Avdelingssjef

Vil du jobbe med teknologi som reddar liv?

Drift og eigedom i Helse Førde søkjer ein engasjert og løysingsorientert avdelingssjef til ei spennande stilling ved Medisinsk teknisk avdeling ved Førde sentralsjukehus. Dette er ei unik moglegheit for deg som ønskjer å kombinere teknologifagleg kompetanse med strategisk leiing – i eit fagfelt som er i rask utvikling og avgjerande for moderne pasientbehandling.

Om avdelinga
Medisinsk teknisk avdeling har ti tilsette og er i dag organisert under klinikk for Drift og eigedom i Helse Førde. Avdelinga har tilsette i sjukehusa på Nordfjordeid, i Lærdal og Førde og har ei nøkkelrolle i å sikre drift, forvaltning og utvikling av medisinteknisk utstyr i føretaket.

Avdelingssjef rapporterer direkte til direktør for Drift og eigedom. Avdelinga har heimevaktordning.

Kvifor velge oss?
Hos oss får du ein variert og engasjerande arbeidskvardag med ansvar for dyktige ingeniørar med allsidig kompetanse. Du blir ein del av eit kompetent og triveleg fagmiljø lokalt, regionalt og nasjonalt. Du får delta i ei rivande utvikling innan medisinsk teknisk teknologi.

Sunnfjord har mykje å tilby: Jobbe, leve og bu i Sunnfjord!

Vi ser fram til å høyre frå deg! Stillinga er ledig for tilsetjing frå 01.10.2026.

Arbeidsoppgåver

Sentrale arbeidsoppgåver for stillinga er:

• Leie og utvikle avdelinga i tråd med Helse Førde sine mål og strategiar
• Sikre forsvarleg drift og vedlikehald av medisinsk teknisk utstyr
• Ansvar for investeringar, anskaffingar og livsløpsforvaltning av utstyr
• Personal-, fag- og økonomiansvar for avdelinga
• Samarbeide tett med kliniske avdelingar for å sikre gode tenester
• Brei kontakt med leverandørar og brukaravdelingar
• Følgje opp krav innan kvalitet, pasienttryggleik og regelverk

Kvalifikasjonar

Ved val av kandidat vil følgjande kvalifikasjonar bli vektlagt:

• Må beherske norsk og engelsk skriftleg og munnleg
• Erfaring med økonomistyring og prosjektleiing
• Leiarerfaring, gjerne frå teknisk verksemd
• God systemforståing
• Erfaring frå arbeid med medisinteknisk utstyr er ein fordel, men ikkje eit krav
• Godkjenning /samtykke for å jobbe sjølvstendig med utstyret er ønskjeleg, men ikkje eit krav.

Utdanningsretning

• Elektronikk/IKT/elektro/automasjon

Utdanningsnivå

• Høgskule/bachelorgrad
• Fagskule/fagbrev
  

Personlege eigenskapar

Vi legg stor vekt på personlege eigenskapar, og ser spesielt etter desse eigenskapane:

• Evne til å jobbe systematisk og sjølvstendig, gode kommunikasjonsevner og positiv innstilling
• Tydeleg og inkluderande leiarstil
• Strategisk og løysingsorientert
• Strukturert og gjennomføringssterk
• Serviceinnstilt og evne til å motivere og utvikle dei tilsette

Vi tilbyr

• Lønn etter avtale
• Gode pensjons- og forsikringsordningar
  
• Triveleg arbeidsmiljø
  
• Eit kompetent og engasjert fagmiljø
• Hjelp med bustad, oppgi i søknaden dersom det er ønskeleg
• Gode moglegheiter for fagleg og personleg utvikling

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.