Spesialkonsulent landbruk

Stryn kommune har ledig ei 100 % fast stilling som spesialkonsulent innan landbruksforvaltning. Stillinga ligg under avdeling berekraft og næring, etat samfunnsutvikling.

Du vil få varierte og spanande arbeidsoppgåver med fokus på rettleiing, sakshandsaming og forvaltning av landbruket.

Arbeidsoppgåver

• Rettleiing og sakshandsaming av aktuelle tilskotsordningar i landbruket (produksjonstilskot, avløyserordningar, miljøtiltak)
• Kontroll- og tilsynsoppgåver knytt til jordbruk, skogbruk og kulturlandskap
• Forvaltning av jordlov og konsesjonslov
• Handsaming av saker knytt til landbruksvegar
• Skogbruksforvaltning og oppfølging av utmarksforvaltning
• Dialog og samarbeid med lokale landbruksforetak, næringsaktørar og andre offentlige etater
• Veterinærkontakt
• Viltforvalting
• Det kan bli aktuelt å delta i prosjekt og utviklingsarbeid

Kvalifikasjonar

• Relevant utdanning frå høgskule (f.eks skogbruk, agronomi, utmarksforvaltning, naturforvaltning eller jordskifte)
• Relevant erfaring kan kompansere for manglande formell utdanning
• Erfaring frå offentleg forvaltning er ein fordel
• God skriftleg og munnleg framstillingsevne. Kommunen sitt målføre er nynorsk.
• God kjennskap og evne til bruk av digitale verktøy
• Førerkort klasse B.

Personlege eigenskapar

• Du er strukturert, nøyaktig og løysingsorientert
• Evne til å arbeide sjølvstendig men også å kunne samarbeide i team
• Gode evner til kommunikasjon både internt og eksternt

Vi tilbyr

• Varierte og meiningsfulle arbeidsoppgåver
• Eit triveleg og tverrfagleg arbeidsmiljø
• Gode moglegheiter for fagleg utvikling
• Fleksibel arbeidstid og gode pensjonsordningar
• Arbeidsstad i naturskjønne Stryn – der fjord møter fjell

Moglegheit for nedskriving av studielån gjennom Lånekassen si distriktsordning, til ein kvar tid gjeldande reglar. For tida kr 25.000,- for buande i Stryn kommune.

Stryn kommune ser på inkludering og mangfald som ein styrke. Vi ønskjer medarbeidarar med ulike kompetansar, livserfaring og perspektiv. Ved behov vil vi så langt som mogleg legge til rette for tilpassing av utstyr, endring av rutinar og arbeidsoppgåver mm.

Vi oppmodar alle som er kvalifisert til stillinga om å søke, uavhengig av kjønn, alder, etnisitet, funksjonsnivå eller legning. Det same gjeld dersom ein har hatt eit lengre opphald frå arbeidslivet.

Stryn kommune er med sine om lag 7 250 innbyggjarar sentralt plassert i ein større bu- og arbeidsregion i Nordfjord. Her er omfattande turisme, eit rikt kulturliv og gode oppvekstvilkår for born og unge. Det er eit ekspansivt næringsliv med etterspurnad etter ulik type arbeidskraft. Næraste flyplass er Ørsta - Volda eller Sandane.