Juridisk rådgjevar/seniorrådgjevar

Vil du jobbe med juridisk rådgjeving og saksbehandling i eit stort juridisk miljø?
Har du erfaring med, eller interesse for, å arbeide med offentleg rett i ein politisk styrt organisasjon? Trivst du med å jobbe i eit hektisk og framoverlent arbeidsmiljø?

Juridisk seksjon har no ledig eit vikariat ut 2026. Vi har behov for rask tiltreding og vil leggje vekt på dette i rekrutteringsprosessen.

Vi har som overordna ambisjon å dekkje det aller meste av Vestland fylkeskommune sitt behov for rettshjelp. I dette ligg å synleggjere og tilby kompetent juridisk rådgjeving for heile Vestland fylkeskommune.
Juridisk seksjon er eit stort juridisk miljø med seks advokatar, inkludert leiar, og tolv juridiske rådgjevarar/seniorrådgjevarar.

Vi har også som mål å leggje til rette for møtegjennomføring i folkevalde organ i samsvar med lov og reglement, samt at fylkeskommunen tek vare på sine oppgåver knytte til stortingsval, kommuneval og fylkestingsval.

Det er ledig vikariat som juridisk rådgjevar/seniorrådgjevar. Stillinga er knytt til Bergen eller Leikanger.
Vestland fylkeskommune skal utvikle gode lokalsamfunn og sterke by- og senterområde. Dei som nyttar tenestene våre, skal oppleve ei fylkeskommune med høg kvalitet.

Sidan juridisk seksjon har heile Vestland fylkeskommune som oppdragsgivar, vil oppgåver og ansvar kunne variere avhengig av kompetanse, erfaring, interesse og behov.

Arbeidsoppgåver

Juridisk rådgjeving og sakshandsaming innan:

Førebu saker til den fylkeskommunale klagenemnda,
Juridisk rådgjeving og saksbehandling for avdeling for infrastruktur og veg.
Andre oppgåve ved behov.
Då juridisk seksjon gir bistand til heile Vestland fylkeskommune, må aktuell kandidat rekne med oppgåve ut frå behov, kompetanse, erfaring og individuelle eigeskapar.

Kvalifikasjonar

Krav om juridisk embetseksamen eller master i rettsvitskap
Ønskjeleg med interesse for fleire av dei aktuelle arbeidsoppgåvene
Ønskjeleg med noko erfaring.

Personlege eigenskapar

Du kjenner deg igjen i verdiane våre som er open, kompetent og modig.

Positiv og omgjengeleg som person
Serviceinnstilt
Gode samarbeidsevner
Sterk på prioritering for å sikre levering innan fastsett frist

Vi tilbyr

Hos oss får du:

• ein meiningsfull og samfunnsnyttig arbeidskvardag
• ei spanande stilling i eit arbeidsmiljø med høg fagleg kompetanse
• gode moglegheiter for fagleg utvikling
• løn etter avtale
• gode offentlege pensjons- og forsikringsordningar

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.