Vil du jobbe med fornybar energi og utvikling av kraftnettet?

Om stillingane

Energidepartementet (ED) søkjer medarbeidarar innan fornybar energi og kraftnett. Arbeidsoppgåvene vil i hovudsak vere knytt til arbeidet med konsesjonshandsaming av kraftleidningar, vindkraftverk, solkraftverk og andre konsesjonspliktige tiltak innafor energi- og vassdragslovgivinga. Stillingane vil òg gi høve til å arbeide med sentrale rammevilkår for etablering av slike anlegg, som lover, forskrifter, retningsliner mv. Stillingane vil vere i Energi- og vassressursavdelinga i Seksjon for energikonsesjonar.

Seksjon for energikonsesjonar arbeider med konsesjonshandsaming av vindkraftverk, solkraftverk, kraftleidningar og andre energianlegg, og tilhøyrande regelverk og rammevilkår og generelle problemstillingar knytt til utbygging av fornybar energi. Seksjonen arbeider òg med oppfølging av kjernekraftutvalet sin NOU og andre spørsmål knytt til kjernekraft.

Seksjonen har omfattande kontakt med andre departement, NVE og anna statleg og kommunal forvaltning, energibransjen og ulike organisasjonar. Seksjonen drar regelmessig på synfaring i samband med sakshandsaming. 

I tillegg til ein fast stilling, er det ledig eit vikariat. 

Arbeidsoppgåver

Stillingane vil primært omfatte arbeide med handsaming av konsesjons- og klagesaker for nett, vind, sol og andre tiltak innafor energilova sitt verkeområde. Konsesjonshandsaminga inneber avveging av fordelar og ulemper av tiltak, der departementet mellom anna vurderer omsynet til ulike interesser. Konsesjonssakene handsamast i krysninga mellom fag og politikk og innanfor politiske, juridiske og økonomiske rammevilkår. Arbeidet inneber òg å utarbeide svar på høyringssaker, spørsmål frå Stortinget, utgreiingsarbeid og tilsvarande. Du vil i tillegg kunne delta i arbeidet med lov- og forskriftsendringar og andre rammevilkår knytt til konsesjonshandsaming. Arbeidsoppgåvene kan i nokon grad tilpassast den einskilde sin kompetanse og interesser. 

Kvalifikasjonar

Det er krav om master i rettsvitskap eller juridisk embetseksamen med gode resultat. Personlege eigenskapar og relevant erfaring knytt til sakshandsaming, utgreiing eller interesse innan natur, energi, miljø, ressursøkonomi og offentleg forvaltning vil bli vektlagt. Nyutdanna er oppfordra til å søke.

Stillingane krev evne til å arbeide strukturert og analytisk, evne til å arbeide sjølvstendig, god munnleg og skriftleg formuleringsevne og gode evner til kommunikasjon og å finne løysingar i samarbeid med andre. Mange av oppgåvene våre har kort tidsfrist, noko som krev fleksibilitet og evne til å prioritere. Vi er opptekne av å ta vare på det gode arbeidsmiljøet vårt og ser etter deg som bidrar positivt til miljøet rundt deg. 

Vi treng di energi! 

Vi tilbyr

Vi ønskjer deg velkomen inn i eit arbeidsfellesskap med dyktige kollegaer som er stolte av jobben sin. 

Vi tilbyr:

• Stillingar som vil gje god oversikt over forvaltninga av Noreg sine vass og energiressursar og dei statlege forvaltningsoppgåvene innan energi- og vassdragssektoren. 
• Mogelegheit for å påverke viktige avgjerder innan dagsaktuelle tema. 
• Fleksibel arbeidstid, mogelegheit til trening i arbeidstida, lønna overtid og god pensjonsordning. 
• Årslønn i spennet kr. 580 000 - 870 000. Høgare lønn kan vurderast for særleg kvalifiserte søkarar.

Generell informasjon

Søknad: Vitnemål, karakterutskrifter og relevante attester må leggast ved søknaden. 

Søkarliste: Opplysningar om søkarane kan offentleggjerast sjølv om du har bedt om å bli unntatt frå søkarlista, i samsvar med offentleglova § 2. 

Bakgrunnssjekk: Vi utfører bakgrunnssjekk på kandidaten som skal tilsettast. Tilsetting føreset at denne blir godkjend. Den som vert tilsett må kunne autoriserast for behandling av informasjon gradert BEGRENSA.

Mangfold og inkludering: Energidepartementet meiner inkludering og mangfald er ein styrke, og ønsker medarbeidarar med ulik kompetanse, fagkombinasjon, livserfaring og perspektiv for å bidra til å løyse oppgåvene våre endå betre.

Skriftspråk: Bokmål og nynorsk er likestilte skriftspråk. Som offentleg verksemd skal Energidepartementet ha nødvendig kompetanse til å bruke begge målformene. Det er viktig at medarbeidarane våre kan bidra til dette

Du kan lese meir om rekrutteringsprosessen vår og korleis det er å jobbe i Energidepartementet på www.jobbienergidepartementet.no (http://www.jobbienergidepartementet.no/)

Hovudoppgåva til Energidepartementet er å leggje til rette for ein samordna og heilskapleg energipolitikk. 

Eit overordna mål er å sikre høg verdiskaping gjennom effektiv og miljøvenleg forvaltning av energiressursane.