Dansepedagog i Lesja og Dovre kulturskole

Ved Lesja og Dovre kulturskole er det frå 01.08.2026 ledig 30% fast stilling som dansepedagog.

Arbeidsoppgåver:

• Vekentleg gruppeundervising i dans for elevar på 1. trinn til 3. vgs.

• Å halde kortare kurs i dans for andre utanfor kulturskulen si kjernemålgruppe, til dømes i barnehage og for vaksne.

• Å delta på arrangement i kulturskuleregi samt elles i lokalsamfunnet.

• Arrangementsleiing og produksjonsarbeid.

• Planlegge godt og tilpasse undervisinga slik at alle kjenner på meistring og danseglede.

• Oppfølging og samarbeid med elevar og føresette.

• Deltaking på møter og andre relevante fora saman med andre kulturskuletilsette.

  
  

Kompetansekrav

• Høgare relevant utdanning frå universitet eller høgskule, på minimum bachelornivå.

• Pedagogisk kompetanse.

• Evne til å uttrykke seg godt på norsk, både munnleg og skriftleg.

• Gode digitale dugleikar.

  
  

Kompetanseønske

• Kunstfagleg utdanning innanfor dans.

• Erfaring frå undervising i kulturskulen.

• Erfaring frå produksjonsarbeid og oppsetjingar.

  
  

Vi vil gjerne ha din søknad dersom du

• Er god til å samarbeide og god til å kommunisere med andre.

• Evnar å arbeide sjølvstendig.

• Er positiv, nytenkande og liker utfordringar.

• Innehar fagleg kunnskap om kulturskulefaget, og har sjølv vore aktiv innanfor kunst- og kulturfeltet.

• Ynskjer å utvikle Lesja og Dovre kulturskole i tråd med rammeplanen <>.

Personleg høvelegheit vil bli tillagt stor vekt**.**

Kulturskulen si arbeidstid kan gå føre seg både på dagtid, kveldstid og på helg, og det forventast fleksibilitet med tanke på dette.

Søkar er nøydd til å ha førarkort klasse B.

Politiattest er påkravd ved tilsetjing.

Vi tilbyr deg eit spennande, tverrfagleg og utviklande arbeidsområde, lønn etter tariff og pensjonsordning i KLP. Elles gjeld vanlege kommunale tilsetjingsvilkår.

Vi gjer deg også merksam på at Dovre kommune er i kommunegruppe 5, og er med i den nasjonale ordninga til Lånekassen som omhandlar sletting av studiegjeld.

Lesja og Dovre kulturskole er ein interkommunal kulturskole for Lesja og Dovre kommunar, øvst i Gudbrandsdalen. Vi grenser til Trøndelag i nord og Møre og Romsdal i vest, og held til i store og langstrakte kommunar.

Vi har om lag 130 elevar fordelt på danse- og musikktilbod mellom alderen 6 og 19 år. Vi tilbyr vekentleg undervising i tråd med grunnskulen sitt årshjul, i tillegg til at vi har fleire kortkurs i laupet av skuleåret og samarbeid med fleire lag og foreiningar.

Lesja og Dovre kulturskole er eit ressurssenter for kunst og kultur i kommunane våre, og eit viktig bidrag til det lokale kulturlivet. Difor er vi opptekne av å nå ut til også andre målgrupper enn vår kjernemålgruppe (1. trinn til 3. vgs.), som til dømes barnehagar og eldreheimar.

Vi arrangerer mange førestillingar, kurs og tilstellingar gjennom året, og ser på det som ei viktig kjelde til motivasjon og glede både for elevar og resten av lokalsamfunnet.

I Lesja og Dovre kulturskole er det tilsett ein rektor, ein kontorhjelp, og sju lærarar. Vi er ei samansveisa og ressurssterk gruppe som brenn for kulturskulen vår, og for å vidareutvikle kulturskulen til å bli den beste for innbyggjarane i Lesja og Dovre.

Nærare opplysingar får du ved å kontakte Martine Haugen, rektor i Lesja og Dovre kulturskole, på tlf. 975 95 638 eller e-post martine.haugen@dovre.kommune.no.

Kopiar av vitnemål og attestar ber vi om at du tek med på eit evt. intervju.

Vi gjer merksam på at namn på søkjar kan bli offentleggjort sjølv om det blir bedt om reservasjon mot det, jamfør offentleglova §25. Søkaren vil i så fall bli varsla om dette på førehand.