etter kvalifikasjonar (for tida kr 490 900 - 517 700) i det statlege lønsregulativet. For særleg kvalifisert søkjar kan det vere aktuelt å vurdere høgare løn.

• Utfordrande arbeidsoppgåver i eit internasjonalt kompetansemiljø med gode vilkår for faglig og personlig utvikling

• Medlemsskap i Statens pensjonskasse

• Stilling i ei inkluderande arbeidslivsverksemd (IA-verksemd)

• Gode velferdsordningar
  

Generell informasjon

Utfyllande opplysningar om stillinga kan ein få ved å ta kontakt med senterleder/ professor Bente E. Moen, tlf. 90025541 eller administrasjonssjef Siri Smith tlf. 928 85 742.

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning.  Personar med innvandrarbakgrunn og personar med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Slik søkjar du stillinga

Send søknad elektronisk via lenkja Søk stillingen på denne sida.

Søknaden skal innehalde:

• søknadsbrev der du skriv noko om din motivasjon for stillinga, kvifor du søkjer og kvifor du passar til stillinga

• oversikt over utdanning og arbeidserfaring (CV)

• attesterte kopiar av vitnemål og relevante attestar

• to referansar (namn og kontaktinformasjon)

Søknadane vert sendt elektronisk til nemnda som skal vurdere desse.

Vi gjer merksam på at søknadar vert vurdert med den informasjonen som ligg føre i Jobbnorge når søknadsfristen går ut. Det er søkjar sitt ansvar at alle relevante vedlegg er lagt inn innan fristen.

Søknadar på e-post vil ikkje verte vurderte.