Vil du vere ein del av vaktlaget til Brann og redning?

Har du eit ønskje om å bidra til å styrkje beredskapen og gjere ein forskjell i nærområde ditt og i Bjørnafjorden kommunen?

Bjørnafjorden brann og redning har ledig 2 x 3% faste stillingar som brannkonstabel i dreiande vakt ved beredskapsavdelinga i Eikalandsosen.

Ved behov kan vi òg tilby avtale som tilkallingsvikar.

Bjørnafjorden brann og redning består av tre brannstasjoner, Os brannstasjon, Eikelandsosen brannstasjon og industri brannvesenet på Framo på Venjaneset.
Vaktordninga er organisert med 4 vaktlag som har heimevakt kvar 4. veke mandag til mandag. Det vil sei at du må vere i beredskap heile døgnet den veka du har vakt. 
3% stillinga utgjer 58,5 øvingstimar pr år i tillegg til heimevakta. 
Du må ha bustad maks 15 minutter frå Eikelandsosen brannstasjon i tråd med avstandskravet etter gjeldande brannordning.

Arbeidsstad
Brannstasjonen i Eikelandsosen
Adr: Eikelandsheiane 2

Arbeidsoppgåver

• Brannkonstabel ved brann, ulukke og andre redningsoppdrag
• Systematisk øving og trening for å oppretthalde naudsynt kompetanse
• Halde seg oppdatert på IKT-system og HMS-føringar
• Bidra til å utvikle og oppretthalde ein god organisasjonskultur og eit godt arbeidsmiljø
• Bidra til at Bjørnafjorden brann og redning er synleg og tilstades for innbyggjarane på ein god måte
• Andre oppgåver kan bli tillagt stillinga

Du deltar i dreiande vaktordning (heimevakt) kvar fjerde veke, samt må bære radioterminal på fritida.

Uttømmende politiattest krevst ved tilsetjing i samsvar med Brann- og eksplosjonsvernslova, kap. 2, § 18. Politiattest

Kvalifikasjonar

• Du har fagbrev og/eller relevant arbeidserfaring
• Du må ha god fysisk og psykisk helse og årleg gjennomføre fysisk test
• Du må kunne tilfredstille krava til å vere røykdykkar
• Du må ha førarkort minimum klasse B
• Du må pårekne å ta førarkort klasse C for eigen rekning innan 1 år om du ikkje har dette fra før
• Du må vere svømmedyktig
• Du må ha gode muntlege og skriftlege norskkunnskapar

Det er ønskjeleg at du har

• Gjennomført yrkesutdanning for brannkonstablar i henhold til gjeldande reglar
• Erfaring frå beredskapsarbeid
• Førstehjelpskompetanse
• Kode 160
• Avtent førstegongsteneste

 Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet

Det vert lagt vekt på dine personlege eigenskapar og evne til å arbeide i team.
Alle kandidatar som går vidare i rekrutteringsprosessen må gjennom eit fysisk opptak.

Vi tilbyr

• Faglege og personlege utfordringar i eit godt og inspirerande arbeidsmiljø
• Gunstig pensjonsordning, yrkesskade- og gruppelivsforsikring
• Løn etter gjeldande avtalar
• Vi arbeidar for å få etablert heiltidskultur i kommunen
  

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.