Rådgjevar/førstekonsulent samfunns- og arealplanleggar

Rådgjevar/førstekonsulent samfunns- og arealplanleggar

I planstaben til fylkesrådmannen er det ledig stilling som rådgjevar/førstekonsulent innan fagområdet samfunns- og arealplanlegging. Planstaben er ein aktiv plan- og utviklingsaktør som saman med kommunane, statlege etatar, næringsliv og organisasjonar arbeider med plan- og utviklingstiltak i fylket.

Arbeidsoppgåver vil vere:

• Regional planlegging der oppgåvene er knytt til å organisere og gjennomføre planprosessar, i samarbeid med statlege etatar, regionale instansar, kommunar og organisasjonar
• Støttespelar og rådgjevar for kommunane ved kommunal planlegging
• Vidareutvikle Planforum som eit viktig verktøy og møteplass
• Bidra med handsaming og fråsegner til kommunale planar

Vi krev:

• Mastergrad innan samfunns- og/eller arealplanlegging, ev. geografi, samfunnsgeografi eller landskapsarkitekt. Anna dokumentert relevant realkompetanse kan erstatte utdanningskravet

Vi vektlegg:

• Erfaring frå arbeid med samfunns- og arealplanlegging på lokalt og regionalt nivå. Godt kvalifiserte nyutdanna vil òg verte vurderte
• God kunnskap om plan- og bygningslova
• Kunnskap om offentleg forvaltning
• Interesse for regionalpolitikk og berekraftig utvikling
• Prosesskompetanse
• Gjennomføringsevne
• Samfunnsengasjert
• Gode samarbeids- og kommunikasjonsevner
• God norsk skriftleg og munnleg framstillingsevne 

Vi kan tilby:

• Løn etter avtale
• Gode forsikrings- og pensjonsvilkår
• Fleksibel arbeidstid
• Hjelp til å skaffe bustad. Dekking av flytteutgifter

Fylkeskommunen nyttar nynorsk. Arbeidsstaden er Fylkeshuset på Leikanger.

På heimesida vår: http://www.sfj.no finn du meir informasjon om fylkeskommunen.

Nærare opplysningar får du hjå plansjef Synnøve Stalheim, tlf. 478 97 260.  

Opplysningar om søkarane kan bli offentleggjort sjølv om søkaren har bedt om å vere unnateke søkarlista. Søkar vil bli orientert om dette på førehand. Kopi av vitnemål og attestar tek du med deg til eit ev. intervju.

Søknad sender du ved å nytte elektronisk søknadsskjema.

Søknadsfrist 20. august 2017.