Kvalitetskoordinator

Om oss
Mikrobiologisk avdeling er ei av 11 avdelingar i Medisinsk klinikk og leverer laboratorietenester innan bakteriologi, serologi og molekylærbiologi til heile Sogn og Fjordane. Vi mottek og analyserer, og rapporterar svar til avdelingar i Helse Førde, eksterne legekontor og kommunale institusjonar.

Avdelinga har høgt fokus på kvalitet og er akkreditert etter standard for medisinske laboratorium NS-EN ISO 15189. Vi er eit tverrfagleg miljø med 27 tilsette. Vi har eit tett samarbeid mellom legar, bioingeniørar, molekylærbiologar, avdelingsingeniørar og sekretærar.

Vi legg stor vekt på trivsel og godt arbeidsmiljø i ein hektisk kvardag. 

Om stillinga
Vår dyktige kvalitetskoordinator skal ut i permisjon, og vi søkjer ein fagleg sterk, engasjert og utviklingsorientert medarbeidar i perioden 01.10.2026 - 30.09.2027.

Hos oss vil du bli ein del av eit inkluderande og godt arbeidsmiljø. Du vil arbeide saman med kollegaer som har høg fagkompetanse og som har stort engasjement for arbeidet. Du vil arbeide tett med leiinga i kvalitetsarbeidet, inkludert arbeidet med IVDR og oppretthalde akkreditering etter NS-EN ISO 15189.

Ved internt opprykk kan det bli ledig vikariat i fagstilling eller grunnstilling. Oppgje i søknaden om dette er av interesse. 

Arbeidsoppgåver

• Ansvar for kvalitets- og forbetringsarbeid ved avdelinga i samarbeid med leiinga ved avdelinga
• Arbeid med akkrediteringsprosessar, godkjenning og vedlikehald av ISO standardar
• Arbeid med innføring av IVDR
• Handsame og følgje opp avviksmeldingar, risikovurderingar og klager
• Planlegge, organisere og gjennomføre interne revisjonar
• Tilrettelegge for eksterne tilsyn og revisjonar
• Delta ved relevante kvalitetsprosjekt og dagleg driftsoppgåver ved behov
• Bidra med opplæring av nytilsette og studentar

Kvalifikasjonar

• Relevant utdanning frå høgskulen/univeristetsnivå, bioingeniørutdanning vert verktlagt
• Erfaring frå kvalitetsarbeid, sertifisering, akkreditering og/eller revisjon er ein fordel
• God kjennskap til standard NS-EN ISO 15189 er ein fordel
• God innsikt i IVDR regelverket er ein fordel
• Erfaring innan sjukehus- og laboratoriearbeid er ein fordel
• Må beherske norsk godt, både munnleg og skriftleg. Søkjarar utanfor Skandinavia må kunne vise til dokumentasjon på dette

Personlege eigenskapar

• Evne til å arbeide sjølvstendig og strukturert
• Gode kommunikasjons- og samarbeidsevner
• Interesse for kontinuerleg forbetringsarbeid
• Trivast i eit tverrfagleg, hektisk, men godt arbeidsmiljø

Vi tilbyr

• Spennande oppgåver i eit fag i sterk utvikling
• Fagleg og personleg utvikling
• Eit triveleg arbeidsmiljø
• Opplæring innan akkrediteringsstandardar
• Løn etter kvalifikasjonar i samsvar med gjeldande overinskomst
• Gode pensjons- og forsikringsordningar
• Fjord, fjell og flott natur like utanfor døra
• Sjukehuset kan bidra med hjelp til å skaffe bustad

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Marianne Schiefloe Myklebust, Konstituert avdelingssjef, +47 986 64 325

Arbeidssted

Svanehaugvegen 2

6812 Førde

Nøkkelinformasjon:

Arbeidsgiver: Helse Førde


Referansenr.: 5130010157

Stillingsprosent: 100%

Vikariat

Startdato: 01.10.2026

Sluttdato: 30.09.2027

Søknadsfrist: 31.05.2026