Tannlege ved Ålesund kompetanseklinikk

Vi har ledig fast 100 % stilling som tannlege ved Ålesund kompetanseklinikk.

Ålesund kompetanseklinikk er ein av dei største offentlege tannklinikkane i landet, med moderne og godt utstyrte behandlingslokale sentralt i Ålesund. Klinikken tilbyr kompetansebasert behandling til prioriterte pasientgrupper, med høg vekt på kvalitet, fagleg utvikling og pasienttryggleik. Med om lag 13 000 pasientar og 40 tilsette fungerer klinikken òg som henvisningspraksis for dei offentlege tannklinikkane i Ålesundsregionen.

Arbeidsoppgåver

Varierte kliniske arbeidsoppgåver med alle pasientgrupper. Arbeidsoppgåver er hovudsakeleg klinisk virke med odontologisk undersøkingar og behandling. I tillegg omfattar stillinga òg administrative oppgåver, kontakt med pasientar, pårørande og andre samarbeidspartar.

Kvalifikasjonar

• Norsk autorisasjon som tannlege.
• God kommunikasjonsevne på norsk/skandinavisk, både munnleg og skriftleg
• Forståing for det helsefaglege samfunnsoppdraget, kvalitetssikring og pasientsikkerheit.

Personlege eigenskapar

• Trivst med å jobbe med og for menneske
• Jobbar effektivt og sjølvstendig
• God samarbeidsevne, er serviceinnstilt og løysingsorientert
• Ønsker å bidra til eit positivt og utviklande arbeidsmiljø

Vi tilbyr

• Ein god jobb der du kan utvikle deg
• Lønn etter avtale
• Oppdatert og fin tannklinikk
• Eit fagleg nettverk med påfyll av kompetanse
• Trivelege medarbeidarar og godt miljø
• Introduksjonsprogram for alle våre nye kollegaer
• Ein stor og solid organisasjon i ryggen og leiarar som heier på deg
• Trygge pensjons- og forsikringsordningar (gjennom KLP)

Anna
Vi har som mål å spegle mangfaldet i befolkninga. Alle med kompetansen vi etterspør er velkomne til å søkje ledig stilling hos oss.
Den som vil bli tilsett må levere politiattest

Bli med å utvikle regionen saman med oss!

Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit.

Møre og Romsdal fylkeskommune ønskjer medarbeidarar som tek ei aktiv, engasjert, reflektert og ansvarleg rolle i organisasjonen vår. Hos oss møtast menneskjer med ulik kompetanse- og utdanningsbakgrunn for å skape gode tenester til våre innbyggarar.

Møre og Romsdal fylkeskommune er oppteken av mangfald, og vi oppfordrar difor alle som er kvalifisert i henhald til stillingas krav, til å søkje hos oss. Vi tilpassar arbeidsplassen om du har behov for det.

For tilsetting i skole og tannhelsetenesta krevst det politiattest av kandidater som får tilbud om stilling.


Dersom det kjem fram av din søknad at du ønskjer konfidensiell handsaming, gjer vi merksam på følgjande: Opplysningar om søkar kan gjerast offentleg sjølv om søkar har bedt om konfidensiell behandling.

Søker vil da få tilsendt informasjon om dette jf. offentleglova § 25.

Sjå korleis det er å jobbe i tannhelsetenesta i Møre og Romsdal

Interessert i jobb i den offentlege tannhelsetenesta i Møre og Romsdal?

• Ønsker du spennande utfordringar i eit av landets vakraste fylke?
• Blir du motivert av å jobbe for - og med - menneske?
• Ønsker du eit meiningsfylt arbeid med varierte pasientgrupper?
• Vil du vere ein del av eit fagleg nettverk og ein organisasjon som opptatt av læring, samarbeid og tillit?
  
  

Vi treng deg i det viktige samfunnsoppdraget vårt!