Leiar for Koordinering og tildeling

Vil du ha ei nøkkelrolle i styringa og utviklinga av helse- og omsorgstenestene i Sula kommune?

Sula kommune søkjer ein tydeleg, fagleg sterk og erfaren leiar for Koordinering og tildeling, med solid kompetanse både innan leiing og saksbehandling.

Avdeling for Koordinering og tildeling har ein sentral funksjon i Sulakommune og har ansvar for heilskapleg, forsvarleg og rettstrygg tildeling avhelse- og omsorgstenester. Avdelinga er avgjerande for å sikre rett teneste tilrett tid, god ressursutnytting og samanhengande pasient- og brukarforløp. Velferdsteknologi og hjelpemiddel er organisert under avdelinga.

Stillinga er delt slik:
50 % leiarstilling, med ansvar for fag, personal, økonomi og drift
50 % rådgjevar- og saksbehandlarstilling, med aktiv deltaking i vedtaks- og forvaltningsarbeid

Avdeling for Koordingering og tildeling er ei stabsavdeling med sju medarbeidarar, og leiarstillinga er organisert under kommunalsjef Helse og meistring.

Arbeidsoppgåver

Leiaransvar (50 %)
Stillinga krev tydeleg leiing, struktur og gjennomføringsevne.
- Fagleg, personal- og driftsansvar for Koordinering og tildeling
- Leie og vidareutvikle avdelinga i tråd med lovverk, nasjonale føringar og politiske vedtak
- Sikre høg kvalitet, likebehandling og rettstryggleik i alle vedtak, i tråd med vedtekne økonomiske rammer
- Sørgje for god internkontroll og etterleving av gjeldande regelverk
- Utvikle og halde ved lag gode samarbeidsrelasjonar med tenesteområda, fastlegar, spesialisthelsetenesta og andre samarbeidspartnarar
- Delta aktivt i kommunen sitt leiar- og utviklingsarbeid

Rådgjevar- og saksbehandlaroppgåver (50 %)
Saksbehandling er ei kjerneoppgåve i stillinga og stiller store krav til fagleg tryggleik og presisjon.
- Saksbehandling og vedtak i tråd med gjeldande lovverk.
- Faglege vurderingar av tenestebehov, tenestenivå og heilskaplege løysingar
- Oppfølging og evaluering av vedtak
- Fagleg rettleiing til innbyggjarar, pårørande og samarbeidspartnarar
- Rettleiing internt i organisasjonen innan tildeling, regelverk og forvaltningspraksis
- Bidra til utvikling av rutinar, prosedyrar og kvalitetssystem

Kvalifikasjonar

Vi søker ein godt kvalifisert og motivert leiar som har følgjande kvalifikasjonar

• 3-årig høgskuleutdanning innan relevante fagområde
• Relevant erfaring frå arbeid med koordinering og tildeling av helse- og omsorgstenester i kommune
• Fordel med relevant leiarutdanning
• Dokumentert erfaring med saksbehandling og vedtaksarbeid
• God og oppdatert kunnskap om:
  -helse- og omsorgstenestelova
  -forvaltningslova
  -pasient- og brukarrettigheitslova
  -lov om helsepersonell
• God digital kompetanse og erfaring med relevante fagsystem
• Ansvar for å sikre eit heilskapeleg pasientforløp (HPF/HPH)
• Svært god skriftleg og munnleg framstillingsevne

Det vert lagt særleg vekt på:
- Gode leiarerfaringar, anten gjennom formelt personalansvar eller tydeleg fagleg leiing
- Evne til å kombinere leiarrollen med aktiv og sjølvstendig saksbehandling
- Struktur, gjennomføringsevne og tryggleik i krevjande faglege vurderingar
- God forståing for både brukarperspektivet, tenesteperspektivet og kommunen sitt heilskapelege ansvar

Personlege eigenskapar

• Tydelig, trygg og inkluderande leiar
• Strukturert og analytisk arbeidsform
• Høg fagleg integritet og god rolleforståing
• Gode samarbeidsevner og kommunikasjonsevner
• Bidra til å skape eit godt arbeidsmiljø
• Evne til å handtere kompleksitet og høgt arbeidspress

Vi tilbyr

• Ei strategisk viktig leiarstilling i Sula kommune
• Moglegheit til å påverke utviklinga av kommunen sine helse- og omsorgstenester
• Eit tverrfagleg og engasjert arbeidsmiljø
• Gode pensjons- og forsikringsordningar
• Løn etter avtale

Sula kommune er opptatt av å utvikle og forbetre tenestene saman med innbyggerane og næringslivet, slik vi kan vere ei trygg og framtidsretta kommune. 

Sula kommune ligg sentralt til på Sunnmøre med Ålesund som næraste nabo. Kommunen har omlag 9800 innbyggjarar, der omlag halvparten bur i kommunesenteret Langevåg. Sula er ein av dei minste og mest folketette kommunane i fylket.

Kommunen er vekstkommune med stor aktivitet, rikt kulturliv og har gode høve til å dyrke friluftsliv. Veksten har ført til auke av butikk-, kafe- og næringsverksemder. Det tek 7 minutt med båt over til Ålesund sentrum. Kommunesenteret og Sula rådhus ligg i Langevåg. 

Kommunen praktiserer meiroffentlegheit ved tilsettingar. Det betyr at ein som søkar må grunngje kvifor ein eventuelt ber om unntatt offentlegheit. Grunngjevinga vert vurdert opp mot reglane i Offentlegheitslova. Søkarar som ber om unntatt offenentlegheit vil verte kontakta.