Prosjektøkonom

Seksjon for forsking og utdanning (SFU) ved Helse Møre og Romsdal HF har hatt ei sterk og positiv utvikling i forskingsaktiviteten dei siste åra.

Vi søkjer no ein engasjert prosjektøkonom som vil spele ei nøkkelrolle i å sikre forsvarleg forvaltning av forskingsmidlar og leggje til rette for vidare vekst. Stillinga er ny og gir deg høve til å byggje opp system og rutinar frå grunnen av, i tett samarbeid med forskarar, prosjektleiarar og leiing.

Arbeidsoppgåver

• Overordna ansvar for plan, budsjett og oppfølgingsprosess for forskarar og stipendiatar i HMR
• Intern fordeling av inntekter og kostnader knytte til kliniske studiar (oppdrag og bidrag)
• Løpande rekneskapsoppfølging av forskingsprosjekt
• Oppfølging av intern- og eksternt finansierte forskarstillingar og bidragsforsking
• Vidarefakturering til samarbeidspartnarar og eksterne finansieringskjelder
• Saksbehandling og rapportering til leiing
• Økonomisk rådgiving og avgjerdsstøtte for vitskapleg personell
• Utvikling av standardiserte rutinar og system for prosjektøkonomiforvaltning

Kvalifikasjonar

• Relevant økonomifagleg utdanning frå universitet eller høgskule, minimum bachelorgrad; helst mastergrad. Lang og relevant erfaring kan kompensere for delar av utdanningskravet
• Erfaring med rekneskap, budsjettering, analyse, controllerfunksjonar eller tilsvarande
• God kunnskap om IT- og økonomisystem, inkludert Excel
• Ønskte kvalifikasjonar: Erfaring med SAP og Power BI

Personlege eigenskapar

• Du har god evne til å arbeide systematisk, analytisk og heilskapleg
• Du er sjølvstendig, initiativrik og fleksibel
• Du har gode kommunikasjons- og samarbeidsevner
• Du har stor gjennomføringsevne
• Du er ein positiv bidragsytar til arbeidsmiljøet

Vi tilbyr

• Ei meiningsfull stilling med direkte bidrag til klinisk forsking og pasientbehandling
• Moglegheit til å byggje opp nye system og rutinar i ein organisasjon i vekst
• Tett samarbeid med forskarar, prosjektleiarar og leiing
• Konkurransedyktige vilkår etter HMR sitt lønsregulativ
• Gode arbeidsforhold og eit godt arbeidsmiljø
• Finansiering gjennom øyremerkte forskingsmidlar – trygg og føreseieleg ramme i 2 år, med moglegheit for forlenging
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her. 

Kontaktinformasjon

Endre Grøvik, Forsknings- og utdanningssjef, endre.grovik@helse-mr.no

Arbeidsstad

Åsehaugen 5

6017 Ålesund

Nøkkelinformasjon:

Arbeidsgivar: Helse Møre og Romsdal HF


Referansenr.: 5112156618

Stillingsprosent: 100%

Engasjement

Søknadsfrist: 31.05.2026