Barnevernstenesta

Barnevernstenesta i Øygarden er organisert under kommunalsjef for Oppvekst. Tenesta har 58 stillingar og er delt inn i team for einslege mindreårige flyktningar, mottak, tiltak/undersøking, miljørettleiarar, ettervern, omsorg og stab. Det er stort fokus på å utvikle sjølvstende gjennom teamarbeid. Samhandling på tvers av dei ulike hjelpeinstansane skal prege kommunen sitt samla tenestetilbod.

Vi søkjer:
Fagutviklar for avdeling omsorg, fast stilling.

Har du lyst til å bidra til utviklinga av framtidas fosterbarnsomsorg i Øygarden barnevernteneste? Brenner du for barnevernsfaget, er fagleg engasjert og har sterk driv for implementering og utviklingsarbeid? Som fagutviklar i vår teneste får du ei sentral rolle i vidareutviklinga av ei fosterbarnsomsorg som byggjer på heilskap, samanheng, systematikk og individuell tilrettelegging med barnet sitt behov i sentrum.

Vi søkjer ein trygg og erfaren fagperson som trivst i fagleiarrolla og evnar å kombinere solid barnevernsfagleg og juridisk forståing med tydeleg støtte til kollegaer i krevjande vurderingar og komplekse prosessar. Du anerkjenner kontaktpersonane som tenesta si viktigaste ressurs, og blir motivert av å spele andre gode - gjennom fagleg rettleiing, struktur og god relasjonsleiing. Har du eit brennande engasjement for å konkretisere komplekst fag, fremje trygge menneskemøte og forsvarleg forvaltning i tråd med lovverk og faglege føringar samstundes som du verdset tverrfagleg samarbeid og tydelege rutinar trur vi denne stillinga vil passe deg godt.

Landsbymodellen er utvikla for å gjera krevjande endringskrav forståelege og moglege å bruka i det kommunale barnevernet. Modellen gir ei heilskapleg forståing av kvifor endring er nødvendig, og fungerer som eit rammeverk for systematisk og samordna oppfølging av barn og familiar. I arbeidet er både barnevernfaglege og juridiske omsyn integrerte og styrande.

Med barnet sine behov i sentrum, og med inspirasjon frå uttrykket «It takes a village to raise a child», legg modellen til rette for at private og profesjonelle relasjonar rundt barnet utfyller kvarandre som ei samla landsby. Når tenestene tek i bruk tankesettet og verktøya i modellen, styrkjer dei grunnlaget for å levera tenester med lovpålagd kvalitet til beste for barna og familiane vi møter.

Landsbymodellen skal, gjennom solid fagleg forankring og god forvaltningspraksis, bidra til å byggje trygge fagpersonar i det kommunale barnevernet. På den måten skal ein styrke og stabilisere den barnevernfaglege og juridiske oppfølginga av barn, foreldre og fosterforeldre.

Barneverntenesta legg stor vekt på eit sterkt fagmiljø, og vi ønskjer å levere tenester av høg kvalitet til barn og familiar i ei lærande organisasjon. Vi er stolte av arbeidet vårt, og vår grunnleggande haldning er at barn og familiar er ekspertar på eigne liv barn skal bli høyrde, og deira meining skal komme tydeleg fram i alle prosessar.

Ei systematisk og målretta innføring av Landsbymodellen er avgjerande for å få varig endring i praksis. Stillinga krev derfor høg kompetanse i implementering, og ansvar for å leia arbeidet, forankra modellen og sikra at både faglege og juridiske krav vert ivaretekne i gjennomføringa.

Det vil kunne ligge prosjektlederansvar for både pågåande og nye utviklingsprosjekt til stillinga. Som fagutviklar vil du vere ein del av tenesta sitt leiarteam.

Vi søkjer deg som er fagleg ambisiøs, nytenkjande og relasjonelt modig. Du må trivast i eit høgt tempo, vere god på koordinering og ha glede av å rettleie kollegaer.

Du vil få:

• ta del i eit fagleg innovativt og engasjert arbeidsmiljø med ambisjonar om å vere eit fyrtårn i norsk fosterbarnsomsorg
• du høve til å fordjupe deg i barnevernsfaget og bidra til å løfte tenesta sitt arbeid innan fosterbarnsomsorg
• fagleg rettleiing og oppfølging i rolla som prosjektleiar gjennom læringsnettverket

Vi treng at du har:

• Sosialfagleg utdanning på bachelor-/masternivå, med relevant vidareutdanning
• Sterk implementeringskompetanse og erfaring med varig praksisendring
• Solid erfaring frå arbeid med barn og familiar, særleg innan fosterheim
• God innsikt i barnevernfagleg metodikk og fosterbarnsomsorg
• God forståing for barneverntenesta sitt forvaltningsansvar
• Evne til å vere nytenkjande, initiativrik og gjennomføringssterk
• Oppdatert på fagkunnskap og god oversikt over relevant forsking
• Evne til sjølvstendig, strukturert og samarbeidande arbeid, med forståing for mentaliserande samarbeid
• Engasjement for utvikling og evne til å omsetje komplekst fag til praktisk arbeid
• Svært gode munnlege og skriftlege formidlingsevner

• Erfaring frå anna implementering- og fagutviklingsarbeid innan barnevern
• Eit genuint engasjement for utviklingsarbeid i fosterbarnsomsorg
• Høg grad av fleksibilitet
• Det blir lagt avgjerande vekt på personlege eigenskapar og korleis du passar inn i vårt faglege grunnsyn og personalmiljø

Arbeidsoppgåver som fagutviklar i avdeling omsorg:

• Overordna ansvar for fagutvikling i avdelinga
• Ansvar for implementering av Landsbymodellen i avdelinga
• Deltaking i internkontroll
• Prosjektleiar for aktuelle utviklingsprosjekt i læringsnettverket til Statsforvaltaren i Vestland
• Vere ein del av tenesta sitt leiarteam, med fokus på realisering og oppfølging av tenesta sine strategiar
• Tett samarbeid med relevante fag-, utdannings- og forskingsmiljø
• Samarbeid med andre tenester innan oppvekstfeltet
• Identifisere utviklingsområde som styrkjer kvalitet og effektivitet i tiltak og arbeidsprosessar
• Vere oppdatert på nasjonale føringar, kunnskapsutvikling og forsking innan barnevern, og bidra til at tenesta tilpassar praksis i tråd med dette
• Andre oppgåver kan bli tillagt stillinga ut frå framtidige behov i tenesta

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Kontaktperson:

Einingsleiar Hege Gundersen
Telefon: 934 84 846
E-post:

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.