Ph.d.-stipendiat i informatikk - KI-tryggleik

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgAStipendiat

Ved Institutt for informatikk er det ledig ei stilling som ph.d.-stipendiat i informatikk - KI-tryggleik. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er finansiert av Universitetet i Bergen.

Om prosjektet/arbeidsoppgåver

Denne stillinga har som mål å fremje vitskapleg forståing av dei interne mekanismane, feilmodusane og samkøyringseigenskapane (alignment) i moderne KI-verktøy som LLM-ar (store språkmodellar). Den som blir tilsett, vil bidra til forsking som kombinerer konseptuell grundigheit med empirisk analyse, og på den måten vere med på å byggje eit kunnskapsbasert fundament for tryggare og meir forståelege KI-system. Aktuelle tema kan vere:

 

• Å forstå «emergent» åtferd og representasjonslæring i LLM-ar

• Utvikling av kausale eller mekanistiske tilnærmingar til tolking

• Utforming av rammeverk for å styre modellåtferd i tryggleikskritiske samanhengar

 Kvalifikasjonar og eigenskapar

• Søkjarar må ha oppnådd mastergrad eller tilsvarande utdanning  innan kunstig intelligens, maskinlæring, algoritmar eller eit nærliggjande fagområde. Masterstudentar kan søkje dersom dei fullførar den endelege mastereksamen før 30.06.2026. Det er ein føresetnad at mastergraden er oppnådd før tilsetjing kan skje.
• Interesse for KI-tryggleik og KI-tolking er eit krav.
• Søkjarar må kunne dokumentere sterk fagleg bakgrunn i eitt eller fleire av følgjande fagområde relevante for forsking i denne retninga: maskinlæring, avansert programmering, algoritmar.
• Sterke programmeringsferdigheiter er eit krav.
• Erfaring med programmeringsarbeid knytt til toppmoderne KI-modellar er ein stor fordel.
• Søkjarar må kunne arbeide sjølvstendig og strukturert og ha gode samarbeidsevner.
• Søkjarar må ha gode skriftlege og munnlege engelskkunnskapar.

Personlege og mellommenneskelege eigenskapar vil bli lagt vekt på. Forskingserfaring, ambisjonar og potensial vil også telje ved vurdering av kandidatane.

Særeigne krav for stillinga

UiB er underlagd regelverket for eksportkontroll og regelverket gjeld ved behandling av søknadar til stillinga.

 

For stillinga gjeldt følgande

Om stillinga som ph.d.-stipendiat

Stipendperioden er på tre år, med opning for eit fjerde år avhengig av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing. Dersom eit fjerde år blir bestemt, vil éitt årsverk som består av karrierefremmande arbeid knytt til undervisning, formidling og forskingsinfrastruktur/tenester, bli fordelt over den samla tilsetjingsperioden og slik tilsvare 25 % av tida kvart år.

Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.

Om forskarutdanninga

Som ph.d.-stipendiat skal du delta i eit godkjent utdanningsprogram for ein ph.d.- grad innanfor ei tidsramme på tre år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.

 

Vi tilbyr

• Eit godt og fagleg stimulerande arbeidsmiljø
• Løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 593 700. Vidare opprykk skjer etter stillingsansiennitet.
• Medlemskap i Statens pensjonskasse
• Gode velferdsordningar

Søknaden skal innehalde

• ei kort utgreiing om forskingsinteresser og motivasjonen for å søkje stillinga
• ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane.
• namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve. 
• CV
• karakterutskrifter og vitnemål for bachelor- og mastergrad. Dersom du enno ikkje har fullført mastergraden din, må du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål innan tilsetjing.
• relevante attestar
• godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskaper ved opptak til ph.d.-programmet)
• eventuell liste over vitskaplege arbeid (publikasjonsliste med lenkjer)

 

 

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge. 

 

Generell informasjon

Utfyllande opplysningar om stillinga kan ein få ved å vende seg til: Instituttleiar Inge Jonassen, Institutt for informatikk, e-post: inge.jonassen@uib.no eller professor Jan Arne Telle, Institutt for informatikk, e-post: jan.arne.telle@uib.no.

For HR-relaterte spørsmål ta kontakt med HR-rådgjevar Maria Svåsand, e-post: maria.svasand@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

 

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5